ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – គុណភាពនៃការបណ្តុះបណ្តាល ការស្រាវជ្រាវ និងសេវាកម្មផ្សេងៗនៅកម្រិតឧត្តមសិក្សា បានដើរតួនាទីយ៉ាងសំខាន់ក្នុងការអភិវឌ្ឍន៍សង្គមសេដ្ឋកិច្ចកម្ពុជា ឆ្លើយតបទៅនឹងចក្ខុវិស័យរបស់រាជរដ្ឋាភិបាលកម្ពុជាឆ្នាំ២០៣០ និងឆ្នាំ២០៥០ ដែលនឹងប្រែក្លាយកម្ពុជាទៅជាប្រទេសមានចំណូលមធ្យមកម្រិតខ្ពស់ និងចំណូលខ្ពស់ ។ ក្នុងយុទ្ធសាស្រ្តចតុកោណដំណាក់កាលទី៤ កម្ពុជាត្រូវការចាំបាច់ក្នុងការធានាកំណើន ការងារ សមធម៌ និងប្រសិទ្ធភាព ដើម្បីឈានទៅសម្រេចបានចក្ខុវិស័យរបស់ខ្លួន។
ជាមួយគ្នានេះ ក្រសួងអប់រំ យុវជន និងកីឡា ក៏បានដាក់ទិសដៅកំណែទម្រង់អនុវិស័យឧត្តមសិក្សាក្នុងរយៈពេល ៥ឆ្នាំខាងមុខ ដោយផ្តោតលើការលើកកម្ពស់គុណភាពការស្រាវជ្រាវ ដោយជំរុញនិងលើកទឹកចិត្តការបង្កើតមជ្ឈមណ្ឌលឧត្តមភាពតាមគ្រឹះស្ថានឧត្តមសិក្សា ដោយមជ្ឈមណ្ឌលនេះ នឹងក្លាយជាសមាសភាគគន្លឹះចូលរួមសម្រេចចក្ខុវិស័យសេដ្ឋកិច្ច និងការអប់រំបែបឌីជីថលរបស់កម្ពុជានាពេលអនាគត។
តើមជ្ឈមណ្ឌលឧត្តមភាពជាអ្វី?
លោកបណ្ឌិត ហេង គ្រេង ប្រធាននាយកដ្ឋានស្រាវជ្រាវវិទ្យាសាស្រ្ត នៃអគ្គនាយកដ្ឋានឧត្តមសិក្សារបស់ក្រសួងអប់រំ យុវជន និងកីឡា មានប្រសាសន៍ថា នៅប្រទេសអភិវឌ្ឍជាច្រើននៅលើពិភពលោក មជ្ឈមណ្ឌលឧត្តមភាពត្រូវបានអនុវត្តនៅតាមសាកលវិទ្យាល័យ ដោយមានរូបរាងជាច្រើនទម្រង់។
បច្ចុប្បន្ននៅប្រទេសកម្ពុជា ក្រសួងអប់រំ បានបង្កើតមជ្ឈមណ្ឌលឧត្តមភាពចំនួន០៣ នៅតាមសាកលវិទ្យាល័យ ដោយរួមមាន ទី១.មជ្ឈមណ្ឌលឧត្តមភាពផ្តោតលើការបង្រៀន និងរៀន ដោយមជ្ឈមណ្ឌលនេះមាននៅក្នុងសាកលវិទ្យាល័យភូមិន្ទភ្នំពេញ ដែលមានមហាវិទ្យាល័យអប់រំជាអ្នកអនុវត្តផ្ទាល់ ក្នុងការស្រាវជ្រាវលើវិធីសាស្រ្តបង្រៀន ការៀន រង្វាយតម្លៃ ជួយគ្រឹះស្ថានផ្សេងៗក្នុងការធ្វើយ៉ាងណាដើម្បីកែលម្អគុណភាព សហការជាមួយដៃគូខាងក្រៅ ជាពិសេសសាកលវិទ្យាល័យដែលគុណភាព ដើម្បីកែលម្អកម្មវិធីសិក្សា និងការបង្កើតឱ្យមានសហគមន៍សិក្សាវិជ្ជាជីវៈ។
ទី២.មជ្ឈមណ្ឌលឧត្តមភាពសម្រាប់ការស្រាវជ្រាវ ត្រូវបានបង្កើតឡើងនៅក្នុងវិទ្យាស្ថានបច្ចេកវិទ្យាកម្ពុជា ដោយផ្តោតសំខាន់លើគម្រោងអនុវត្តការស្រាវជ្រាវ ការបោះពុម្ព ការផលិតនុវានុវត្តផ្សេងៗ និងសកម្មភាពធុរកិច្ច។ បច្ចុប្បន្នមជ្ឈមណ្ឌលនេះ ប្រមូលផ្តុំដោយអ្នកស្រាវជ្រាវថ្នាក់បណ្ឌិត ដោយកំពុងអនុវត្តគម្រោងស្រាវជ្រាវប្រមាណជាង ១០០គម្រោង។ កន្លងមកមជ្ឈមណ្ឌលនេះ បានស្រាវជ្រាវ និងបង្កើតផលិតផលសម្រាប់ការដាំដុះកសិកម្ម ផលិតផលផ្សេងៗជាច្រើន ដូចជា ឧបករណ៍សម្ងួតគ្រឿងទេស, ការបង្កើតជាឥដ្ឋដែលមានជាតិសេរ៉ាម៉ិច ឬជ័រជាដើម ដោយផលិតផលទាំងនោះអាចលក់ចេញបាន។
ដោយឡែកមជ្ឈមណ្ឌលឧត្តមភាពទី៣ គឺមជ្ឈមណ្ឌលឧត្តមភាពសម្រាប់ធុរកិច្ច ដោយកំពុងអនុវត្តនៅសាកលវិទ្យាល័យហេងសំរិនត្បូងឃ្មុំ ។ មជ្ឈមណ្ឌលមួយនេះ ដើរតួនាទីសំខាន់ទៅលើការបង្កើតផែនការអាជីវកម្ម ធុរកិច្ច ការរកប្រាក់ចំណូលឱ្យនិស្សិត ក៏ដូចជាសាស្រ្តាចារ្យ ។ ក្នុងនោះអ្វីដែលសាកលវិទ្យាល័យកំពុងធ្វើ គឺបានរៀបចំផែនការទៅលើបំណិនចំនួន២៣ ដើម្បីរកប្រាក់ចំណូលជាមួយនិស្សិត ដោយក្រុមនិស្សិតបានរៀបចំផែនការអាជីវកម្ម ដូចជា ចិញ្ចឹមឃ្មុំ កង្កែប កន្ធាយ ជ្រូកព្រៃ ពពែ មាន់ស្រែ ក៏ដូចជាផលិតជាមីផ្សេងៗដែលចេញពីផលិតផលដំណាំនៅសាកលវិទ្យាល័យ។
មជ្ឈមណ្ឌលនេះ ក៏បានចូលរួមជួយបណ្តុះបណ្តាលគ្រូបង្គោលផ្សេងៗនៅតាមសាលាមធ្យមសិក្សាចំនួន១៨ ដើម្បីធ្វើយ៉ាងណាឱ្យសិស្សរបស់គាត់អាចមានបំណិនរកប្រាក់ចំណូលបាន ហើយបំណិនទាំងអស់នោះ គឺអាចជួយដល់សិស្សអាចមានលទ្ធភាពសន្សំប្រាក់ មានលទ្ធភាពចូលរួម ឬបន្តការសិក្សា នៅក្នុងការអប់រំថ្នាក់ឧត្តមសិក្សា។
លោកបណ្ឌិត សំអោ អង្គារតន៍ អគ្គនាយករងគោលនយោបាយ និងផែនការ នៃក្រសួងអប់រំ យុវជន និងកីឡា មានប្រសាសន៍ថា ដើម្បីឱ្យសិស្សមានចំណេះដឹងខ្ពស់ លុះត្រាណាតែយកអ្វីដែលបានសិក្សារៀនសូត្រនៅថ្នាក់រៀន ទៅអនុវត្តផ្ទាល់នៅក្នុងជីវភាពរស់នៅប្រចាំថ្ងៃ ក៏ដូចជានាំយកអ្វីដែលជាតម្រូវការនៅតាមសហគ្រាស នៅតាមក្រុមហ៊ុន យកមកបង្រៀននៅតាមសាលារៀនដើម្បីឱ្យសិស្សទទួលបានចំណេះដឹងដែលអាចឆ្លើយតបទៅតាមតម្រូវការទីផ្សារការងារ។
ឯកឧត្តមបណ្ឌិតបញ្ជាក់ថា មជ្ឈមណ្ឌលឧត្តមភាពទាំងបី ដែលមាននៅសាកលវិទ្យាល័យភូមិន្ទភ្នំពេញ សាកលវិទ្យាល័យ ហេង សំរិន ត្បូងឃ្មុំ និងនៅវិទ្យាស្ថានបច្ចេកវិទ្យាកម្ពុជា កំពុងចូលរួមចំណែកយ៉ាងសំខាន់សម្រាប់តម្រូវការរបស់ក្រុមហ៊ុនឯកជន តាមរយៈការអនុវត្តបំណិនរកចំណូលរបស់និស្សិតសម្រាប់ទ្រទ្រង់ការសិក្សារៀនរបស់ពួកគេ។ សូមជម្រាបថា បើតាមក្រសួងអប់រំ ការផ្សារភ្ជាប់ទៅកិច្ចការរបស់និស្សិតនៅសាកលវិទ្យាល័យជាមួយនឹងរោងចក្រសហគ្រាស ជាការឆ្លើយតបទៅនឹងតម្រូវការកម្លាំងពលកម្មនៅតាមរោងចក្រ សហគ្រាស ហើយនៅចុងក្រោយបំផុត និស្សិតទទួលចំណូលខ្ពស់ ដែលឈានទៅសម្រេចចក្ខុវិស័យរបស់រាជរដ្ឋាភិបាលឈានទៅរកប្រទេសដែលមានចំណូលមធ្យមកម្រិតខ្ពស់ក្នុងឆ្នាំ២០៣០ ក៏ដូចជាប្រទេសដែលមានចំណូលខ្ពស់នៅក្នុងឆ្នាំ២០៥០៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វគ្គសិក្សាឥតគិតថ្លៃតាម online ទាំង១០នៅសាកលវិទ្យាល័យតូរ៉ុនតូប្រទេសកាណាដា
ព័ត៌មានអាហារូបករណ៍, ព្រឹត្តិការណ៍
• 30/03/2023
សាកលវិទ្យាល័យតូរ៉ុនតូ នៃប្រទេសកាណាដា បានផ្ដល់ការសិក្សាដោយឥតគិតថ្លៃតាមរយៈប្រព័ន្ធ Online ចំនួន១៥មុខជំនាញ ។...
អាហារូបករណ៍សម្រាប់និស្សិតថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញពី ធនាគា អ៊ូរី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 12/03/2025
សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពី British Wellcome Scholarships 2025
ព័ត៌មានអាហារូបករណ៍, ព្រឹត្តិការណ៍
• 27/05/2025
កម្មវិធីអាហារូបករណ៍ British Wellcome Scholarship 2025 ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យផ្សេងៗក្នុងចក្រភពអង់គ្លេស។ អាហារូបករណ៍ផ្ដល់ជូនការសិក្សាពេញលេញ សម្រាប់និស្សិតអន្តរជាតិ...
អាហារូបករណ៍ជំនាញវិជ្ជាជីវៈ នៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 06/02/2025
វិទ្យាស្ថានអភិវឌ្ឍន៍មុខជំនាញកម្ពុជា-ថៃ ប្រកាសជ្រើសរើស សិក្ខាកាម សិស្សានុសិស្ស និងសាធារណជន ចូលសិក្សាជំនាញវិជ្ជាជីវៈ និងបច្ចេកទេស ជាច្រើនកន្លែងសម្រាប់ការសិក្សាថ្នាក់បរិញ្ញាបត្របច្ចេកទេស (វិស្វករ) ថ្នាក់សញ្ញាបត្រជាន់ខ្ពស់បច្ចេកទេស...
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាលាជាតិផែនការ និងស្ថិតិឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 12/02/2024
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន២០កន្លែងនៅសាលាជាតិផែនការ និងស្ថិតិសម្រាប់ឆ្នាំសិក្សា២០២៤-២០២៥។ អាហារូបករណ៍...
ប្រទេសចិនផ្តល់អាហាររូបករណ៍ជាច្រើនកន្លែងដល់បុគ្គលិកអប់រំកម្ពុជា សម្រាប់ថ្នាក់បរិញ្ញាបត្រជាន់ខ្ពស់ និងបណ្ឌិត
ព័ត៌មានអាហារូបករណ៍, ព្រឹត្តិការណ៍
• 18/04/2023
ក្រោមកម្មវិធីអាហារូបករណ៍របស់ MFCOM សាធារណរដ្ឋប្រជាមានិតចិន បានប្រកាសផ្តល់អាហារូបករណ៍ជាច្រើនកន្លែងដល់មន្រ្តីរាជការកម្ពុជា ដើម្បីទៅបន្តការសិក្សាថ្នាក់បរិញ្ញាបត្រជាន់ខ្ពស់...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Beijing Normal ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 17/01/2025
សាកលវិទ្យាល័យភូមិន្ទភ្នំពេញ បានប្រកាសដំណឹងអំពីការជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យប៉េកាំង (Beijing Normal Universty) នាសាខា Zhuhai នៃសាធារណរដ្ឋប្រជាមានិតចិន ឆ្នាំសិក្សា២០២៥។
ឱកាសសិក្សាជំនាញវិជ្ជាជីវៈចំនួន៤០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 08/09/2023
វិទ្យាស្ថានពហុបច្ចេកទេសខេត្តបន្ទាយមានជ័យផ្ដល់ការសិក្សាឥតគិតថ្លៃជំនាញវិជ្ជាជីវៈចំនួន៤០កន្លែង នៅខេត្តបន្ទាយមានជ័យ ។ ការសិក្សាវគ្គបណ្ដុះបណ្ដាលនឹងចាប់ផ្ដើមចំនួន២វគ្គ ...
អាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់និស្សិតអាស៊ាន ទៅសិក្សានៅសាកលវិទ្យាល័យ Universitas Padjadjaran ឥណ្ឌូនេស៊ី
ព័ត៌មានអាហារូបករណ៍, ព្រឹត្តិការណ៍
• 04/06/2026
សាកលវិទ្យាល័យ Universitas Padjadjaran (Unpad) ដែលជាគ្រឹះស្ថានឧត្តមសិក្សាឈានមុខគេមួយនៅក្នុងប្រទេសឥណ្ឌូនេស៊ី បានប្រកាសដាក់ឱ្យដំណើរការកម្មវិធីអាហារូបករណ៍ថ្នាក់ដឹកនាំ និងឧត្តមភាពអាស៊ាន...
កម្មវិធីពិសេសរបស់ AMS EDUCATION
ព័ត៌មានសង្ខេប
