លោកស្រី ឃួន ច័ន្ទទេវី ៖ អំពើហិង្សាទាក់ទងនឹងយេនឌ័រតាមប្រព័ន្ធបច្ចេកវិទ្យា កំពុងក្លាយជាបញ្ហាចំបងចំពោះស្រ្តី

អំពើហិង្សាទាក់ទងនឹងយេនឌ័រដែលកើតមានឡើងតាមប្រព័ន្ធបច្ចេកវិទ្យា គេតែងតែទម្លាក់កំហុសលើស្រ្តីដែលជាជនរងគ្រោះក្រោមហេតុផលផ្សេងៗទាំងការស្លៀកពាក់ ការតុបតែងខ្លួន ហើយទាំងអស់នេះជាការកំណត់វិសមភាពយេនឌ័រមិនស្មើគ្នា និងការដាក់គំនៀបទៅលើស្ត្រី និងភេទស្រី។ នេះជាការលើកឡើងរបស់លោកស្រី ឃួន ច័ន្ទទេវី នៅក្នុងកម្មវិធី TEDxPhnomPenh ក្រោមប្រធានបទ អនាគតដ៏ចីរភាព”SUSTAINABLE FUTURE” ។

លោកស្រី ឃួន ច័ន្ទទេវី បានឡើងថា តាមរយៈការស្រាវជ្រាវរបស់ The Economist Intelligence Unit នៅឆ្នាំ២០២១ ភ្នាក់ងារសហប្រជាជាតិសម្រាប់ប្រជាជនដែលហៅកាត់ថា​ UNFPA បានកំណត់និយមន័យនៃអំពើហិង្សាទាក់ទងនឹងយេនឌ័រដែលកើតឡើងតាមប្រព័ន្ធបច្ចេកវិទ្យាថា គឺជាអំពើហិង្សាទាំងឡាយណាដែលប្រព្រឹត្តឡើងដោយបុគ្គលម្នាក់ ឬច្រើននាក់ដោយមានចេតនាប៉ុនប៉ង ចែករំលែក ដោយផ្នែកឬដោយពេញលេញតាមប្រព័ន្ធបច្ចេកវិទ្យា។ លោកស្រីបន្តថា តាមរយៈការសិក្សាទម្រង់នៃអំពើហិង្សាមានច្រើនជាង៤០ប្រភេទ ប៉ុន្តែទម្រង់ទូទៅដែលតែងតែឃើញមានដូចជា ការបង្ហោះរូបអាសអាភាស គំរាមដើម្បីសងសឹក ឬការបៀតបៀនតាមប្រព័ន្ធអនឡាញ (Online) ឬការលួចតាមដានជាដើម។​

លោកស្រី ឃួន ច័ន្ទទេវី បន្ថែមថា ប្រសិនបើក្រឡេកទៅមើលផលប៉ះពាល់ជារួមនៃអំពើហិង្សារទាក់ទងនឹងយេនឌ័រដែលកើតឡើងតាមប្រព័ន្ធបច្ចេកវិទ្យា គឺមានផលប៉ះពាល់ដល់ប្រជាជនគ្រប់រូប ប៉ុន្តែស្ត្រី និងអ្នកស្រលាញ់ភេទដូចគ្នាគឺងាយរងគ្រោះជាងបុរស ក្នុងករណីអំពើហិង្សារតាមអនឡាញ ដែលធ្វើឱ្យប៉ះពាល់ដល់សង្គម សេដ្ឋកិច្ច និងការអភិវឌ្ឍន៍របស់ប្រទេសជាតិទាំងមូល។ លើសពីនេះក៏បង្កជាផលប៉ះពាល់ដល់ជនរងគ្រោះ ដូចជាបង្កជាជំងឺថប់បារម្ភ ការតានតឹងអារម្មណ៍ ការបាក់ទឹកចិត្ត ឬបាក់ស្បាត រហូតដល់មានករណីខ្លះអាចបង្កដល់ការធ្វើអត្តឃាត ឬធ្វើបាបខ្លួនឯងផងដែរ។

យោងតាម The Economist Intelligence Unit នៅឆ្នាំ២០២១ បានធ្វើការសិក្សាទៅលើបណ្ដាប្រទេសចំនួន៥១នៅលើសកលលោក ដោយ​បានបង្ហាញថា ក្នុងចំណោមស្ត្រីទាំងអស់ដែលប្រើប្រាស់អ៉ីនធើណិតលើពិភពលោក ស្ត្រី៣៨ភាគរយរងគ្រោះដោយសារអំពើហិង្សាតាមអនឡាញ និងស្ត្រី៦៣ភាគរយដែលបានស្គាល់ស្ត្រីម្នាក់ទៀតដែលជាជនរងគ្រោះ (អាចជាមិត្ត ឬសាច់ញាតិរបស់គាត់)។ ជាមួយគ្នានេះស្ត្រី៨៥ភាគរយបានឃើញករណីអំពើហិង្សាទាក់ទងនឹងយេនឌ័រដែលកើតឡើងតាមអនឡាញទៅលើស្ត្រីម្នាក់ទៀត។

«ចំនួនទន្និន័យខាងលើពិតជាច្រើនមែនទែន បើឆ្លុះបញ្ចាំងពីចំនួននាក់រងគ្រោះដែលធ្លាប់បានឃើញនៅតាមប្រព័ន្ធអនឡាញ ហើយវាបរិបទដែលគួរឱ្យបារម្ភ…»

លោកស្រី ឃួន ច័ន្ទទេវី

បើក្រឡេកទៅមើលបរិបទនៅក្នុងប្រទេសកម្ពុជាវិញ ការសិក្សាស្រាវជ្រាវបានបង្ហាញថា ឬសគល់នៃអំពើហិង្សាដែលកើតឡើងតាមអនឡាញគឺផ្សាភ្ជាប់ជាមួយអំពើហិង្សាដោយផ្ទាល់ផងដែរ ដែលចេញពីវិសមភាពយេនឌ័រ ហើយផ្នត់គំនិតយេនឌ័រដែលមានភាពរើសអើង ឬការដាក់គំនៀបទៅលើស្ត្រីច្រើនជាងបុរសនៅក្នុងសង្គម។ ដើម្បីដោះស្រាយ ទប់ស្កាត់ ចូលរួមលើកកម្ពស់សមភាពយេនឌ័រ មនុស្សគ្រប់គ្នាត្រូវផ្ដល់ភាពអង់អាច ឱកាស និងសិទ្ធដល់ស្ត្រី និងក្រុមមានអត្តសញ្ញាណដែលស្រលាញ់ភេទដូចគ្នាឱ្យមានសមភាពដូចបុរសដែរ។

លើសពីនេះ គួរតែបញ្ឈប់នូវឥរិយាបទបន្ទោសជនរងគ្រោះដោយលើកយកមូលហេតុផ្សេងៗដូចជា ព្រោះនាងជាមនុស្សស្រី ព្រោះនាងស្លៀកពាក់ខ្លី ព្រោះនាងដើរលេងយប់ ប៉ុន្តែត្រូវផ្លាស់ប្ដូរផ្នត់គំនិតសង្គម និងបន្តស្វែងយល់បន្ថែមថា តើអ្វីជាបញ្ហា និងត្រូវធ្វើយ៉ាងណាដើម្បីចូលរួមដោះស្រាយ​ និងទប់ស្កាត់ទាំងអស់គ្នា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ រដ្ឋាភិបាលនូវែលសេឡង់ សិក្សា​ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៧

ព័ត៌មានអាហារូបករណ៍, ព្រឹត្តិការណ៍

• 23/03/2026

ក្នុងឆ្នាំ២០២៦នេះ រដ្ឋាភិបាល នៃប្រទេសនូវែលសេឡង់ នឹងផ្តល់អាហារូបករណ៍ចំនួន ៣៥កន្លែង ដល់ពលរដ្ឋកម្ពុជា ដើម្បីទៅបន្តការសិក្សា ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅ​តាម​សាកលវិទ្យាល័យ​នានា

វិទ្យាស្ថានពហុបច្ចេកទេស​ខេត្តពោធិ៍សាត់ ផ្តល់ការ​សិក្សា​ជំនាញឥតគិតថ្លៃ ចំនួន៣០០កន្លែង

ព័ត៌មានអាហារូបករណ៍, ព្រឹត្តិការណ៍

• 09/09/2024

វិទ្យាស្ថាន​ពហុបច្ចេកទេស​ខេត្តពោធិ៍សាត់ ប្រកាស​ជ្រើសរើស​យុវជន យុវនារី ដែល​មក​ពី​គ្រួសារ​ក្រីក្រ និង​គ្រួសារ​ងាយរងហានិភ័យ​ឱ្យ​ចូលរៀន​ជំនាញវិជ្ជាជីវៈ និង​បច្ចេកទេស កម្រិតសញ្ញាបត្រ​បច្ចេកទេស និង​វិជ្ជាជីវៈ១ (C1) ចំនួន៣០០កន្លែង​ដោយ​ឥតគិតថ្លៃ។

វិទ្យាស្ថានពហុបច្ចេកទេសខេត្តបន្ទាយមានជ័យ ជ្រើសរើសយុវជនចូលរៀនជំនាញ​ឥតគិតថ្លៃចំនួន ១២៦០នាក់

ព័ត៌មានអាហារូបករណ៍, ព្រឹត្តិការណ៍

• 22/08/2024

ជាឱកាសសម្រាប់​បងប្អូនប្រជាពលរដ្ឋ យុវជន យុវនារី កម្មករ កម្មការិនី និងជនចំណាកស្រុក​ដែល​មក​ពី​គ្រួសារ​ក្រីក្រ គ្រួសារ​ងាយរងហានិភ័យ គ្រួសារ​ដែល​មានបណ្ណសម្គាល់ជនមានពិការភាព មានបណ្ណមូលនិធិសមធម៌សុខាភិបាល...

អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ១០កន្លែងសម្រាប់​ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 26/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀបចំនួន១០កន្លែងតាមរយៈសហភាពសហព័ន្ធយុវជនកម្ពុជា រាជធានីភ្នំពេញសម្រាប់ឆ្នាំ...

សាកលវិទ្យាល័យ Mae Fah Lung ប្រទេសថៃ ផ្តល់អាហារូបករណ៍ថ្នាក់បរិញ្ញាបត្រ​សម្រាប់ឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 22/03/2023

ភ្នំពេញ - សាកលវិទ្យាល័យ Mae Fah Lung នៃប្រទេសថៃ បានប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន២កន្លែងសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូន...

ឱកាសសិក្សាថ្នាក់បរិញ្ញាបត្រ៣០០កន្លែងពីអាហារូបករណ៍ទេពកោសល្យឌីជីថលតេជោឆ្នាំសិក្សា ២០២៤

ព័ត៌មានអាហារូបករណ៍, ព្រឹត្តិការណ៍

• 07/12/2023

ឱកាសទទួលបានអាហារូបករណ៍សិក្សាថ្នាក់បរិញ្ញាបត្រចំនួន៣០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោថ្នាក់បរិញ្ញាបត្រឆ្នាំសិក្សា២០២៤ ពីសម្ដេចអគ្គ...

អាហារូបករណ៍ខ្សែក្រវ៉ាត់មួយផ្លូវ​មួយ​​ពីរដ្ឋាភិបាលចិន សម្រាប់​ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 30/01/2023

ភ្នំពេញ - កម្មវិធីអាហារូបករណ៍ខ្សែក្រវ៉ាត់មួយផ្លូវមួយ របស់រដ្ឋាភិបាល នៃប្រទេសចិន បានប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់...