ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – វ័យជំទង់ គឺស្ថិតនៅក្នុងដំណាក់កាលសំខាន់នៃការសិក្សា លូតលាស់ ស្មារតី សុខភាពផ្លូវចិត្ត និងសុខភាពផ្លូវកាយ។ ជាការកត់សម្គាល់ មនុស្សស្ថិតនៅក្នុងវ័យនេះ ភាគច្រើនតែជួបជាមួយបញ្ហានៅក្នុងអារម្មណ៍ ដូចជាព្រួយបារម្មណ៍ទៅលើការសិក្សា គ្រួសារ មិត្តភក្តិ និងបញ្ហាជាច្រើនទៀត។ បញ្ហាទាំងអស់នោះនឹងបង្កឱ្យពួកគេជួបនូវវិប្បត្តិផ្លូវចិត្ត រហូតឈានដល់ការសម្លាប់ខ្លួនក៏មាន។ លោកវេជ្ជបណ្ឌិត យឹម សុបុត្រា ឯកទេសវិកលវិទ្យា និងជានាយកមន្ទីរសម្រាកព្យាបាលផ្លូវចិត្តសាន់រ៉ាយ បង្ហាញអំពីអាការះមួយចំនួនរបស់មនុស្សវ័យជំទង់ ដែលគួរទៅជួបជាមួយអ្នកជំនាញសុខភាពផ្លូវចិត្តជាបន្ទាន់
១. ឈឺចាប់ផ្លូវកាយ៖ នៅពេលដែលក្មេងជំទង់ទទួលរងបញ្ហាច្រើន ធ្វើឱ្យសុខភាពផ្លូវកាយកាន់តែធ្វើទុក្ខខ្លាំង វាធ្វើឱ្យមានអាការៈមួយចំនួនដូចជា ឈឺក្បាល វិលមុខ ស្រវាំងភ្នែក ស្ងួតមាត់ រោយករ ឈឺក្រពះ ឬក្អួតចង្អោរជាដើម ។ អាការៈទាំងនេះបើសិនជាព្យាបាលលក្ខណៈផ្លូវកាយហើយនៅតែមិនជាសះស្បើយ នោះវាអាចបណ្ដាលមកពីបញ្ហាផ្លូវចិត្តហើយ។
២. អារម្មណ៍ផ្លាស់ប្ដូរលឿន៖ បញ្ហាផ្ទាល់ខ្លួន គ្រួសារ មិត្តភកិ្ត និងជាពិសេសការសិក្សាដែលធ្វើឱ្យសិស្សានុសិស្សមានការគិតច្រើន ព្រួយបារម្មណ៍ខ្លាំង និងស្រ្តេស ។ ជាធម្មតាជំងឺផ្លូវចិត្តណាក៏ធ្វើឱ្យមនុស្សភ័យព្រួយ បារម្មណ៍គិតទុកជាមុន អារម្មណ៍តានតឹងនៅក្នុងខ្លួន ឆេវឆាវ និងមានអ្នកខ្លះមានអារម្មណ៍គិតខ្លីទៀតផង។ សញ្ញាទាំងនេះតែកើតមានញឹកញាប់ជាមួយមនុស្សវ័យជំទង់ ដូច្នេះមនុស្សជុំវិញខ្លួនគួរព្យាយាមយល់ពីពួកគេឱ្យបានច្រើន។
៣. អាកប្បកិរិយាប្រែប្រួលប្លែក៖ ជំងឺផ្លូវចិត្តជាជំងឺខួរក្បាលដែលគួរផ្សំមានរឿងរ៉ាវអាក្រក់ល្អជាច្រើន។ អាកប្បកិរិយាប្លែកៗដូចជាចូលចិត្តនៅម្នាក់ឯង ចូលចិត្តនៅកន្លែងស្ងាត់ៗ ឬអាកប្បកិរិយារបស់ពួកគាត់ចូលចិត្តមើលរឿង ឬស្ដាប់បទចម្រៀងកម្សត់ៗដោយគ្មានមូលហេតុជាដើម ។ ចំណែកឯការបរិភោគចំណីអាហារក៏មានការផ្លាស់ប្ដូរ អ្នកខ្លះញ៉ាំច្រើន អ្នកខ្លះញ៉ាំតិចតួច។ ការប្រែប្រួលនូវបញ្ហាទាំងនេះ តែងកើតមានលើសិស្សានុសិស្ស ឬមនុស្សក្នុងវ័យជំទង់ ដែលនេះគឺជាសញ្ញានៃជំងឺផ្លូវចិត្តណាមួយ។
៤. បញ្ហាដំណេក គេងមិនលក់៖ អ្នកខ្លះគេងមិនលក់ អ្នកខ្លះគេងលក់ប៉ុន្តែយល់សប្តិច្រើន ឯអ្នកខ្លះទៀតមានអាការៈមមើរជាដើម។ បញ្ហាទាំងនេះ មនុស្សគ្រប់គ្នាតែងជួបប្រទះ ពិសេសមនុស្សនៅក្នុងវ័យជំទង់បើជួបបញ្ហានេះ បញ្ជាក់ថា បញ្ហាសុខភាពផ្លូវចិត្តរបស់ពួកគាត់មិនល្អនោះទេ។ នៅពេលដែលគេងមិនបានគ្រប់គ្រាន់ធ្វើឱ្យថាមពលធ្លាក់ចុះ និងប៉ះពាល់ទៅដល់សុខភាពផ្លូវកាយផងដែរ។
លោកវេជ្ជបណ្ឌិត យឹម សុបុត្រា បញ្ជាក់ថា បើមានសញ្ញាទាំងបួននេះបង្ហាញថាមនុស្សវ័យជំទង់ត្រូវស្វែករកអ្នកជំនាញ ឬទៅជួបប្រឹក្សាយោបល់ផ្លូវចិត្តជាបន្ទាន់ ពីព្រោះថាសុខភាពផ្លូវចិត្តមិនអាចយកអ្វីមកវាស់វែងបាននោះឡើយ។ លើសពីនេះ មនុស្សដែលនៅជុំវិញខ្លួនពួកគេដូចជាឪពុកម្ដាយត្រូវស្វែងយល់ និងតាមដានសុខភាពផ្លូវចិត្តពួកគេឱ្យបានញឹកញាប់ ជៀសវាងបង្កឱ្យជំងឺផ្លូវចិត្តណាមួយកាន់តែធ្ងន់ធ្ងរ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន៥០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោ
ព័ត៌មានអាហារូបករណ៍, ព្រឹត្តិការណ៍
• 17/10/2024
ឱកាសសិក្សាអាហារូបករណ៍ចំនួន៥០០កន្លែង សម្រាប់សិស្សានុសិស្សសិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល នៅសាកលវិទ្យាល័យល្បីៗចំនួនប្រាំមួយរបស់កម្ពុជា។ អាហារូបករណ៍ផ្ដល់ជូនក្រោមកម្មវិធីអាហារូបករណ៍ទេពកោសល្យឌីជីថលតេជោ...
ឱកាសសិក្សាជំនាញបច្ចេកទេសវិជ្ជាជីវៈចំនួន២១០០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 23/11/2023
វិទ្យាស្ថានពហុបច្ចេកទេសខេត្តបន្ទាយមានជ័យប្រកាសជ្រើសរើសយុវជន យុវនារី និងសាធារណជនសិក្សាវគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១ រយៈពេល៤ខែ ចំនួន២១០០...
អាហារូបករណ៍ថ្នាក់បរិញ្ញាបត្រ១០០ភាគរយនៅសាកលវិទ្យាល័យខេមតិច
ព័ត៌មានអាហារូបករណ៍, ព្រឹត្តិការណ៍
• 01/12/2023
សាកលវិទ្យាល័យខេមតិច ដែលគេដឹងថា គឺជាសាកលវិទ្យាល័យបច្ចេកវិទ្យា ដែលមានបទដ្ឋានអន្តរជាតិ ប្រកាសផ្តល់អាហារូបករណ៍ទេពកោសល្យស្ទែមថ្នាក់បរិញ្ញាបត្រជាច្រើនកន្លែង សម្រាប់ឆ្នាំសិក្សា២០២៣-២០២៤...
អាហារូបករណ៍ថ្នាក់បរិញ្ញាបត្រ និងថ្នាក់ក្រោយឧត្តម ទៅសិក្សានៅប្រទេសវៀតណាម
ព័ត៌មានអាហារូបករណ៍, ព្រឹត្តិការណ៍
• 06/05/2026
សម្រាប់សិស្សនិស្សិតដែលចង់បន្តការសិក្សាថ្នាក់បរិញ្ញាបត្រ ក៏ដូចជាថ្នាក់ក្រោយឧត្តមសិក្សានៅក្រៅប្រទេស, ពេលនេះ ក្រសួងអប់រំ យុវជន និងកីឡា បានប្រកាសជ្រើសរើសនិស្សិតអាហារូបករណ៍ដល់ទៅ ១២០កន្លែង...
ឱកាសអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ Mae Fah Luang ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 19/04/2023
ក្រោមកម្មវិធី Boon Rawd Scholarship 2023 សាកលវិទ្យាល័យ Mae Fah Luang ខេត្តឈៀងរ៉ៃ នៃព្រះរាជាណាចក្រថៃ បានប្រកាសជ្រើសរើសនិស្សិតកម្ពុជាចំនួន ២រូប...
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ផ្តល់ការសិក្សាជំនាញពេញនិយមចំនួន១១ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 05/09/2024
ជាឱកាសសម្រាប់យុវជន ក៏ដូចជាបងប្អូនប្រជាពលរដ្ឋរស់នៅខេត្តកែប ដែលមានបំណងចង់ទទួលបានជំនាញពិតប្រាកដមួយសម្រាប់ជីវិត ពេលនេះមជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ប្រកាសជ្រើសរើសសិក្ខាកាមឱ្យចូលរៀនដោយឥតគិតថ្លៃ ទៅលើជំនាញចំនួន១១។
ឱកាសសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំងចំនួន៥៤០កន្លែង
ព័ត៌មានអាហារូបករណ៍, ព្រឹត្តិការណ៍
• 21/08/2024
វិទ្យាស្ថានពហុច្ចេកទេសខេត្តកំពង់ឆ្នាំងប្រកាសជ្រើសរើសយុវជន យុវនារីដែលបោះបង់ការសិក្សាព្រោះកត្តាផ្សេងៗឱ្យសិក្សាជំនាញវគ្គខ្លីចំណួ៥៤០កន្លែង...
កម្មវិធីពិសេសរបស់ AMS EDUCATION
ព័ត៌មានសង្ខេប
