សិស្សឆ្នើមនិទ្ទេស A ក្នុងឆ្នាំសិក្សា ២០២៣-២០២៤ ដែលមានពិន្ទុខ្ពស់ចំនួន ៥០នាក់ ហើយជាបុត្រធីតារបស់អតិថិជន អិលអូអិលស៊ី នឹងទទួលបានកាដូកុំព្យូទ័រម្នាក់មួយគ្រឿងជាការលើកទឹកចិត្ត ក្នុងគោលបំណងចូលរួមលើកកម្ពស់វិស័យអប់រំ និងលើកទឹកចិត្តដល់ សិស្សានុសិស្ស ដែលជាទំពាំងស្នងឬស្សី ដ៏មានសក្តានុពលរបស់កម្ពុជា។

លោក សុខ វឿន ប្រធាននាយកប្រតិបត្តិ អិលអូអិលស៊ី (ខេមបូឌា) មានប្រសាសន៍ថា ក្រៅពីគោលបំណងចម្បង ដែលចង់លើកកម្ពស់វិស័យអប់រំនៅប្រទេសកម្ពុជា តាមរយៈការផ្ដល់រង្វាន់ដល់សិស្ស ដើម្បីឱ្យពួកគាត់ប្រឹងប្រែងរៀនសូត្រ អិលអូអិលស៊ី ចង់ពង្រឹងទំនាក់ទំនងរវាង អតិថិជនអិលអូអិលស៊ី និងស្ថាប័នផ្ទាល់ តាមរយៈការផ្ដល់ជូននូវកម្មវិធីពិសេសៗជាបន្តបន្ទាប់។ លោកបន្តថា នេះមិនមែនជាលើកដំបូងទេ ដែល អិលអូអិលស៊ី ចូលរួមក្នុងសកម្មភាព លើកកម្ពស់វិស័យអប់រំ។ កន្លងមកគណៈគ្រប់គ្រង និងបុគ្គលិក អិលអូអិលស៊ី ក៏បានបង្កើតឱ្យមានកម្មវិធី និងព្រឹត្តការណ៍សហគមន៍ផ្សេងៗដើម្បីគាំទ្រដល់សាលានៅជនបទមួយចំនួន ព្រមទាំងបានមានកម្មវិធីចែករំលែកចំណេះដឹងហិរញ្ញវត្ថុដល់សហគមន៍ សិស្សនិស្សិត នៅតាមបណ្ដាគ្រឹះស្ថានឧត្តមសិក្សាជាច្រើនផងដែរ។

អិលអូអិលស៊ី សង្ឃឹមថា តាមរយៈការផ្តល់ជូនពិសេសនេះ នឹងជួយជាកម្លាំងចិត្ត ដល់ប្អូនៗថ្នាក់ទី១២ឆ្នាំនេះ ឱ្យខំប្រឹងប្រែងរៀនសូត្របន្ថែមទៀត ដើម្បីទទួលបានលទ្ធផលកាន់តែល្អប្រសើរ

លោក សុខ វឿន ប្រធាននាយកប្រតិបត្តិ អិលអូអិលស៊ី (ខេមបូឌា)

លក្ខខណ្ឌនៃកម្មវិធី៖

• ផ្តល់ជូនដល់បេក្ខជន-បេក្ខនារី ទទួលបាននិទ្ទេស A ដែលមានលំដាប់ពិន្ទុខ្ពស់ចំនួន៥០នាក់សម្រាប់ការប្រឡងបាក់ឌុបឆ្នាំ២០២៤នេះ ហើយជាបុត្រធីតារបស់អតិថិជន អិលអូអិលស៊ី
• បេក្ខជន-បេក្ខនារីម្នាក់ទទួលបានកុំព្យូទ័រចំនួន០១គ្រឿង និងប័ណ្ណសរសើរ១
• ត្រូវបញ្ជូនឯកសារតម្រូវ/ឯកសារពាក់ព័ន្ធនិងលទ្ធផលប្រឡងសញ្ញាបត្របាក់ឌុបក្នុងរយៈពេល ១៥ថ្ងៃបន្ទាប់ពីថ្ងៃប្រកាសលទ្ធផលប្រឡងមានដូចជា៖
  – ឯកសារដែលបញ្ជាក់ពីលទ្ធផលទទួលបាននិទ្ទេស A (ដូចជាវិញ្ញាបនបត្របណ្ណោះអាសន្ន ឬឯកសារដែលអាចបញ្ជាក់ដោយបុគ្គលិក អិលអូអិលស៊ីបាន)
  – សំបុត្រកំណើត / សៀវភៅគ្រួសារ
  – ឯកសារដែលបញ្ជាក់បានថាជាអតិថិជនរបស់ អិលអូអិលស៊ី
• បេក្ខជន-បេក្ខនារីជ័យលាភីទាំង៥០រូប ត្រូវតែអញ្ជើញចូលរួម ក្នុងកម្មវិធីប្រគល់រង្វាន់ដោយផ្ទាល់។
• សម្រាប់ព័ត៌មានលម្អិតសូមទំនាក់ទំនងមកកាន់លេខទូរសព្ទ ០២៣ ៩៩១ ៩៩១ ។

*បញ្ជាក់៖ ការផ្តល់ជូនពិសេសនេះសម្រាប់តែឱពុកម្តាយរបស់បេក្ខជន-បេក្ខនារី និទេ្ទស A ដែលបានក្លាយជាអតិថិជន អិលអូអិលស៊ី មុនកាលបរិច្ឆេទប្រឡងសញ្ញាបត្របាក់ឌុបឆ្នាំ២០២៤ប៉ុណ្ណោះ។ អិលអូអិលស៊ី សូមរក្សាសិទ្ធិកែប្រែរង្វាន់ និងលក្ខខណ្ឌក្នុងការផ្តល់ជូនកម្មវិធីពិសេសនេះ៕