ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យុវជន ថោង សារឹទ្ធ បច្ចុប្បន្ន កំពុងចាប់យកជំនាញកាត់តវីដេអូ និងកែពណ៌ ដែលបណ្តុះបណ្តាលដោយវិទ្យាស្ថាន PSE នៃអង្គការភាពញញឹម ដើម្បីកុមារ ក្រោយពីមានក្តីស្រមៃដ៏ធំមួយ នោះគឺការចង់ក្លាយជាអ្នកគ្រប់គ្រងផលិតកម្មវីដេអូ។
តាមពិតទៅ យុវជន ថោង សារឹទ្ធ បានបញ្ចប់ការសិក្សាត្រឹមកម្រិតមធ្យមសិក្សាបឋមភូមិតែប៉ុណ្ណោះ ព្រោះតែជីវភាពខ្វះខាត ។ តែយ៉ាងណា ដោយចិត្តចង់បន្តការសិក្សា និងចង់ទទួលបានជំនាញច្បាស់លាស់មួយសម្រាប់អនាគត យុវជន សារឹទ្ធ បានធ្វើដំណើរពីស្រុកកំណើតនៅខេត្តកំពង់ចាម មកកាន់រាជធានីភ្នំពេញ កាលពីឆ្នាំ២០១៩ និងបានស្នើសុំមកកាន់អង្គការដើម្បីភាពញញឹម នៃកុមារ ដើម្បីចូលសិក្សានៅវិទ្យាស្ថាន PSE ។
ទីបំផុត សារឹទ្ធ ក៏ត្រូវបានសាលាជ្រើសរើសឱ្យបន្តការសិក្សានៅវិទ្យាស្ថាន PSE ដោយទីនេះ មិនត្រឹមតែធ្វើឱ្យ យុវជន ថោង សារឹទ្ធ ទទួលបានការបណ្តុះបណ្តាលជំនាញប៉ុណ្ណោះទេ ប៉ុន្តែ សារិទ្ធ ក៏ទទួលបាននូវកន្លែងស្នាក់នៅ ព្រមទាំងការចំណាយលើការសិក្សារបស់គេផងដែរ។
ពាក់ព័ន្ធទៅនឹងការជ្រើសរើសជំនាញ កាត់ត និងកែពណ៌នេះដែរ សារឹទ្ធ បានបញ្ជាក់ថា មូលហេតុដែលខ្លួនចាប់យកជំនាញមួយនេះ គឺដោយសារខ្លួនជាមនុស្សចូលចិត្តបច្ចេកវិទ្យាដូចជាការកាត់ត និងកែរូបភាពជាដើម។
យុវជន ថោង សារឹទ្ធ
“ខ្ញុំសម្រេចចិត្ត ជ្រើសរើសជំនាញនេះក៏ផ្អែកទៅនិស្ស័យរបស់ខ្ញុំដូចគ្នា ព្រោះខ្ញុំហាក់មានចំណាប់អារម្មណ៍ការងារដែលមានភាពច្នៃប្រតិដ្ឋ”
តើការសិក្សាជំនាញកាត់ត និងកែពណ៌ ត្រូវមានជំនាញមូលដ្ឋានអ្វីខ្លះ?
សម្រាប់បទពិសោធន៍ក្នុងការសិក្សារបស់ ថោង សារឹទ្ធ ជំនាញមួយនេះ ត្រូវការចេះនូវជំនាញមូលដ្ឋានសំខាន់ៗមួយចំនួនដូចជា ភាសារអង់គ្លេស ពាក្យបច្ចេកទេស ការកាត់រូប ការផលិតវីដេអូ ការមើលប្លង់ និងពន្លឺ និងរបៀបទំនាក់ទំនងជាដើម។
សារឹទ្ធ បន្ថែមថា ពេលខ្លះខ្លួនស្ទើរតែបោះបង់ដែរ ដោយសារតែការសិក្សានូវជំនាញនេះ គឺតម្រូវឱ្យខ្លួនត្រូវនៅមុខកុំព្យូទ័រមានរយៈពេលយូរៗ ដែលបង្កភាពតាងតឹងរហូតឈានទៅដល់ការធ្លាក់ទឹកដៃ នៃការសិក្សាទៀតផង, ប៉ុន្តែយុវជន សារឹទ្ធ មិនធ្លាប់បានបោះបង់ម្តងណាឡើយ ហើយតែងរកដំណោះស្រាយឆ្លើយតបទៅនឹងបញ្ហាទាំងនេះជានិច្ច។ ដោយមានការលើកទឹកចិត្ត ពីសំណាក់ លោកគ្រូអ្នកគ្រូ និងនិងមិត្តរួមថ្នាក់ ព្រមទាំងក្ដីស្រឡាញ់ទៅលើជំនាញនេះ សារឹទ្ធ បានប្រែក្លាយលទ្ធផល នៃការកិស្សាឱ្យមានភាពប្រសើរឡើងវិញ រហូតចាប់ចិត្តស្រឡាញ់ជំនាញនេះច្រើនទៅៗ។
យុវជន ថោង សារឹទ្ធ
“ខ្ញុំមានក្ដីស្រមៃចង់ប្រមូលផ្តុំគំនិតគ្នាជាមួយយុវជនឯទៀត ដើម្បីបង្កើតសាច់រឿងមួយឱ្យមានរស់ជាតិខុសប្លែក និងមិនធ្លាប់មានពីមុនមកនៅកម្ពុជា “
យ៉ាងណាក៏ដោយ បច្ចុប្បន្នក្រៅតែពីជំនាញ កាត់ត កែពណ៌ សារឹទ្ធ ក៏បានចេះ នូវជំនាញពាក់ព័ន្ធជាច្រើនផងដែរ ដូចជាការកាត់តវីដេអូ , ការចាក់ពណ៌ កែពណ៌ ធ្វើសម្លេង និងការបង្កើតសម្លេងខ្លីៗសម្រាប់វីដេអូជាដើម។
សម្រាប់ទៅថ្ងៃអនាគត យុវជន ថោង សារឹទ្ធ ចង់យកជំនាញទាំងនេះទៅអនុវត្តន៍ឱ្យអស់ពីសមត្ថភាពនៅពេលមានឱកាសសមស្របណាមួយ តាមរយៈការបំពេញកិច្ចការ និងការស្ម័គ្រចិត្តដើម្បីបានបទពិសោធន៍ ព្រោះបំណងធំបំផុតនោះ សារឹទ្ធ គឺចង់ឃើញខ្លួនឯងក្លាយជាអ្នកដែលមានសមត្ថភាពគ្រប់គ្រងផលិតកម្មដ៏ធំមួយ និងមានឱកាសកាន់គម្រោងធំៗ មិនថា ជាប្រភេទ TVC ឬក៏ជាប្រភេទភាពយន្តនោះឡើយ៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ក្រសួងអប់រំជ្រើសរើសនិស្សិតចូលសិក្សាថ្នាក់បរិញ្ញាបត្រជាន់ខ្ពស់គ្រប់គ្រងអប់រំជំនាន់ទី១២
ព័ត៌មានអាហារូបករណ៍, ព្រឹត្តិការណ៍
• 12/06/2023
ក្រសួងអប់រំ យុវជន និងកីឡាប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ផ្នែកគ្រប់គ្រងអប់រំជំនាន់ទី១២ ឆ្នាំសិក្សា២០២៣-២០២៤ ។ ការប្រឡង...
អាហារូបករណ៍ក្រោយឧត្តមសិក្សាជំនាញបរិស្ថាន កសិកម្ម និងគ្រូបង្រៀនភាសាអង់គ្លេស នៅប្រទេសនូវែលសេឡង់
ព័ត៌មានអាហារូបករណ៍, ព្រឹត្តិការណ៍
• 07/02/2025
កម្មវិធីអាហារូបករណ៍ Manaaki New Zealand Scholarships (MNZS) បានប្រកាសផ្តល់អាហារូបករណ៍ថ្នាក់ក្រោយឧត្តមសិក្សាចំនួន ៣៥កន្លែង ដល់ពលរដ្ឋកម្ពុជា (ទាំងក្នុងវិស័យសាធារណៈ និងឯកជន) លើមុខជំនាញពាក់ព័ន្ធនឹងការប្រែប្រួលអាកាសធាតុ...
ឱកាសសិក្សាអាហារូបករណ៍ថ្នាក់ឧត្តមសិក្សាពីកម្មវិធីអាហារូបករណ៍ Fulbright ឆ្នាំសិក្សា២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 24/02/2025
កម្មវិធីអាហារូបករណ៍ Fulbright ប្រកាសបើកទទួលពាក្យ អាហារូបកណ៍ Fulbright ឆ្នាំសិក្សា២០២៦-២០២៧ សម្រាប់ការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសហរដ្ឋអាមេរិក។
PSU-TUYF ប្រកាសផ្ដល់អាហារូបករណ៍ថ្នាក់បរិញ្ញាបត្រគណិតវិទ្យា និងវិទ្យាសាស្ត្រកុំព្យូទ័រ សិក្សានៅប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 27/02/2023
កម្មវិធីអាហារូបករណ៍ PSU-TUYF បានប្រកាសផ្ដល់អាហារូបករណ៍ថ្នាក់បរិញ្ញាបត្រសិក្សាជំនាញគណិតវិទ្យា និងវិទ្យាសាស្ត្រកុំព្យូទ័រដល់និស្សិតកម្ពុជាសម្រាប់ឆ្នាំសិក្សា២០២៣ ។...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Leed នៃចក្រភពអង់គ្លេសឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 08/05/2024
ឱកាសសិក្សាអាហារូបករណ៍ថ្នាក់ឧត្តមសិក្សានៅសាកលវិទ្យាល័យLeed ពីកម្មវិធីអាហារូបករណ៍ Leed Scholarship 2024 សម្រាប់សិក្សាផ្នែកគណនេយ្យ ...
ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍សិល្បៈអមតៈ អាន ចន ផន លើជំនាញសិល្បៈ និងមិនមែនសិល្បៈ
ព័ត៌មានអាហារូបករណ៍, ព្រឹត្តិការណ៍
• 25/05/2023
កម្មវិធីអាហារូបករណ៍សិល្បៈអមតៈ អាន ចន ផន បើកទទួលពាក្យស្នើសុំអាហារូបករណ៍សាច់ប្រាក់សម្រាប់សិស្ស និស្សិតសិក្សាជំនាញសិល្បៈ និងជំនាញមិនមែនសិល្បៈ ។ ...
អាហារូបករណ៍ជំនាញបច្ចេកទេស និងវិជ្ជាជីវៈ១ នៅវិទ្យាស្ថានជាតិពហុបច្ចេកទេសតេជោសែន
ព័ត៌មានអាហារូបករណ៍, ព្រឹត្តិការណ៍
• 18/02/2025
វិទ្យាស្ថានជាតិពហុបច្ចេកទេសតេជោសែន កំពុងប្រកាសជ្រើសរើស សិស្ស និងសាធារណជនទៅរៀនជំនាញបច្ចេកទេស និងវិជ្ជាជីវៈ ជាច្រើនកន្លែងសម្រាប់ថ្នាំសិក្សាថ្មី ក្នុងកម្រិតសញ្ញាបត្របច្ចេកទេស និងវិជ្ជាជីវៈ១ ។
ឱកាសសិក្សាអាហារូបករណ៍ថ្នាក់បរិញ្ញាបត្ររងនៅសាកលវិទ្យាល័យ អាយអាយស៊ី នៃបច្ចេកវិទ្យាឆ្នាំ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 18/12/2024
អាហារូបករណ៍ថ្នាក់បរិញ្ញាបត្ររងចំនួន៥០កន្លែង កំពុងរង់ចាំសិស្សដែលមិនបានជាប់ថ្នាក់ទី១២ ដើម្បីសិក្សាជំនាញវិជ្ជាជីវៈ នៅសាកលវិទ្យាល័យ អាយអាយស៊ី នៃបច្ចេកវិទ្យា ដែលគាំទ្រដោយ គណៈកម្មាធិការអាហារូបករណ៍សិស្ស-និស្សិតក្រីក្រ...
កម្មវិធីពិសេសរបស់ AMS EDUCATION
ព័ត៌មានសង្ខេប
