ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – មន្រ្តីជាន់ខ្ពស់ក្រសួងសង្គមកិច្ច អតីតយុទ្ធជន និងយុវនីតិសម្បទា បានឱ្យដឹងថា ជំនាញថែទាំមនុស្សចាស់ នឹងក្លាយជាជំនាញដែលមានឱកាសការងារច្រើន ទាំងក្នុងស្រុក ក៏ដូចជាក្រៅស្រុកនាពេលអនាគត។
លោក តូច ចាន់នី អគ្គនាយកបច្ចេកទេស នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានមានប្រសាសន៍ថា ចាប់ពីពេលនេះតទៅ កម្ពុជា ក៏ដូចជាប្រទេសជាច្រើនដែរ គឺត្រូវការអ្នកជំនាញថែទាំមនុស្សចាស់កាន់តែច្រើន ពីព្រោះនៅកម្ពុជា និងប្រទេសជាច្រើន ដូចជាប្រទេសជប៉ុន និងកូរ៉េខាងត្បូងជាដើម មនុស្សវ័យចាស់កាន់តែកើនច្រើនឡើងៗជារៀងរាល់ឆ្នាំ ហេតុនេះសិស្សនិស្សិត និងសាធារណជនដែលចាប់យកអាជីពជាអ្នកថែទាំមនុស្សចាស់ នឹងមានឱកាសការងារច្រើន។
លោក តូច ចាន់នី
“ក្រុមគ្រួសារខ្លះគេមានលទ្ធភាព ប៉ុន្តែមិនមានឱកាសក្នុងការមើលថែទាំ អញ្ចឹងគេយកឪពុកម្តាយគេ យកទៅផ្ញើនឹងមណ្ឌលថែទាំមនុស្សចាស់ឱ្យថែទាំ… នៅស្រុកយើងអត់ទាន់មានទេ ប្រសិនបើយើងផ្តល់ឱកាសឱ្យមានការបើកមណ្ឌល ប្រាកជាមានមណ្ឌលច្រើន បើមានមណ្ឌលច្រើនប្រាកដជាតម្រូវការអ្នកធ្វើការ ដែលមានសមត្ថភាពថែទាំមនុស្សចាស់ច្រើន….”
បើតាមការបញ្ជាក់របស់លោក តូច ចាន់នី បច្ចុប្បន្នកម្ពុជា ទើបតែបានបង្កើតឱ្យមានកម្មវិធីបណ្តុះបណ្តាលជំនាញថែទាំមនុស្សចាស់ នៅមជ្ឈមណ្ឌលជាតិគាំពារមនុស្សចាស់ របស់ក្រសួងសង្គមកិច្ច អតីតយុទ្ធជន និងយុវនីតិសម្បទារ ក្រោមកិច្ចសហការជាមួយក្រុមហ៊ុនប្រូខេស អេស៊ា ខូ អិលធីឌី។
តើអ្វីទៅជាការងារ នៃជំនាញមើលថែទាំមនុស្សចាស់?
បើយោងតាមគេហទំព័រ Japan Care Worker Guide ជំនាញមើលថែទាំចាស់ គឺជាការងារខុសពីគិលានុបដ្ឋាយិកា ។ ការងារមើលថែទាំនេះ គឺជាការជួយដល់មនុស្ស ពិសេសមនុស្សចាស់ដែលមានពិការផ្លូវកាយ ឬផ្លូវចិត្ត ធ្វើឱ្យមានការប៉ះពាល់ដល់ការរស់នៅប្រចាំថ្ងៃ ដូច្នេះអ្នកថែទាំ អាចជួយឱ្យពួកគាត់នៅបានប្រកបដោយឯករាជ្យភាពជាងមុន។ ឧទាហរណ៍ដូចជា ចំពោះមនុស្សចាស់ជរា ឬជនពិការដែលមានការលំបាកក្នុងការធ្វើដោយខ្លួនឯងក្នុងជីវិតប្រចាំថ្ងៃ គឺធ្វើការផ្ដល់ជំនួយទៅលើសកម្មភាពផ្សេងៗ ដូចជាការបរិភោគអាហារ ការបញ្ចេញចោល ការងូតទឹកជាដើម ដោយតម្រូវទៅតាមកម្រិតនៃអាការៈ និងបរិស្ថាននីមួយៗ។ល។
តើមនុស្សប្រភេទណាសក្តិសមជាមួយជំនាញអ្នកមើលថែទាំមនុស្សចាស់?
តាមរយៈគេហទំព័រ Japan Care Worker Guide ដដែលបានបញ្ជាក់ថា អ្នកដែលសក្តិសមសម្រាប់ជំនាញមួយនេះ គឺជាមនុស្សដែលចូលចិត្តនិយាយ និងអ្នកដែលយល់ចិត្តរបស់មនុស្សដទៃ។ ការងារមើលថែទាំក៏ត្រូវការឱ្យមាន “កម្លាំង” ក្នុងកម្រិតមួយដែរ។
គួរបញ្ជាក់ដែរថា បើយោងតាមទិន្នន័យជំរឿនប្រជាជនឆ្នាំ២០១៩ បានបង្ហាញថា បច្ចុប្បន្ននេះ កម្ពុជាមានប្រជាជនវ័យចំណាស់ប្រមាណ ១លាន៣សែន៩ម៉ឺននាក់ ។ ដោយឡែកសម្រាប់ប្រទេសជប៉ុនវិញ បើយោងតាមទិន្នន័យពីវិទ្យាសាស្ត្រជាតិស្រាវជ្រាវប្រជាជននិងសន្តិសុខ នៃក្រសួងសុខាភិបាលជប៉ុន បានបង្ហាញថា មនុស្សចាស់ដែលមានអាយុពី៦៥ឆ្នាំឡើងនៅប្រទេសជប៉ុន គឺមានចំនួនប្រមាណ២៨ភាគរយ នៃប្រជាជនជប៉ុនសរុបប្រមាណ១២៧លាននាក់៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
អាហារូបករណ៍ TVET ១២៣០កន្លែង នៅវិទ្យាស្ថានពហុបច្ចេកទេសខេត្តព្រះសីហនុ
ព័ត៌មានអាហារូបករណ៍, ព្រឹត្តិការណ៍
• 10/10/2025
វិទ្យាស្ថានពហុបច្ចេកទេសខេត្តព្រះសីហនុ នៃក្រសួងការងារ និងបណ្តុះបណ្តាលវិជ្ជាជីវៈ ប្រកាសផ្តល់អាហារូបករណ៍ចំនួន ១២៣០កន្លែង លើ ១៤មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ...
ACE ផ្តល់អាហារូបករណ៍ដល់សិស្សនិស្សិតចំនួន ៣១កន្លែង
ព័ត៌មានអាហារូបករណ៍, ព្រឹត្តិការណ៍
• 25/08/2023
មជ្ឈមណ្ឌលអូស្រ្តាលីសម្រាប់ការបណ្តុះបណ្តាល ប្រកាសផ្តល់អាហារូបករណ៍ដល់សិស្សនិស្សិតចំនួន៣១កន្លែង ដោយម្នាក់ៗនឹងទទួលបានអាហារូបករណ៍រយៈពេល១ឆ្នាំ។
អាហារូបករណ៍ ADB-Korea Fellowship Program ថ្នាក់បរិញ្ញាបត្រជាន់ខ្ពស់នៅប្រទេសកូរ៉េ សម្រាប់មន្រ្តីរាជការកម្ពុជា
ព័ត៌មានអាហារូបករណ៍, ព្រឹត្តិការណ៍
• 05/02/2026
ធនាគារ អភិវឌ្ឍន៍អាស៊ី (ADB) សហការជាមួយរដ្ឋាភិបាលនៃសាធារណរដ្ឋកូរ៉េ បានផ្តល់នូវកម្មវិធីអាហារូបករណ៍ ADB-Korea Fellowship Program (KFP) សម្រាប់ឆ្នាំសិក្សា២០២៦ ដែលមានគោលបំណង ពង្រឹងសមត្ថភាពមន្ត្រីរាជការមកពី...
ស.ស.យ.ក. រាជធានីភ្នំពេញ ផ្តល់ការចុះឈ្មោះប្រឡងគណិតវិទ្យាសិង្ហបុរី ចំនួន២៥០កន្លែង ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 06/08/2025
ដើម្បីបន្តចូលរួមចំណែកជាមួយរាជរដ្ឋាភិបាលក្នុងការលើកកម្ពស់ធនធានមនុស្ស នៃព្រះរាជាណាចក្រកម្ពុជា សហភាពសហព័ន្ធយុវជនកម្ពុជា រាជធានីភ្នំពេញ ក្រោមកិច្ចសហប្រតិបត្តិការជាមួយមជ្ឈមណ្ឌលរៀបចំការប្រឡងអូឡាំព្យាដសិង្ហបុរី (SIMCC)
ឱកាសសិក្សាថ្នាក់បរិញ្ញាបត្រ៣០០កន្លែងពីអាហារូបករណ៍ទេពកោសល្យឌីជីថលតេជោឆ្នាំសិក្សា ២០២៤
ព័ត៌មានអាហារូបករណ៍, ព្រឹត្តិការណ៍
• 07/12/2023
ឱកាសទទួលបានអាហារូបករណ៍សិក្សាថ្នាក់បរិញ្ញាបត្រចំនួន៣០០កន្លែងពីកម្មវិធីអាហារូបករណ៍ទេពកោសល្យឌីជីថលតេជោថ្នាក់បរិញ្ញាបត្រឆ្នាំសិក្សា២០២៤ ពីសម្ដេចអគ្គ...
អាហារូបករណ៍សិក្សានៅវិទ្យាស្ថានជាតិសហគ្រិនភាព និងនវានុវត្តន៍សិក្សាថ្នាក់ជំនាញវិជ្ជាជីវៈ
ព័ត៌មានអាហារូបករណ៍, ព្រឹត្តិការណ៍
• 23/04/2024
ឱកាសសិក្សាជំនាញវិជ្ជាជីវៈរយៈពេលខ្លីនៅវិទ្យាស្ថានជាតិសហគ្រិនភាព និងនវានុវត្តន៍ជាច្រើនជំនាញក្រោមគម្រោង ១,៥លាននាក់ និងផ្ដល់ជូន...
អាហារូបករណ៍ ៣៥០កន្លែង នៅវិទ្យាស្ថានជំនាន់ថ្មី សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 16/09/2025
ដើម្បីរួមចំណែកក្នុងវិស័យអប់រំ អាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្ររង និងថ្នាក់បរិញ្ញាបត្រ ចំនួន៣៥០កន្លែង សិក្សានៅវិទ្យាស្ថានខ្មែរជំនាន់ថ្មី ឆ្នាំសិក្សា២០២៥-២០២៦។
អាហារូបករណ៍សិក្សាជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ ពីមជ្ឈមណ្ឌលបុប្ផាណា
ព័ត៌មានអាហារូបករណ៍, ព្រឹត្តិការណ៍
• 28/05/2025
មជ្ឈមណ្ឌលធនធានសោតទស្សន៍បុប្ផាណា ប្រកាសជ្រើសរើសសិស្សដែលចង់សិក្សាជំនាញផលិតភាពយន្ត និងពហុប្រព័ន្ធផ្សព្វផ្សាយ ក្នុងវគ្គបណ្ដុះបណ្ដាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយក្រោមការឧបត្ថម្ភពីមូនិធិហេនរីលូស៍...
កម្មវិធីពិសេសរបស់ AMS EDUCATION
ព័ត៌មានសង្ខេប
