ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រដ្ឋាភិបាលប្រទេសហូឡង់កំពុងត្រៀមអនុវត្តបម្រាមមិនអនុញ្ញាតឱ្យសិស្សានុសិស្សទាំងអស់ប្រើប្រាស់ទូរស័ព្ទដៃ ថេប្លេត និងនាឡិកាឆ្លាតវៃនៅក្នុងថ្នាក់រៀនដាច់ខាត ។ ការដាក់បម្រាមចំពោះការប្រើប្រាស់ឧបករណ៍បច្ចេកវិទ្យាទំនើបនេះ ធ្វើឡើងនៅក្នុងគោលបំណងពង្រឹងការយកចិត្តទុកដាក់របស់សិស្សទៅលើមេរៀន ព្រមទាំងកាត់បន្ថយការរំខាននានា ។ នេះបើតាមការចុះផ្សាយរបស់សារព័ត៌មាន DW អាឡឺម៉ង់នៅព្រឹកថ្ងៃពុធ ទី០៥ ខែកក្កដា ឆ្នាំ២០២៣ ។
លោក Robbert Dijkgraaf រដ្ឋមន្ត្រីក្រសួងអប់រំនៃប្រទេសហូឡង់បានឱ្យដឹងថា បម្រាមមិនឱ្យប្រើប្រាស់ឧបករណ៍បច្ចេកវិទ្យាទំនើបនៅក្នុងថ្នាក់រៀននេះ នឹងផ្តើមអនុវត្តពេញលេញចាប់ពីថ្ងៃទី០១ ខែមករា ឆ្នាំ២០២៤ តទៅ ហើយបម្រាមនេះលើកលែងចំពោះមេរៀនស្តីពីបំណិនបច្ចេកវិទ្យាតែប៉ុណ្ណោះ ។ ក្រសួងអប់រំក៏បានបញ្ជាក់ថា ការប្រើប្រាស់ទូរស័ព្ទដៃ ថេប្លេត និងនាឡិកាឆ្លាតវៃនៅក្នុងថ្នាក់រៀនលើកលែងចំពោះសិស្សដែលមានពិការភាព និងស្របតាមលក្ខខណ្ឌវេជ្ជសាស្ត្រផ្សេងៗដែលតម្រូវ ។
ការស្រាវជ្រាវបានបង្ហាញថា ទូរស័ព្ទដៃមិនមែនជារបស់ដែលសាកសមនៅក្នុងថ្នាក់រៀននោះទេ ទោះបីវាមានចំណងជាប់ពាក់ព័ន្ធជាមួយជីវិតរបស់មនុស្សម្នាក់ៗក៏ដោយ ។ ភារៈកិច្ចចម្បងរបស់សិស្សត្រូវតែអាចផ្តោតអារម្មណ៍ខ្ពស់លើការសិក្សា ហើយគ្រប់គ្នាមានតួនាទីសំខាន់គឺការពារពួកគេ ។ នេះបើតាមការបញ្ជាក់របស់លោក Robbert Dijkgraaf រដ្ឋមន្ត្រីក្រសួងអប់រំនៃប្រទេសហូឡង់ ។
គួរបញ្ជាក់ថា ការសម្រេចចិត្តរបស់ហូឡង់ធ្វើឡើងបន្ទាប់ពីការសម្រេចដូចគ្នានៅប្រទេសហ្វាំងឡង់ ដែលប្រកាសមិនអនុញ្ញាតឱ្យសិស្សានុសិស្សទាំងអស់ប្រើប្រាស់ទូរស័ព្ទដៃ ថេប្លេត និងនាឡិកាឆ្លាតវៃនៅក្នុងថ្នាក់រៀន កាលពីសប្តាហ៍កន្លងទៅ ។ ចំណែកនៅប្រទេសអាឡឺម៉ង់វិញ មានរដ្ឋ Bavaria បានប្រកាសមិនអនុញ្ញាតឱ្យសិស្សានុសិស្សទាំងអស់ប្រើប្រាស់ទូរស័ព្ទដៃក្នុងថ្នាក់រៀនដូចគ្នា ៕
