ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – អង្គការ Advanced Centre for Empowerment (ACE) ប្រកាសផ្ដល់អាហារូបករណ៍កន្លែងស្នាក់សម្រាប់សិស្សថ្នាក់ទី១២ ឬនិស្សិតឆ្នាំទី១ និងចាប់ផ្ដើមឆ្នាំទី២ ។ អាហារូបករណ៍ផ្ដល់កន្លែងស្នាក់នៅសម្រាប់និស្សិតដែលបន្តការសិក្សានៅមហាវិទ្យាល័យនានាក្នុងរាជធានីភ្នំពេញ ។
លក្ខខណ្ឌនៃការជ្រើសរើស ៖ បេក្ខជនត្រូវជាសិស្សទើបបញ្ចប់ថ្នាក់ទី១២ ឬនិស្សិតឆ្នាំទី១ ឬចាប់ផ្ដើមឆ្នាំទី២, ជានិស្សិតមកពីបណ្ដាខេត្តនានាទាំង២៤ខេត្ត, មានបំណងចង់ក្លាយជាអ្នកដឹកនាំដែលមានសក្តានុពលនាពេលអនាគត, មានឆន្ទៈស្រឡាញ់ការងារស្ម័គ្រចិត្ត និងចូលរួមក្នុងការអភិវឌ្ឍសង្គមតាមរយៈការ ចែករំលែកបទពិសោធន៍ និងចំណេះដឹងដែលមានជួយដល់សង្គម ។
ដើម្បីដាក់ពាក្យអាហារូបករណ៍នេះ បេក្ខជនសូមភ្ជាប់ជាមួយឯកសារចាំបាច់ដូចជា អត្តសញ្ញាណប័ណ្ណ សៀវភៅគ្រួសារ និងរូបថតជាមួយគ្រួសារ ឬអាណាព្យាបាលថតនៅមុខផ្ទះរបស់ខ្លួន ។ ការផ្ដល់អាហារូបករណ៍នឹងផ្ដល់ជូនមានកំណត់ ។ ជាមួយគ្នានេះនិស្សិតនឹងទទួលបានឱកាសចូលរួមក្នុងវគ្គបណ្ដុះបណ្ដាលនានា សិក្ខាសាលា ទស្សនកិច្ចសិក្សា បទពិសោធន៍ការងារសង្គមជាដើម ។
សម្រាប់ការចុះឈ្មោះអាហារូបករណ៍សូមចូលទៅកាន់ https://forms.gle/d4rBPd31ByMa75rx8 ។
ព័ត៌មានបន្ថែមអាចចូលទៅកាន់តំណភ្ជាប់ https://www.facebook.com/AdvancedCentreforEmpowerment ឬអ៊ីម៉ែល៖ jc.acekh@gmail.com ឬតាមរយៈលេខទូរស័ព្ទ ០៩៣ ៩៥៤ ២០០/ ០៩៨ ៣៣ ២២ ៦៤ / ០៦៦ ៣៣ ២២ ៦៤ ។ ចាប់ទទួលពាក្យចុះឈ្មោះពីថ្ងៃផ្សាយដំណឹងរហូតដល់ថ្ងៃទី៣១ ខែកក្កដា ឆ្នាំ២០២៣ ៕
