ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Flinders នៃប្រទេសអូស្ត្រាលី ឆ្នាំសិក្សា២០២៤។ អាហារូបករណ៍ផ្ដល់ជូនសម្រាប់និស្សិតអន្តរជាតិគ្រប់សញ្ជាតិរួមទាំងនិស្សិតកម្ពុជាសម្រាប់ការសិក្សារយៈពេល២ឆ្នាំ និង៣ឆ្នាំតាមកម្រិតថ្នាក់សិក្សា។
ជំនាញសម្រាប់ការសិក្សាថ្នាក់បរិញ្ញាបត្រជាន់ខ្ពស់រួមមាន បរិញ្ញាបត្រជាន់ខ្ពស់សិល្បៈ បរិញ្ញាបត្រជាន់ខ្ពស់ពាណិជ្ជកម្ម បរិញ្ញាបត្រជាន់ខ្ពស់ការអប់រំគ្លីនិកដោយការស្រាវជ្រាវ (includes coursework) បរិញ្ញាបត្រជាន់ខ្ពស់វិស្វកម្ម បរិញ្ញាបត្រជាន់ខ្ពស់ផ្នែកស្រាវជ្រាវសុខភាព និងគ្លីនិក (includes coursework) បរិញ្ញាបត្រជាន់ខ្ពស់ច្បាប់ បរិញ្ញាបត្រជាន់ខ្ពស់ផ្នែកវិទ្យាសាស្រ្ត បរិញ្ញាបត្រជាន់ខ្ពស់ផ្នែកវះកាត់។
ជំនាញសម្រាប់ថ្នាក់បណ្ឌិតរួមមាន ចិត្តវិទ្យាគ្លីនិក, គ្លីនិក, កុំព្យូទ័រ បច្ចេកវិទ្យាព័ត៌មាន ឬគណិតវិទ្យា, សិល្បៈច្នៃប្រឌិត និងការសម្តែង, ឧក្រិដ្ឋកម្មវិទ្យា, សុខភាពឌីជីថល, ការអប់រំ, វិស្វកម្ម, វិទ្យាសាស្ត្របរិស្ថាន, រដ្ឋាភិបាល និងទំនាក់ទំនងអន្តរជាតិ, ការសង្គ្រោះបន្ទាន់ផ្នែកសុខភាព និងសុវត្ថិភាពសុខភាព, សុខភាពសាធារណៈ និងជនបទ និងសុខភាពពីចម្ងាយ, ប្រវត្តិសាស្ត្រ បុរាណវិទ្យា ភូមិសាស្ត្រ និងការសិក្សាជនជាតិដើមភាគតិច, ភាសា អក្សរសាស្ត្រ និងវប្បធម៌, ច្បាប់, ចិត្តវិទ្យា, ការថែរក្សាខ្លួនឯងនិងការថែទាំ , វិទ្យាសាស្ត្រសង្គម, ការងារសង្គម, ជីវវិទ្យាវេជ្ជសាស្រ្ត។
លក្ខខណ្ឌជ្រើសរើសសម្រាប់បេក្ខជនស្នើពាក្យអាហារូបករណ៍ ជានិស្សិតមកពីទូទាំងពិភពលោក បានបញ្ចប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត មានប្រវត្តិល្អក្នុងការសិក្សា និងការស្រាវជ្រាវ ចេះភាសាអង់គ្លេសបានស្ទាត់ជំនាញ មានស្មារតី និងការតាំងចិត្តខ្ពស់ក្នុងការសិក្សារហូតដល់ចប់។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមភ្ជាប់ជាមួយឯកសារចាំបាច់ដូចជា ជីវប្រវត្តិផ្ទាល់ខ្លួន ប្រតិចារិក សំណើស្រាវជ្រាវ៥០០ពាក្យ ដោយឯកសារទាំងអស់ត្រូវបកប្រែជាភាសាអង់គ្លេស។ បេក្ខជនដែលមានចំណាប់អារម្មណ៍ក្នុងការដាក់ពាក្យសូមចូលទៅកាន់តំណភ្ជាប់ https://www.flinders.edu.au/scholarships/australian-government-research-training-program-scholarship-international ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៨ ខែសីហា ឆ្នាំ២០២៤៕
