ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រៅពីតួនាទីបង្កើតនិងមើលថែកូនដោយយកចិត្តទុកដាក់ ការអប់រំកូននៅក្នុងគ្រួសារ គឺជាផ្នែកមួយដ៏សំខាន់សម្រាប់ដំណើរជីវិតអាពាហ៍ពិពាហ៍របស់គូស្វាមីភរិយា ។ ការអប់រំកូនបានល្អមិនអាស្រ័យទាំងស្រុងទៅលើការអប់រំចំណេះដឹងអំពីលេខនព្វន្ត និងអក្សរប៉ុណ្ណោះទេ ក៏ប៉ុន្តែវាអាស្រ័យទៅលើការអប់រំពីបំណិន ជីវិត និងឥរិយាបថនៃការរស់នៅល្អៗដល់កូន (LIfe Skills) ។ យ៉ាងណាមិញម្តាយឪពុកមួយចំនួនហាក់ដូចជាភ្លេចខ្លួន ព្រមទាំងមើលរំលងទៅលើការអប់រំកូន ដោយពេលខ្លះប្រើការបង្គាប់បញ្ជារ ឬប្រើទម្លាប់តជំនាន់ ដើម្បីឱ្យកូនទទួលយកការអប់រំទាំងនោះនៅក្នុងន័យចង់ឱ្យកូនល្អ ។
១. ទម្លាប់ក្មេងកុំលូកមាត់ពេលចាស់ៗនិយាយគ្នា ៖ សិទ្ធិនៃការចូលរួមរបស់កុមារបានអនុវត្តល្អប្រសើរនៅក្នុងគ្រួសារ ដរាបណាម្ដាយឪពុករបស់ពួកគេបានផ្តល់តម្លៃទៅដល់ការចូលរួមរបស់កូននៅក្នុងគ្រួសារ ។ ការចូលរួមទាំងនោះ មានដូចជា មតិយោបល់ សកម្មភាព និងការសម្រេចចិត្តផ្សេងៗដោយពឹងផ្អែកទៅលើគោលគំនិតចូលរួមរបស់កុមារ ។
ឧទាហរណ៍នៅពេលដែលជ្រើសរើសសាលារៀនសម្រាប់កូន ម្ដាយឪពុកមួយចំនួនច្រើនវិនិច្ឆ័យទៅលើហេតុផលនៃបំណងនិងចំណង់ចំណូលចិត្តរបស់ខ្លួន ដោយមិនបានគិតអំពីអារម្មណ៍ ចំណង់ចំណូលចិត្ត និងឧបនិស្ស័យរបស់កូនឡើយ ។ ការសម្រេចចិត្តបែបនេះ អាចជាផ្នែកមួយដែលផាត់សំឡេងកុមារចេញពីការចូលរួម ព្រមទាំងការសម្រេចចិត្តក្នុងគ្រួសារ ។ ការរៀបចំអនាគតកូនឱ្យល្អជារឿងសំខាន់ តែអ្វីដែលសំខាន់គឺឥរិយាបថអប់រំកូននិងស្គាល់ច្បាស់ពីបំណងរបស់កូន ។
២. ទម្លាប់កូនឱ្យទទួលទានអាហារដើម្បីឆ្អែត និងបាត់ឃ្លាន ៖ ចំណង់ធម្មជាតិរបស់កុមារតែងប្រាថ្នាអាហារទទួលទានដែលមានរសជាតិឆ្ងាញ់ និងអាហារដែលពួកគេចូលចិត្ត ។ កង្វះអាហារដែលមានសារជាតិចិញ្ចឹម និងអាហារមិនស្អាតអាចបណ្តាលឱ្យកុមារមានបញ្ហាកង្វះអាហារូបត្ថម្ភ (ស្គមស្គាំង និងក្រិន) ប៉ុន្តែនៅក្នុងគ្រួសារដែលមានអាហារបរិបូរណ៍សម្រាប់កុមារ អាចបណ្តាលធ្វើឱ្យកុមារមានបញ្ហាលើសអាហារូបបត្ថម្ភ ។
បច្ចុប្បន្នកុមារមានបញ្ហាសុខភាពធាតុជ្រុល ហើយភាគច្រើនកើតឡើងដោយសារការបរិភោគចំណីអាហារដោយគ្មានការគ្រប់គ្រងត្រឹមត្រូវពីម្តាយឪពុក ឬការគ្រប់គ្រងរបបអាហារមិនបានល្អ ។ ការបង្ខំឱ្យកុមារបរិភោគអាហារឱ្យឆ្អែតតែមួយមុខ ឬធ្វើតាមចិត្តកូន មិនមែនជាសកម្មភាពអប់រំសុខភាពល្អសម្រាប់កូននោះទេ ផ្ទុយទៅវិញមានតែបង្ករហានិភ័យទាំងបច្ចុប្បន្ន និងអនាគត ។
៣. ទម្លាប់ផ្តល់ជំនួយច្រើនជាងផ្តល់ឱកាសឱ្យកូន ៖ ក្តីស្រឡាញ់របស់ម្តាយឪពុកអាចធ្វើឱ្យកូនបាត់បង់ឱកាសអភិវឌ្ឍន៍ខ្លួន ប្រសិនបើក្តីស្រឡាញ់នោះផ្តល់ជំនួយច្រើនជាងផ្តល់ឱកាសឱ្យកូនជួយខ្លួនឯង ។ ឥរិយាបថអប់រំបែបនេះ កូននឹងក្លាយជាក្មេងត្រូវការជំនួយពីម្តាយឪពុកជានិច្ច ខ្វះទំនួលខុសត្រូវ ទន់ខ្សោយ ខ្សត់ទំនាក់ទំនង បាត់បង់គំនិតច្នៃប្រតិដ្ឋ ព្រមទាំងរងចាំជំនួយគ្រប់ពេលពីអ្នកដទៃ ។
ទម្លាប់ផ្តល់ជំនួយច្រើនជាងផ្តល់ឱកាសឱ្យកូន អាចអនុវត្តបានប្រសើរដរាបណាម្តាយឪពុកស្គាល់ច្បាស់ពីតម្រូវការរបស់កូន និងស្របតាមអាយុរបស់កូន ។ ឧទាហរណ៍ របៀបចម្អិនម្ហូបនៅក្នុងគ្រួសារ កូនត្រូវចេះ ការបោកគក់សម្លៀកបំពាក់កូនត្រូវរៀនធ្វើដោយខ្លួនឯង និងបង្រៀនពីរបៀបធ្វើដំណើរតែម្នាក់ឯងដើម្បីបានបទពិសោធន៍ជាដើម ។ ម្តាយឪពុកមិនអាចផ្តាច់ជំនួយទៅកូនទាំងស្រុងបានឡើយ ដូចជាជំនួយហិរញ្ញវត្ថុសម្រាប់ការអប់រំជារឿងសំខាន់សម្រាប់កូន ហើយជំនួយស្មារតី និងសុខភាពផ្លូវចិត្តកូនជារឿងចាំបាច់សម្រាប់យុវភាពរបស់កូន ។
៤. ទម្លាប់អប់រំកូនដោយប្រៀបធៀប ច្រើនជាងលើកយកគំរូបុគ្គល ៖ នេះជាទម្លាប់និយាយដើមគេ ឬទម្លាប់និយាយមិនល្អពីអ្នកដទៃ ។ ទម្លាប់និយាយមិនល្អពីបុគ្គលចំពោះមុខកូន គឺជាឥរិយាបថអប់រំដែលខ្វះការពិចារណា និងបង្កើតគំរូអាក្រក់ដល់កូន ។ ផ្ទុយទៅវិញ ម្តាយឪពុកគួរមានទម្លាប់លើកយករឿងរ៉ាវរបស់បុគ្គលល្បីៗមកនិយាយាជាមួយកូន ។ រឿងរ៉ាវទាំងនោះអាចជាប្រវត្តិរបស់បុគ្គលមានស្នាដៃជាតិ និងអន្តរជាតិ ។
នៅពេលបង្ហាញពីដំណើរជីវិតរបស់បុគ្គលទៅកាន់កូន នោះការសន្ទនាជាច្រើននឹងកើតឡើង ដែលជាឱកាសមួយឱ្យកូនបានទទួលការពន្យល់បន្ថែមពីរឿងរ៉ាវមួយចំនួនពីម្តាយឪពុក ។ គំរូភាពរបស់បុគ្គលមានឥទ្ធិពលយ៉ាងខ្លាំងលើដំណើរជីវិតកូន ដោយសារការតស៊ូ ការលះបង់ ស្នាដៃ និងវីរភាពរបស់បុគ្គល អាចជួយគាំទ្រស្មារតីកូន (motivation) ឱ្យចេះតស៊ូនៅក្នុងជីវិត ។ ភាពខ្សត់ខ្សោយរបស់ម្តាយឪពុកដោយគ្មានទម្លាប់និយាយពីគំរូបុគ្គលណាមួយដល់កូន នោះកូននឹងបាត់បង់ស្មារតីតស៊ូនៅក្នុងជីវិត និងមិនហ៊ានសម្រេចបំណងប្រាថ្នាផ្ទាល់ខ្លួនឡើយ ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
ឱកាសសិក្សាជំនាញផលិត និងតុបតែងគ្រឿងសង្ហារឹមឥតគិតថ្លៃ! សម្រាប់បងប្អូនអតីតពលករទេសន្តរប្រវេសន៍
ព័ត៌មានអាហារូបករណ៍, ព្រឹត្តិការណ៍
• 26/11/2025
មជ្ឈមណ្ឌលពលករទេសន្តរប្រវេសន៍មាតុភូមិនិវត្តន៍កម្ពុជា (HRCC) បានប្រកាសជ្រើសរើសសិក្ខាកាមដែលជាអតីតពលករទេសន្តរប្រវេសន៍ ធ្វើមាតុភូមិនិវត្តន៍មកប្រទេសកំណើតវិញ ឱ្យចូលរួមវគ្គបណ្តុះបណ្តាលមុខវិជ្ជាផលិត...
អាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 02/04/2024
ឱកាសសិក្សាអាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៤-២០២៥។ អាហារូបករណ៍សិក្សាមាន ថ្នាក់...
អាហារូបករណ៍ថ្នាក់បណ្ឌិត សិក្សានៅសាកលវិទ្យាល័យ Standford សហរដ្ឋអាមេរិក
ព័ត៌មានអាហារូបករណ៍, ព្រឹត្តិការណ៍
• 01/08/2024
កម្មវិធីអាហារូបករណ៍ Knight-Hennessy បានប្រកាសផ្តល់អាហារូបករណ៍១០០% សម្រាប់ថ្នាក់បណ្ឌិតចំនួន១០០កន្លែង ទៅសិក្សានៅសាកលវិទ្យាល័យ Stanford សហរដ្ឋអាមេរិក ដោយមានផ្តល់ថ្លៃសិក្សា...
ឱកាសសិក្សាអាហារូបករណ៍ថ្នាក់ឧត្ដមសិក្សាពីអាហារូបករណ៍រដ្ឋាភិបាលអូទ្រីស ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 20/05/2025
កម្មវិធីអាហារូបករណ៍រដ្ឋាភិបាលអូទ្រីស ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត សម្រាប់និស្សិតអន្តរជាតិ ឆ្នាំសិក្សា២០២៦។ កម្មវិធីសិក្សាផ្ដល់អាហារូបករណ៍៣ប្រភេទសម្រាប់សិក្សា...
ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាង ប្រទេសវៀតណាម
ព័ត៌មានអាហារូបករណ៍, ព្រឹត្តិការណ៍
• 02/03/2023
ភ្នំពេញ - សាកលវិទ្យាល័យភូមិន្ទភ្នំពេញបានប្រកាសជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាងប្រទេសវៀតណាមក្នុងឆ្នាំ...
ប្រទេសចិនផ្តល់អាហាររូបករណ៍ជាច្រើនកន្លែងដល់បុគ្គលិកអប់រំកម្ពុជា សម្រាប់ថ្នាក់បរិញ្ញាបត្រជាន់ខ្ពស់ និងបណ្ឌិត
ព័ត៌មានអាហារូបករណ៍, ព្រឹត្តិការណ៍
• 18/04/2023
ក្រោមកម្មវិធីអាហារូបករណ៍របស់ MFCOM សាធារណរដ្ឋប្រជាមានិតចិន បានប្រកាសផ្តល់អាហារូបករណ៍ជាច្រើនកន្លែងដល់មន្រ្តីរាជការកម្ពុជា ដើម្បីទៅបន្តការសិក្សាថ្នាក់បរិញ្ញាបត្រជាន់ខ្ពស់...
វិទ្យាស្ថានបច្ចេកទេស ហ្សឺ វ៉េ សេ ផ្តល់អាហារូបករណ៍ជំនាញជួសជុលរថយន្ត ៣០០កន្លែង
ព័ត៌មានអាហារូបករណ៍, ព្រឹត្តិការណ៍
• 20/03/2024
ឱកាសសិក្សាអាហារូបករណ៍វគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១នៅវិទ្យាស្ថានបច្ចេកទេស ហ្សី វ៉េ សេចំនួន៣០០កន្លែង។ អាហារូបករណ៍...
កម្មវិធីពិសេសរបស់ AMS EDUCATION
ព័ត៌មានសង្ខេប
