ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សុបិនមិនល្អកំឡុងនៃការគេងនាពេលរាត្រី អាចបណ្តាលមកពីការបរិភោគអាហារមិនបានល្អ ។ ការទទួលទានដំណេកដែលមានគុណភាព មិនមែនផ្តោតត្រឹមតែចំនួនគេងឱ្យគ្រប់ម៉ោងនោះទេ គឺត្រូវគិតថា តើកំឡុងពេលគេងមានភាពលង់លក់ស្រួលខ្លួន ហើយពេលងើបមកមានកម្លាំងដែរទេ។ អ្នកស្រាវជ្រាវបានរកឃើញថា អាហារូបត្ថម្ភ មានភាពចាំបាច់ដើម្បីសម្រួលដល់គុណភាពនៃការគេង ព្រោះមានតួនាទីទៅពង្រឹងការគេងឱ្យស្ងប់ រាងកាយកាត់បន្ថយការវិវត្តឱ្យមានជំងឺរ៉ាំរ៉ៃ ថែទាំសុខភាពខួរក្បាល និងការពារសុខភាពទូទៅនៃរាងកាយ។
គេហទំព័រ Healthline បានបង្ហាញប្រភេទអាហារ និងភេសជ្ជៈមួយចំនួនដែលគួរទទួលទានសម្រាប់អាហារពេលល្ងាច ដើម្បីឱ្យការគេងមានភាពស្កប់ស្កល់ ៖
១. ផ្លែឃីវី ៖ ផ្លែឈើឃីវី មានសារធាតុកាឡូរីទាប និងមានជីវជាតិច្រើន ហើយមានតួនាទីជួយដល់ប្រព័ន្ធរំលាយអាហារនៃរាងកាយ និងធ្វើឱ្យកូឡេស្តេរ៉ុលក្នុងរាងកាយមានកម្រិតទាប រួមទាំងជួយជំរុញឱ្យការគេងមានដំណើរការល្អ។
២. បាយស ៖ បាយសដែលមានដើមកំណើតពីអង្ករ ជាប្រភេទអាហារម្យ៉ាងដែលប្រជាជនជុំវិញពិភពលោកជាច្រើនបានស្គាល់រួចស្រេចហើយ ប៉ុន្តែអង្ករមានច្រើនប្រភេទ តែយ៉ាងណាគឺមានជាតិវិតាមីន និងសារធាតុរ៉ែ។ ដោយឡែករយៈពេលនៃការបរិភោគគឺយ៉ាងតិចមួយម៉ោងមុនពេលគេង។
៣. ប្រភេទអាហារមានជាតិទឹកដោះគោ ៖ ប្រភេទអាហារ ឬភេសជ្ជៈដែលមានជាតិទឹកដោះគោ ដូចជាទទួលទានទឹកដោះគោមួយកែវមុនពេលចូលគេង ឬក៏ជ្រើសយកទឹកដោះគោជូរធម្មតា និងយូហ្គើតជាដើម ឬក៏ភេសជ្ជៈទាំងឡាយណា ដែលមានជាតិវីតាមីន និងសារធាតុរ៉ែ។
៤. ផ្លែចេក ៖ មូលហេតុដែលផ្លែចេកមានតួនាទីក្នុងការសម្រួលដល់ការគេង ពីព្រោះថា ចេកជាប្រភេទមានកម្រិតម៉ាញេស្យូមទាប ដែលជាកត្តានិងសមត្ថភាពសម្រួលដល់ការគេង៕
