វិធីគ្រប់គ្រងភាពតានតឹងសុខភាពផ្លូវចិត្តឱ្យមានប្រសិទ្ធភាពទាំង

ភ្នំពេញ – អារម្មណ៍តានតឹងផ្លូវចិត្ត ឬភាពតានតឹងសុខភាពផ្លូវចិត្តជាអាការៈមួយដែលតែងកើតមានចំពោះគ្រប់មនុស្សទាំងអស់ គ្រាន់តែតិច ឬច្រើនអាស្រ័យលើហេតុការណ៍ដែលបុគ្គលម្នាក់ៗបានជួប និងលំនឹកអារម្មណ៍របស់បុគ្គល ។ នាពេលបច្ចុប្បន្នស្ថានភាពតានតឹងផ្លូវចិត្តរបស់មនុស្សកើតឡើងពីមូលហេតុច្រើនយ៉ាងណាស់ រាប់ទាំងបញ្ហាជីវភាព សុខភាព សម្រស់ ការសិក្សា ការងារ ស្នេហា និងបញ្ហាក្នុងគ្រួសារជាដើម ។ ខាងក្រោមនេះ ជាវិធីគ្រប់គ្រងភាពតានតឹងចិត្តឱ្យមានស្ថានភាពល្អប្រសើរឡើងវិញទាំង ៥ជំហាន និងមានប្រសិទ្ធភាព ដើម្បីរំដោះខ្លួនពីបញ្ហាសុខភាពផ្លូវចិត្ត ។

១. ផ្តល់ឱកាសឱ្យខ្លួនបានសម្រាកបន្តិច ៖ រាងកាយ និងខួរក្បាលរបស់មនុស្សប្រៀបដូចជាគ្រឿងម៉ាស៊ីនអីចឹងដែរ។ ម៉ាស៊ីនវាក៏ត្រូវការពេលវេលាសម្រាកនៅនាទីណាមួយ ដើម្បីដំណើរការឱ្យប្រសើរឡើងវិញ ។ រីឯរាងកាយ និងខួរក្បាលមិនអាចធ្វើសកម្មភាពជារៀងរហូតបានទេ នៅក្នុងរយៈពេលពេញមួយថ្ងៃ ហោចណាស់ក៏ត្រូវការពេលវេលាសម្រាកពី ៦ – ៨ម៉ោងដែរ ។ ពេលវេលាសម្រាកនោះ គឺដំណេក និងការផ្តល់ឱកាសឱ្យខ្លួនបានសម្រាកបន្តិចនៅពេលបំពេញការងារដែលមានស្ថានភាពតានតឹង ។

ការស្រាវជ្រាវបានបង្ហាញថា ប្រសិទ្ធភាពការងារមួយពុំឆ្លើយតបតាមការចង់បាននោះទេ ប្រសិនបើរាងកាយនិងខួរក្បាលរបស់បុគ្គលិកពុំបានសម្រាកគ្រប់គ្រាន់ ហើយស្ថានភាពផ្លូវចិត្ត និងអារម្មណ៍តានតឹងនឹងកើតឡើងភ្លាមៗនៅពេលមនុស្សមិនបានផ្តល់ឱកាសឱ្យខ្លួនឯងសម្រាកឱ្យបានសមស្រប និងប៉ះប៉ូវដំណេកមកវិញឱ្យបានគ្រប់គ្រាន់ ។

២. គិតពីរាងកាយ និងអារម្មណ៍របស់ខ្លួន ៖ ចំណុចនេះមិនខុសពីការផ្តល់ឱកាសឱ្យខ្លួនបានសម្រាកនោះទេ ។ ពេលខ្លះរាងកាយ និងអារម្មណ៍របស់មនុស្សនឹងមិននៅជាប់នឹងខ្លួននោះទេ ដោយសារចិត្តនិងកាយបង្កើតភាពច្របូកច្របល់នៅជាប់នឹងខ្លួនជានិច្ច ។ ឧទាហរណ៍សំណួរជាច្រើនបានកើតឡើង ដូចជា តើខ្ញុំកំពុងគិតអ្វី? តើខ្ញុំដើរទៅណា? តើខ្ញុំគួរធ្វើកិច្ចការអ្វីមុន? វិធីដែលល្អបំផុតអង្គុយសមាធិ និងបិទភ្នែកស្តាប់ខ្លួនឯង ហើយចាប់ផ្តើមអរគុណដល់រាងកាយ ដង្ហើម ភ្នែក ត្រចៀក ច្រមុះ បំពង់ក… ដើម្បីដឹងថា អ្នកកំពុងស្ថិតនៅក្នុងស្ថានភាពរឹងមាំ ព្រមទាំងអាចជម្នះរាល់ភាពតានតឹងផ្លូវចិត្តដែលបម្រុងនឹងកើតឡើង ។

៣. ផ្តោតលើចលនាដកដង្ហើម ៖ បន្ទាប់ពីអនុញ្ញាតឱ្យរាងកាយខ្លួនឯងបានសម្រាកហើយ ចាំបាច់ត្រូវចេះស្តាប់ដង្ហើមចេញចូលរបស់ខ្លួនឱ្យល្អបន្ថែមទៀត ។ ពាក្យនិយាយលេងសើចសាមញ្ញថា “ចេញក៏ដឹងចូលក៏ដឹង” ប៉ុន្តែបើពិនិត្យខ្លឹមសារនៃពាក្យនេះ គឺការគ្រប់គ្រងខ្យល់ដង្ហើមផ្ទាល់ខ្លួនបានយ៉ាងល្អ ។ ការដកដង្ហើមចេញចូលមួយៗនិងវែងៗ ជាការផ្តល់ឱកាសឱ្យខ្លួនឯងស្រូបយកធម្មជាតិចូលក្នុងខ្លួន និងបញ្ចេញខ្យល់ក្តៅមកវិញដោយទៀងទាត់បំផុត ។ នៅក្នុងកត្តាជីវសាស្ត្រ ការដកដង្ហើមចេញចូលបានល្អ នឹងជួយដល់សុខភាពសួតយ៉ាងប្រសើរ ។

៤. រៀនបោះបង់ចោលរឿងរ៉ាងតូចតាចខ្លះៗនៅក្នុងជីវិត ៖ រឿងល្អិតល្អោចមួយចំនួនកើតឡើងនៅក្នុងជីវភាពប្រចាំថ្ងៃ អាចជាបច្ច័យនាំឱ្យចិត្តស្មុកស្មាញឈានទៅរកភាពតានតឹងអារម្មណ៍ និងចិត្តបានភ្លាមៗមួយរំពេច ។ ចិត្តមនុស្សនឹងមិនអាចបោះបង់រឿងល្អិតល្អោចទាំងនោះបានទេ ប្រសិនបើមនុស្សមិនព្រមបោះបង់វាចោល ។

ការបោះបង់រឿងតូចតាចនៅក្នុងគំនិត គឺងាយស្រួលបំផុត ដោយគ្រាន់ព្យាយាមសាកល្បងបំភ្លេច ឬឈប់គិតតែម្តង ។ ឧទាហរណ៍ព័ត៌មានអំពីគ្រោះថ្នាក់អ្វីមួយ រឿងរ៉ាវកើតឡើងនៅលើបណ្តាញសង្គម ការព្រួយបារម្ភខ្លាំងពេកពីគំនិតអ្នកដទៃ (គិតតែឯង) អារម្មណ៍ខ្លាចបាត់បង់អ្វីមួយ និងស្តាយកំហុសដែលធ្លាប់ប្រព្រឹត្តជាដើម គឺជារឿងដែលយើងគួរបំភ្លេចចោល ព្រោះវាជាចំណែកដែលនាំឱ្យចិត្តកាន់តែគិតកាន់តែស្មុកស្មាញ ។

៥. សាកល្បងឆ្លុះបញ្ចាំងពីខ្លួនឯង ៖ ការតាមដានលើដំណើរសុខភាពផ្លូវចិត្តផ្ទាល់ខ្លួនពិតជាសំខាន់ខ្លាំងណាស់សម្រាប់មនុស្សគ្រប់រូប ពិសេសសម្រាប់យុវជនតែម្តង ។ ការឆ្លុះបញ្ចាំងពីខ្លួនឯង គឺជាវិធីស្គាល់ខ្លួនឯង ដោយស្គាល់ទាំងចំណុចខ្លាំង និងចំណុចខ្សោយរបស់ខ្លួន ពោលគឺស្គាល់ពីជីវភាពផ្ទាល់ខ្លួនបានយ៉ាងច្បាស់ ។ ការឆ្លុះបញ្ចាំងអំពីខ្លួនឯង គឺជាសកម្មភាពកាត់បន្ថយការប្រៀបធៀបខ្លួនឯងទៅនឹងអ្នកដទៃ ព្រមទាំងចេះគ្រប់គ្រាន់ទៅនឹងអ្វីដែលខ្លួនកំពុងមាន ។

ឧទាហរណ៍ជាក់ស្តែង ស្មាតហ្វូនទំនើបមួយគ្រឿង វាមានតម្លៃបំផុតនៅពេលដែលមនុស្សស្គាល់ច្បាស់ពីគុណតម្លៃនៃកម្មវិធីនីមួយៗរបស់វា វាមិនអាស្រ័យទាំងស្រុងលើស៊េរីទំនើប ម៉ូឌែលឆ្នាំថ្មី និងមុខងារថ្មីល្អផ្តាច់គេនោះទេ ពីព្រោះថា នៅថ្ងៃណាមួយវានឹងមានអ្វីថ្មីមកជំនួនជាក់ជាពុំខាន ៕

លោក ម៉ៅ សំណាង | Mr. Mao Samnang

ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។

របាយការណ៍ថ្មី

មើលទាំងអស់ ➧

ប្រទេសកម្ពុជា

បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ

• 28/05/2026

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

អាហារូបករណ៍ជំនាញវិជ្ជាជីវៈ៣៥០កន្លែងពីអង្គការ ប៉េ អេស អឺ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 19/07/2023

វិទ្យាស្ថានប៉េ អេស អឺ នៃអង្គការដើម្បីភាពញញឹម នៃកុមារប្រកាសជ្រើសរើសសិស្សក្រីក្រដើម្បីសិក្សាជំនាញវិជ្ជាជីវៈចំនួន៣៥០នាក់សម្រាប់ឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូននិស្សិតដែលមិនមានលទ្ធភាពបន្តការសិក្សា...

អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍រដ្ឋាភិបាលដាណឺម៉ាកឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 13/05/2024

រដ្ឋាភិបាលដាណឺម៉ាកប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Southern Denmark សម្រាប់ឆ្នាំសិក្សា២០២៤។ ...

អាហារូបករណ៍សិក្សានៅសាកលវិទ្យាល័យជាតិសេអ៊ូលប្រទេសកូរ៉េខាងត្បូងឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 04/07/2023

សាកលវិទ្យាល័យជាតិសេអ៊ូល នៃប្រទេសកូរ៉េខាងត្បូង បានប្រកាសផ្តល់អាហារូបករណ៍សម្រាប់និស្សិតបរទេសដែលមកពីប្រទេសកំពុងអភិវឌ្ឍន៍ ដែលរួមមានទាំងកម្ពុជាផង...

អាហារូបករណ៍ថ្នាក់ឧត្ដមសិក្សានៅអាល្លឺម៉ង់ ពីកម្មវិធី Neudert-Foundation ២០២៦

ព័ត៌មានអាហារូបករណ៍, ព្រឹត្តិការណ៍

• 25/11/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសអាល្លឺម៉ង់សម្រាប់ឆ្នាំសិក្សា២០២៦ ពីកម្មវិធីអាហារូបករណ៍ Neufert Founation Scholarship 2026។ អាហារូបករណ៍ផ្ដល់ការសិក្សារយៈពេល ១ឆ្នាំ ទៅ២ឆ្នាំ តាមកម្មវិធីសិក្សា។

ឱកាសចូលរួមវគ្គសិក្សាជាស៊េរី “មេរៀនអតីតកាល មាគ៌ាឆ្ពោះទៅអនាគត” ពី អ.វ.ត.ក.

ព័ត៌មានអាហារូបករណ៍, ព្រឹត្តិការណ៍

• 08/12/2025

ជាឱកាសសម្រាប់គ្រូបង្រៀន សាស្រ្តាចារ្យបង្រៀនលើមុខវិជ្ជាមនុស្សសាស្រ្ត ព្រមទាំងអ្នកដឹកនាំជំនាន់ក្រោយទាំងអស់! ពេលនេះ អង្គជំនុំជម្រះវិសាមញ្ញ ក្នុងតុលាការកម្ពុជា (អ.វ.ត.ក.) ប្រកាសបើកដាក់ពាក្យ សម្រាប់ការចូលរួមវគ្គសិក្សា...

វិទ្យាស្ថានពហុបច្ចេកទេសខេត្តព្រះវិហារផ្ដល់អាហារូបករណ៍វគ្គជំនាញ ១២០កន្លែង ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 28/05/2025

វិទ្យាស្ថានពហុបច្ចេកទេសខេត្តព្រះវិហារ បានប្រកាសផ្ដល់ជូនអាហារូបករណ៍ ១០០% ក្រោមកម្មវិធីអប់រំបណ្ដុះបណ្ដាលបច្ចេកទេសនិងវិជ្ជាជីវៈ (TVET) ១.៥លាននាក់ ចំនួន១២០កន្លែង...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ YALE ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 19/11/2025

ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ YALE សហរដ្ឋអាមេរិក ឆ្នាំសិក្សា២០២៦។ ការសិក្សាផ្ដល់តាមរយៈកម្មវិធីអាហារូបករណ៍ Yale University Scholarship 2026។

មជ្ឈមណ្ឌលបុប្ផាណា រើសសិស្សអាហារូបករណ៍ ១២នាក់ លើជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ

ព័ត៌មានអាហារូបករណ៍, ព្រឹត្តិការណ៍

• 23/01/2026

មជ្ឈមណ្ឌលធនធានសោតទស្សន៍បុប្ផាណា (Bophana Center) បានប្រកាសទទួលពាក្យសុំចូលរៀនវគ្គបណ្តុះបណ្តាលផ្នែក «ផលិតភាពយន្តឯកសារ និងពហុប្រព័ន្ធផ្សព្វផ្សាយ» សម្រាប់ឆ្នាំសិក្សា ២០២៦-២០២៧...

ក្រសួងអប់រំ ជ្រើសរើសគ្រូបង្រៀនទៅផ្លាស់ប្ដូរការបង្រៀននៅសាធារណរដ្ឋកូរ៉េ

ព័ត៌មានអាហារូបករណ៍, ព្រឹត្តិការណ៍

• 19/02/2025

ឱកាសផ្លាស់ប្ដូរបទពិសោធន៍ការបង្រៀនសម្រាប់គ្រូកម្ពុជា ទៅបង្រៀននៅសាធារណរដ្ឋកូរ៉េចំនួន៨៩ថ្ងៃ ក្រោមការសហការរបស់ ក្រសួងអប់រំ យុវជន និងកីឡា និង អង្គការអាស៊ី-ប៉ាស៊ីហ្វិក នៃការអប់រំសម្រាប់ការយល់ដឹងសកល នៃសាធារណរដ្ឋកូរ៉េ...