ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានអភិវឌ្ឍន៍មុខជំនាញកម្ពុជា-ថៃ ប្រកាសជ្រើសរើស សិក្ខាកាម សិស្សានុសិស្ស និងសាធារណជន ចូលសិក្សាជំនាញវិជ្ជាជីវៈ និងបច្ចេកទេស ជាច្រើនកន្លែងសម្រាប់ការសិក្សាថ្នាក់បរិញ្ញាបត្របច្ចេកទេស (វិស្វករ) ថ្នាក់សញ្ញាបត្រជាន់ខ្ពស់បច្ចេកទេស (បរិញ្ញាបត្ររង) និងថ្នាក់សញ្ញាបត្របច្ចេកទេស និងវិជ្ជាជីវៈ១, ២ ,៣ ។
ជំនាញសម្រាប់អាហារូបករណ៍ថ្នាក់បរិញ្ញាបត្របច្ចេកទេស (វិស្វករ) រួមមាន ជំនាញវិស្វកម្មអគ្គិសនី និងជំនាញវិស្វកម្មសំណង់ស៊ីវិល, សម្រាប់ថ្នាក់សញ្ញាបត្រជាន់ខ្ពស់បច្ចេកទេស (បរិញ្ញាបត្ររង) សិក្សាលើជំនាញ វិស្វកម្មអគ្គិសនី វិស្វកម្មសំណង់ស៊ីវិល វិស្វកម្មសំណង់ស៊ីវិល វិស្វកម្មរថយន្ត បរិក្ខាត្រជាក់ និង ព័ត៌មានវិទ្យា។ ដោយឡែកសម្រាប់ថ្នាក់សញ្ញាបត្របច្ចេកទេស និងវិជ្ជាជីវៈ១,២,៣ សិក្សាលើជំនាញជាច្រើនដូចជា ការដំឡើងបណ្ដាញអគ្គិសនីក្នុងអគារ សេវាកម្មបរិក្ខាត្រជាក់ក្នុងគេហដ្ឋាន ការថែទាំ និងជួសជុលរថយន្ត សេវាកម្មកុំព្យូទ័រ ការថែទាំ និងជួសជុលម៉ាស៊ីនត្រជាក់រថយន្ត ការដំឡើងបណ្ដាញអគ្គិសនី និងសេវាកម្មសម្អាងកាយ។
លក្ខខណ្ឌនៃការដាក់ពាក្យ ៖ បេក្ខជនដែលស្នើថ្នាក់បរិញ្ញាបត្របច្ចេកទេស (វិស្វករ) ជាសិស្សជាប់មធ្យមសិក្សាទុតិយភូមិ ឬមានសញ្ញាបត្រជាន់ខ្ពស់បច្ចេកទេស ឬសញ្ញាបត្រមានតម្លៃស្មើ។ សម្រាប់ថ្នាក់សញ្ញាបត្រជាន់ខ្ពស់បច្ចេកទេស (បរិញ្ញាបត្ររង) និងថ្នាក់សញ្ញាបត្របច្ចេកទេស និងវិជ្ជាជីវៈ១,២,៣ ជាបេក្ខជនដែលជាប់ ឬធ្លាក់មធ្យមសិក្សាទុតិយភូមិ និងមានសញ្ញាបត្របច្ចេកទេស និងវិជ្ជាជីវៈកម្រិត៣។
បេក្ខជនដែលជាប់ជ័យលាភីអាហារូបករណ៍នឹងទទួលបានអត្ថប្រយោជន៍ជាច្រើនដូចជា កន្លែងស្នាក់នៅ ឱកាសការងារក្នុងកំឡុងពេលសិក្សា និងក្រោយពេលរៀនចប់ និងទទួលបានជំនាញមួយច្បាស់លាស់។
សម្រាប់ព័ត៌មានបន្ថែម បេក្ខជនអាទំនាក់ទំនងទៅកាន់ទូរស័ព្ទលេខ ០១២ ៧៣១ ១៩៩ / ០១៦ ៥៥៥ ៣៥០ / ០៩៧ ៨១៦ ៨១៩៩ / ០៩៨ ៨៧៧ ៩៦៧ ឬទៅកាន់ទីតាំងវិទ្យាស្ថាន ដែលមានអាស័យដ្ឋាននៅលើ បណ្ដោយមហាវិថីឈ្នះឈ្នះ ភូមិព្រៃពពេល សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ៕
