ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ទីក្រុងសេអ៊ូល បានក្លាយជាជាទីក្រុងល្អបំផុតរបស់ពិភពលោក សម្រាប់និស្សិតអន្តរជាតិក្នុងឆ្នាំ២០២៦ ដោយឈរនៅលើកំពូលតារាង QS Best Student Cities ជាមួយនឹងពិន្ទុល្អឥតខ្ចោះ ១០០ពិន្ទុ។
រដ្ឋធានីរបស់កូរ៉េខាងត្បូងបានឡើងចំណាត់ថ្នាក់ពីឆ្នាំមុន វ៉ាដាច់ទីក្រុងតូក្យូ ដែលស្ថិតក្នុងលំដាប់ទី២ ដោយបាត់តំណែងកំពូល ព្រោះតែបាត់ពិន្ទុត្រឹមតែ ០.០១ ពិន្ទុប៉ុណ្ណោះ។
ទីក្រុងឡុងដ៍ ដែលធ្លាប់ឈរចំណាត់ថ្នាក់កំពូលកាលពីឆ្នាំមុន បានធ្លាក់មកចំណាត់ថ្នាក់លេខ៣ ជាមួយនឹងពិន្ទុ ៩៧,១។
ចំណាត់ថ្នាក់ប្រចាំឆ្នាំ ដោយក្រុមហ៊ុនប្រឹក្សាអប់រំ QS បានវាយតម្លៃទីក្រុង ដោយផ្អែកលើគុណភាពសាកលវិទ្យាល័យ ចំនួននិស្សិតអន្តរជាតិ បំណងប្រាថ្នារបស់និស្សិត ឱកាសការងារបន្ទាប់ពីបញ្ចប់ការសិក្សា តម្លៃសមរម្យ និងមតិស្ថាបនាពីសំណាក់និស្សិត។
សម្រាប់ទីក្រុងកំពូលទាំង ១០ នៅឆ្នាំនេះ មានទីក្រុងចំនួន ៦នៅអឺរ៉ុប ២នៅអាស៊ី និង២នៅអូសេអានី។ ទីក្រុងមុយនិច, ម៊ែលបន និងស៊ីដនី ស្ថិតនៅចំណាត់ថ្នាក់ទី៤ ទី៥ និងទី៦ រៀងគ្នា។
ទីក្រុងប៊ែកឡាំងបានធ្លាក់ចំណាត់ថ្នាក់ ពីលេខ២ ទៅលេខ៧ ខណៈទីក្រុងប៉ារីស និងហ្សូរិច ស្ថិតនៅចំណាត់ថ្នាក់ទី៨ និងទី៩។ ទីក្រុងវីយែន ស្ថិតនៅក្នុងចំណាត់ថ្នាក់កំពូលទាំង ១០ បន្ទាប់ពីឡើងចំណាត់ថ្នាក់ចំនួន ៤ថ្នាក់។
ដើម្បីធ្វើឱ្យតារាងចំណាត់ថ្នាក់នេះមានគុណភាពស្ដង់ដា ទីក្រុងមួយត្រូវតែមានអ្នករស់នៅយ៉ាងតិច ២៥ម៉ឺនានាក់ និងសាកលវិទ្យាល័យ ២ ឬច្រើន ដែលនឹងទទួលបានលក្ខណៈពិសេស នៅក្នុងចំណាត់ថ្នាក់សាកលវិទ្យាល័យ QS World ចុងក្រោយបំផុត៕
