ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដើម្បីចូលរួមចំណែកក្នុងការអភិវឌ្ឍប្រកបដោយចីរភាព និងពង្រឹងសមត្ថភាពអ្នកជំនាញក្នុងវិស័យទឹកនៅកម្ពុជា សហភាពអឺរ៉ុបប្រចាំកម្ពុជាបានប្រកាសបើកទទួលពាក្យសុំអាហារូបករណ៍ក្រោមកម្មវិធី “European Global Scholarship Call for Water Professions” ដោយផ្តល់ឱកាសចំនួន ៣០កន្លែង។
អាហារូបករណ៍នេះនឹងផ្តល់ជូននូវការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៅតាមបណ្តាសាកលវិទ្យាល័យល្បីៗក្នុងប្រទេសជាសមាជិកសហភាពអឺរ៉ុបទាំង ២៧។
អាហារូបករណ៍នេះនឹងគ្របដណ្តប់លើការចំណាយទាំងអស់ រួមមាន៖
- កម្រៃសេវាសិក្សា (Tuition fees)
- ការធានារ៉ាប់រងសុខភាព
- ប្រាក់ឧបត្ថម្ភប្រចាំខែសម្រាប់ស្នាក់នៅ និងហូបចុក
- អត្ថប្រយោជន៍ចាំបាច់ផ្សេងៗទៀត
មុខជំនាញអាទិភាព ៖ កម្មវិធីនេះផ្តោតសំខាន់លើមុខជំនាញក្នុងវិស័យ STEM (វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា) ដែលពាក់ព័ន្ធនឹង ការផ្គត់ផ្គង់ទឹក និងប្រព័ន្ធអនាម័យ, និរន្តរភាពបរិស្ថាន, ការឆ្លើយតបនឹងការប្រែប្រួលអាកាសធាតុ និងភាពស៊ាំនឹងអាកាសធាតុ។
លក្ខខណ្ឌ និងនីតិវិធីនៃការដាក់ពាក្យ
សម្រាប់បេក្ខជនដែលមានបំណងចង់ដាក់ពាក្យ តម្រូវឱ្យអនុវត្តតាមជំហានសំខាន់ៗចំនួន ៣ ដូចខាងក្រោម៖
- ទទួលបានលិខិតទទួលឱ្យចូលរៀន (Admission Letter): បេក្ខជនត្រូវទាក់ទង និងទទួលបានលិខិតបញ្ជាក់ការទទួលឱ្យចូលរៀន (ទោះជាលក្ខខណ្ឌ ឬផ្លូវការ) ពីសាកលវិទ្យាល័យណាមួយដែលទទួលស្គាល់ក្នុងសហភាពអឺរ៉ុប។
- រៀបចំឯកសារ: រៀបចំរាល់ឯកសារពាក់ព័ន្ធឱ្យបានគ្រប់ជ្រុងជ្រោយតាមការកំណត់។
- ការដាក់ពាក្យតាមអនឡាញ: បេក្ខជនត្រូវដាក់ពាក្យតាមរយៈគេហទំព័រផ្លូវការ https://eu-scholarship.itc.edu.kh។
ឈប់ទទួលពាក្យ: ថ្ងៃទី១៥ ខែឧសភា ឆ្នាំ ២០២៦ វេលាម៉ោង ២៣:៥៩ យប់ (ម៉ោងនៅភ្នំពេញ)។
ដើម្បីជួយសម្រួលដល់បេក្ខជន សហភាពអឺរ៉ុបក៏មានរៀបចំជាសិក្ខាសាលាតាមប្រព័ន្ធអ៊ីនធឺណិត (Webinars) និងវគ្គផ្តល់ព័ត៌មានផ្សេងៗផងដែរ។ សាធារណជនអាចចូលរួមក្នុងឆានែល Telegram ផ្លូវការ https://t.me/+s1X2JOFDa7MyMjQ1 ដើម្បីទទួលបានព័ត៌មានថ្មីៗបំផុត៕
