ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ចូលចិត្តធ្វើម្ហូប ធ្វើនំ និងតុបតែងលម្អអាហារ គឺជាចំណង់ចំណូលចិត្តរបស់យុវជន ណុប បូណា តាំងពីកុមារភាព ។ ចំណង់ចំណូលចិត្តមួយនេះ បាននាំឱ្យ បូណា សម្រេចចិត្តចាប់យកជំនាញផលិតកម្មម្ហូបអាហារ ដោយគេរំពឹងថា ទៅថ្ងៃអនាគត នឹងអាចក្លាយជាចុងភៅដ៏ចំណានមួយរូប។
បច្ចុប្បន្នយុវជន ណុប បូណា កំពុងរៀនឆ្នាំទី២ នៃជំនាញផលិតកម្មម្ហូបអាហារនៅវិទ្យាស្ថាន PSE ហើយក៏កំពុងហាត់ការលើជំនាញមួយនេះនៅភោជនីយដ្ឋានមួយក្នុងរាជធានីភ្នំពេញផងដែរ។ ត្បិតតែរៀនត្រឹមឆ្នាំទី២មែន ប៉ុន្តែ បូណា អាចចម្អិនអាហារពេលព្រឹកជាមុខ ទាំងអាស៊ី និងអឺរ៉ុប។
ការចាប់យកជំនាញដែលខ្លួនឯងពេញចិត្តនេះ បានធ្វើឱ្យយុវជន ណុប បូណា អភិវឌ្ឍមុខជំនាញមួយនេះយ៉ាងខ្លាំង ហើយពេលនេះ គេក៏កំពុងចាប់អារម្មណ៍ ចំពោះការរៀនធ្វើនំខេកទៀតផង ព្រោះតែនំប្រភេទនេះតម្រូវឱ្យមានភាពច្នៃប្រតិដ្ឋចេះតុបតែងទៅតាមចំណង់ចំណូលចិត្តអតិថិជន ដែលជាហេតុអាចឱ្យ បូណា អភិវឌ្ឍនូវភាពច្នៃប្រតិដ្ឋបានជាប្រចាំ។
យុវជន ណុប បូណា
“ជ្រើសយកជំនាញ ផលិតកម្មម្ហូបអាហារ ខ្ញុំពុំមានចិត្តស្ដាយក្រោយនោះទេ ព្រោះខ្ញុំស្រឡាញ់ជំនាញនេះដោយចេញពីចិត្ត”
តាមពិតទៅការជ្រើសរើសយកជំនាញផលិតកម្មម្ហូបអាហារ របស់ បូណា មិនទទួលបានការគាំទ្រពីក្រុមគ្រួសារនោះឡើយ ព្រោះតែពេលនោះ ក្រុមគ្រួសាររបស់ បូណា កំពុងជួបនូវស្ថានភាពលំបាកខាងជីវភាព ដូច្នេះពួកគាត់ចង់ឱ្យ បូណា ចូលធ្វើការងាររោងចក្រ ដោយបោះបង់ចោលការចូលរៀនជំនាញ ដើម្បីទទួលបានប្រាក់ខ្លះមកជួយផ្គត់ផ្គង់ជីវភាព។ ប៉ុន្តែ បូណា នៅតែជំនះជាមួយក្រុមគ្រួសារក្នុងការចូលរៀនជំនាញ រហូតដល់មានការឈ្លោះប្រកែកគ្នាថែមទៀត។
យុវជន ណុប បូណា
” ខ្ញុំធ្លាប់អន់ចិត្ត ពេលនឹកដល់ស្ថានភាពខ្លួនឯងម្តងៗ ដែលមិនមានការគាំទ្រ ពេញលេញ ប៉ុន្តែខ្ញុំនៅតែគាំទ្រខ្លួនឯង និងពិភាក្សាទៅកាន់អ្នកដែលខ្ញុំគិតថា គាត់អាចយល់ពីខ្ញុំ តួយ៉ាង ដូចជាម្តាយជាដើម “
យ៉ាងណាក៏ដោយ ក្រោយពីបានចូលរៀនជំនាញនៅវិទ្យាស្ថាន PSE នៃអង្គការដើម្បីភាពញញឹម នៃកុមារ ពេលនេះ បូណា ទទួលបាននូវចំណេះដឹងជាច្រើន ដោយមានទាំងការសិក្សាភាសាអង់គ្លេស បំណិនជីវិត ហើយក៏មានឱកាសបានចូលបម្រើការងារនៅក្នុងភោជនីយដ្ឋាន ខេម៉ា ឡា ប៉ុស្តិ៍ (Khéma La Poste Restaurant)។
សម្រាប់ការរៀនជំនាញផលិតកម្មម្ហូបអាហារនេះ បើតាម យុវជន ណុប បូណា អ្នកដែលរៀនជំនាញមួយនេះ ត្រូវតែជាប្រភេទមនុស្សដែលមានលក្ខណៈសម្បត្តិល្អ មានភាពអត់ធ្មត់ មានសុខភាពផ្លូវចិត្ត និងផ្លូវកាយល្អ ប្រសើរផងដែរ។
ហេតុអ្វីបានជាជំនាញផលិតកម្មម្ហូបអាហារ ត្រូវការមានសុខភាពផ្លូវកាយ និងផ្លូវចិត្តល្អ ? បើតាម បូណា តាមរយៈបទពិសោធន៍ការងារ ហាត់ការ និងការសិក្សា អ្នកដែលមានជំងឺរបេង, ថ្លើម ឬជំងឺផ្សេងៗ គឺគេពុំអនុញ្ញាតឱ្យចូលបម្រើការងារផ្នែកម្ហូបអាហារនេះឡើយ ដោយគេគិតគូរអំពីអនាម័យ និងផ្តល់ទំនុកចិត្តដល់ភ្ញៀវដែលមកទទួលសេវាកម្ម។
មួយវិញទៀតបើសិនជាសុខភាពផ្លូវចិត្តមិនល្អ នោះការផ្តោតទៅលើកិច្ចការនឹងបាត់បង់ ហើយភាពអត់ធ្មត់ក៏ចុះខ្សោយទៅតាមនោះដែរ។ កន្លងមក បូណា បានបន្សាំខ្លួនក្នុងការធ្វើសកម្មភាពដូចជា នៅធ្វើការក្នុងឡដុតនំដែលមានកម្ដៅក្ដៅខ្លាំង, ចិត្តបន្លែ រៀបក្បាលចាន, រៀនភាសាបច្ចេកទេស និងព្យាយាមចងចាំគ្រឿងផ្សំដើម្បីងាយស្រួលពេលយកទៅប្រើប្រាស់។
យុវជន ណុប បូណា
“ជំនាញនេះបានជំរុញឱ្យខ្ញុំកាន់តែយកចិត្តទុកដាក់ចំពោះខ្លួនឯងអំពីសុខភាព ព្រោះបើសុខភាពមិនអំណោយផល ខ្ញុំក៏គ្មានឱកាសបានធ្វើដែរ បើទោះបីជាខ្ញុំចេះជំនាញ។ ខ្ញុំតែងព្យាយាមជៀសចាកពីអាហារដែលប៉ះពាល់សុខភាព និងព្យាយាមហាត់ប្រាណ”
ជាមួយគ្នានេះ បូណា រំពឹងថា នៅថ្ងៃអនាគត ខ្លួននឹងមានជំនាញល្អមួយដែលអាចជួយខ្លួនឯង និងគ្រួសារបាន។ បូណា ក៏មានបំណង បើកអាជីវកម្មផ្ទាល់ខ្លួនដែរ មានការហ្វេ និងនំប៉័ត ឬអាហារសម្រន់ជាដើម។ បន្ថែមពីនោះ ពេលដែលរៀនចប់ បូណា ក៏ចង់បន្តជំនាញគ្រប់គ្រង ឬទាក់ទងនឹងសិល្បៈ ដើម្បីបណ្តុះនូវភាពម្ចាស់ការ និងការចាត់ចែងការងារ ព្រមទាំងកិច្ចការដែលទាក់ទងនឹងភាពច្នៃប្រតិដ្ឋនានា ដែលជាការបណ្តុះនូវធាតុបន្ថែមលើជំនាញដែល បូណា កំពុងតែរៀនសព្វថ្ងៃនេះ៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Beijing Normal ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 17/01/2025
សាកលវិទ្យាល័យភូមិន្ទភ្នំពេញ បានប្រកាសដំណឹងអំពីការជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យប៉េកាំង (Beijing Normal Universty) នាសាខា Zhuhai នៃសាធារណរដ្ឋប្រជាមានិតចិន ឆ្នាំសិក្សា២០២៥។
អាហារូបករណ៍ថ្នាក់បរិញ្ញាបត្រជាន់ខ្ពស់ពី Erasmus University Rotterdam នៅប្រទេសហូឡង់
ព័ត៌មានអាហារូបករណ៍, ព្រឹត្តិការណ៍
• 29/01/2026
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាលាគ្រប់គ្រង Rotterdam នៃសាកលវិទ្យាល័យ Rotterdam ប្រទេសហូឡង់ ពីកម្មវិធីអាហារូបករណ៍ Erasmus ឆ្នាំសិក្សា២០២៦-២០២៧។
សាកលវិទ្យាល័យស៊ុនយ៉ាតសេន ប្រទេសចិន ផ្តល់អាហារូបករណ៍១០កន្លែងសម្រាប់និស្សិតកម្ពុជា
ព័ត៌មានអាហារូបករណ៍, ព្រឹត្តិការណ៍
• 10/02/2023
ក្រោមកម្មវិធី «2023 Sun Yat-sen University Belt and Road Schoiarship Program for International Students» សាកលវិទ្យាល័យស៊ុនយ៉ាតសេននៅទីក្រុងក្វាងចូវ ប្រទេសចិន...
ក្រសួងអប់រំ ផ្តល់អាហារូបករណ៍សម្រាប់គ្រូឧទ្ទេស សិក្សាថ្នាក់បរិញ្ញាបត្រជាន់ខ្ពស់នៅប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 21/12/2023
ក្រសួងអប់រំ យុវជន និងកីឡា សហការណ៍ជាមួយទីភ្នាក់ងារសហប្រតិបត្តិការអន្តរជាតិជប៉ុន(JICA) ប្រកាសជ្រើសរើសគ្រូឧទ្ទេសដើម្បីទៅសិក្សាអាហារូបករណ៍ថ្នាក់បរិញ្ញាបត្រ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ France Eiffel Excellence ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 31/10/2024
កម្មវិធីអាហារូបករណ៍ France Eiffel Excellence ឆ្នាំសិក្សា២០២៥ប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតអន្តរជាតិ។ អាហារូបករណ៍គាំទ្រ និងផ្ដល់ដោយក្រសួងបារាំងសម្រាប់អឺរ៉ុប និងក្រសួងការបរទេស។
លក្ខខណ្ឌ និងគន្លឹះសំខាន់ដែលអ្នកស្នើពាក្យអាហារូបករណ៍ Australia Awards គួរដឹង
ព័ត៌មានអាហារូបករណ៍, ព្រឹត្តិការណ៍
• 19/03/2025
កម្មវិធីអាហារូបករណ៍ Australia Awards ជាអាហារូបករណ៍ដែលផ្ដល់ដោយរដ្ឋាភិបាលអូស្ត្រាលី សម្រាប់ការសិក្សាថ្នាក់ឧត្ដមសិក្សា នៅសាកលវិទ្យាល័យជាច្រើនក្នុងប្រទេសអូស្ត្រាលី ហើយអាហារូបករណ៍តែងតែផ្ដល់ឱ្យជារៀងរាល់ឆ្នាំ។
ឱកាសសិក្សាអាហារូបករណ៍ថ្នាក់វិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំង
ព័ត៌មានអាហារូបករណ៍, ព្រឹត្តិការណ៍
• 12/11/2025
វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើស សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈ សម្រាប់ថ្នាក់សញ្ញាបត្របច្ចេកទេស និងវិជ្ជាជីវៈ១ (C1 ១,៥លាននាក់) ចំនួន៩០០នាក់។
ឱកាសសិក្សាថ្នាក់បរិញ្ញាបត្រជាន់ខ្ពស់បណ្ឌិតផ្នែក AI នៅសាកលវិទ្យាល័យជាតិ Chungbok ប្រទេសកូរ៉េ
ព័ត៌មានអាហារូបករណ៍, ព្រឹត្តិការណ៍
• 05/04/2023
ជាឱកាសសម្រាប់អ្នកចង់បន្តការសិក្សា លើជំនាញ AI Processor Chip Design និង AI Deep Learning Image Recognition ពេលនេះសាកលវិទ្យាល័យជាតិ Chungbok ...
អាហារូបករណ៍ថ្នាក់ Diploma បរិញ្ញាបត្រ និងបរិញ្ញាបត្រជាន់ខ្ពស់ នៅប្រទេសព្រុយណេ ឆ្នាំ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 18/12/2025
ស្ថានឯកអគ្គរាជទូតកម្ពុជាប្រចាំប្រទេសព្រុយណេដារូស្សាឡាម បានប្រកាសថា រាជរដ្ឋាភិបាលព្រុយណេ នឹងផ្តល់អាហារូបករណ៍ដល់និស្សិតបរទេសទៅសិក្សានៅប្រទេសព្រុយណេសម្រាប់ឆ្នាំសិក្សា២០២៦-២០២៧
កម្មវិធីពិសេសរបស់ AMS EDUCATION
ព័ត៌មានសង្ខេប
