ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តកំពង់ឆ្នាំង ប្រកាសជ្រើសរើសសាធារណជនចូលសិក្សាវគ្គបណ្ដុះបណ្ដាលជំនាញវិជ្ជាជីវៈ និងបច្ចេកទេស សម្រាប់វគ្គសិក្សាថ្មី ក្នុងថ្នាក់សញ្ញាបត្របច្ចេកទេស និងវិជ្ជាជីវៈ១ (C1) ឆ្នាំសិក្សា២០២៦។
ជំនាញដែលកម្មវិធីអាហារូបករណ៍ផ្តល់ជូនរួមមាន ៖ ការដំឡើង និងអនុវត្តបច្ចេកវិទ្យាឌីជីថល, ការរចនាក្រាហ្វិកដោយកុំព្យូទ័រ, សេវាកម្មកុំព្យូទ័រ, ការដំឡើង និងថែទាំបណ្ដាញកាមេរ៉ាសុវត្ថិភាពក្នុងអគារ, ការថែទាំ និងជួសជុលរថយន្ត, ការថែទាំ និងជួសជុលម៉ាស៊ីនត្រជាក់រថយន្ត, ការថែទាំ និងជួសជុលអគ្គិសនីរថយន្ត, វិស្វកម្មគ្រឿងម៉ាស៊ីនឧស្សាហកម្ម, សេវាកម្មបរិក្ខារត្រជាក់ក្នុងគេហដ្ឋាន, ការថែទាំនិងជួសជុលប្រព័ន្ធចំហាយទឹកឧស្សាហកម្ម, សេវាកម្មបរិក្ខាត្រជាក់ក្នុងគេហដ្ឋាន, សេវាកម្មបរិក្ខាផ្ទះបាយ, ការថែទាំ និងជួសជុលប៉ុស្តិ៍ផ្សា, ការថែទាំនិងជួសជុលម៉ាស៊ីនបោកគក់, ការថែទាំនិងដំឡើងកាមេរ៉ាសុវត្ថិភាព។
ជំនាញទាំងអស់នឹងជ្រើសរើស៣០នាក់ក្នុងមួយវេន និងមួយមុខជំនាញ ដោយវេនសិក្សាមាន ចន្ទ-សុក្រ(ព្រឹក-រសៀល) ពីម៉ោង៨:០០am-១២:០០pm និង ១:៣០pm ៤:៣០pm សិក្សារយៈពេល៤ខែ។ សម្រាប់វេន ចន្ទ-សុក្រ(យប់) ពីម៉ោង ៥:៣០pm-៨:៣០pm សិក្សារយៈពេល៨ខែ។ សម្រាប់វេនសិក្សា សៅរ៍-អាទិត្យ ពីម៉ោង ៨:០០am-១២:០០pm និង ១:៣០pm ៤:៣០pm សិក្សារយពែល៨ខែ។
លក្ខខណ្ឌចុះឈ្មោះ ៖ មានអាយុចាប់ពី១៥ឆ្នាំឡើងទៅ, សម្រាប់យុវជនមកពីគ្រួសារដែលមានគ្រួសារដែលមានបណ្ណក្រីក្រ១ និង២ និងគ្រួសារដែលមានបណ្ណសម្គាល់ជនងាយរងហានិភ័យ ទទួលបានការសិក្សាដោយមិនបង់ថ្លៃ និងទទួលបានប្រាក់ឧបត្ថម្ភ២៨ម៉ឺនរៀលក្នុងមួយខែ, ជាពលករដែលទើបត្រឡប់មកពីប្រទេសថៃ, ជាយុវជនទូទៅដែលមិនមែនជានិស្សិតកំពុងសិក្សានៅគ្រឹះស្ថានសិក្សាទទួលបានការសិក្សាឥតគិតថ្លៃ។
សម្រាប់បេក្ខជន សាធារណជនដែលមានចំណាប់អារម្មណ៍ក្នុងការដាក់ពាក្យ អាចទំនាក់ទំនងទៅកាន់អាជ្ញាធរមូលដ្ឋាន (ឃុំ/សង្កាត់) ដែលរស់នៅផ្ទាល់ ឬទៅវិទ្យាស្ថានពហុច្ចេកទេសខេត្តកំពង់ឆ្នាំង ដែលមានទីតាំងនៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ជាប់មន្ទីរអប់រំ យុវជន និងកីឡាកំពង់ឆ្នាំង។ សម្រាប់ព័ត៌មានបន្ថែមអាចទំនាក់ទំនងទៅកាន់ ០១២ ៤៧៤ ៣៤១ / ០១៥ ៩៤០ ៤២០ / ០១០ ៥៤៦ ១៧៧ / ០៩៧ ២៦៩ ៥៧១៣។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី០១ ខែមករា ឆ្នាំ២០២៦៕
