ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
របាយការណ៍ថ្មីពីនាយករដ្ឋានពាណិជ្ជកម្ម និងអភិវឌ្ឍន៍អង្គការសហប្រជាជាតិ (UNCTAD) បានរកឃើញថា បញ្ញាសិប្បនិម្មិត (AI) អាចប៉ះពាល់ដល់ការងារ ៤០ភាគរយនៅទូទាំងពិភពលោក ដែលមានន័យថា ផលិតភាពការងារទូទៅនៅធម្មតា ប៉ុន្តែមនុស្សជាច្រើនអាចបាត់បង់ការងាររបស់ពួកគេ។
តាមរយៈរបាយការណ៍នេះបានបញ្ជាក់ថា AI អាចនឹងប៉ះពាល់ដល់ការងារ តាមទិដ្ឋភាពសំខាន់ចំនួន ៤ រួមមាន ៖ ការជំនួស ឬបំពេញបន្ថែមការងាររបស់មនុស្ស ធ្វើឱ្យស៊ីជម្រៅប្រព័ន្ធស្វ័យប្រវត្តិកម្ម និងការបង្កើតការងារថ្មីៗ ដូចជា ការស្រាវជ្រាវ ឬអភិវឌ្ឍ AI ជាដើម។
ក្រុមហ៊ុនមួយចំនួនតូច ដែលគ្រប់គ្រងភាពជឿនលឿនរបស់ពិភពលោក ក្នុងវិស័យ AI ជារឿយៗផ្ដល់អាទិភាពលើប្រាក់ចំណេញជាងកម្លាំងពលកម្មមនុស្ស ហើយ AI នឹងបង្កហានិភ័យ ដោយកាត់បន្ថយអត្ថប្រយោជន៍ប្រកួតប្រជែង នៃកម្លាំងពលកម្ម ដែលមានតម្លៃទាប ពីប្រទេសអភិវឌ្ឍន៍។
លោកស្រី Rebeca Grynspan អគ្គលេខាធិការ UCTAD បាននិយាយនៅក្នុងសេចក្ដីថ្លែងការណ៍ថា ជារឿងចាំបាច់ ដែលត្រូវមានកិច្ចសហប្រតិបត្តិការអន្តរជាតិខ្លាំងជាមុន ដើម្បីផ្លាស់ប្ដូរការផ្ដោតអារម្មណ៍លើបច្ចេកវិទ្យា ទៅរកមនុស្ស។
របាយការណ៍បានរកឃើញថា AI នឹងអាចមានតម្លៃដល់ទៅ ៤,៨ ទ្រីលានដុល្លារ នៅក្នុងទីផ្សារឆ្នាំ២០៣៣ ប៉ុន្តែអ្នកទទួលផលប្រយោជន៍ពីបច្ចេកវិទ្យានេះ មានលក្ខណៈប្រមូលផ្ដុំខ្លាំង។
មានក្រុមហ៊ុនតែជាង ១០០ប៉ុណ្ណោះដែលទទួលប្រយោជន៍ពីបច្ចេកវិទ្យានេះច្រើន ហើយក្រុមហ៊ុនភាគច្រើន មានមូលដ្ឋានក្នុងប្រទេសចិន និងអាមេរិក ដែលមានចំនួនស្ទើរតែពាក់កណ្ដាលទៅហើយ។
របាយការណ៍របស់ UNCTAD បានផ្ដល់អនុសាសន៍ថា ប្រទេសកំពុងអភិវឌ្ឍន៍ចាំបាច់ ត្រូវវិនិយោគលើការតភ្ជាប់អ៊ីនធឺណិត ដែលអាចទុកចិត្តបាន ដោយធ្វើឱ្យសំណុំទិន្នន័យមានគុណភាពខ្ពស់ សម្រាប់ការបណ្ដុះបណ្ដាលប្រព័ន្ធ AI និងបង្កើតប្រព័ន្ធអប់រំ ដែលផ្ដល់ឱ្យសិស្សនូវជំនាញឌីជីថលដែលចាំបាច់ ដើម្បីឱ្យពួកគេមានលទ្ធភាពប្រើប្រាស់បច្ចេកវិទ្យា នឹងសម្របខ្លួនទៅនឹងការវិវឌ្ឍន៍យ៉ាងឆាប់រហ័សនៃបច្ចេកវិទ្យា AI និងបច្ចេកវិទ្យាជាច្រើនទៀត៕
