ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ទោះបីជារៀនមិនបានខ្ពង់ខ្ពស់ដល់ថ្នាក់មហាវិទ្យាល័យ ប៉ុន្តែបច្ចុប្បន្ននេះ កញ្ញា ឡុង ចាន់កញ្ញា អាចឈោងចាប់យកតួនាទីជាអ្នកគ្រប់គ្រង និងជាអ្នកជំនាញបារីស្តារដ៏ពូកែមួយរូប (អ្នកច្នៃប្រតិដ្ឋភេសជ្ជៈ) ប្រចាំភោជនីយដ្ឋានបារាំងមួយ នៅកណ្តាលរាជធានីភ្នំពេញ។ លទ្ធផលនេះ បានដោយសារការប្រឹងប្រែង និងក្តីស្រឡាញ់។
តាមពិតទៅ ចាន់កញ្ញា ទើបតែរៀនជំនាញបារីស្តារ កាលពីកំឡុងឆ្នាំ២០២០ថ្មីៗនេះប៉ុណ្ណោះ ពីគ្រូជំនាញម្នាក់ ដែលម្ចាស់ភោជនីយដ្ឋានរបស់នាងបានជួលឱ្យមកបង្រៀនបុគ្គលិកផ្នែកសេវាកម្មរបស់ភោជនីយដ្ឋាន។ ប៉ុន្តែដោយការចាប់អារម្មណ៍ចង់ចេះ ចង់ដឹង និងចង់បានជំនាញនេះ សម្រាប់ជាជំនាញផ្ទាល់ខ្លួន ចាន់កញ្ញា បានសុំម្ចាស់ភោជនីយដ្ឋាន រៀនជាមួយគេដែរ ហើយទីបំផុតនាងក៏បានក្លាយជាអ្នកជំនាញបារីស្តារប្រចាំភោជនីយដ្ឋានតែម្តង។
– កញ្ញា ឡុង ចាន់កញ្ញា
“ដោយសារស្រឡាញ់ជំនាញនេះ ខ្ញុំប្រឹងសិក្សា ខ្ញុំធ្វើផ្ទាល់ ហើយមួយទៀតខ្ញុំក៏ស្វែងយល់ពីអ្នកចេះជំនាញហ្នឹងមួយទៀត ខ្ញុំក៏ចេះច្រើនដែរ”
តើជំនាញបារីស្តារ គេធ្វើការងារអ្វីខ្លះ ? ការងាររបស់បារីស្តារ គឺជាអ្នកធ្វើកាហ្វេ ព្រមជាមួយភេសជ្ជៈផ្សេងៗទៀត មិនថាជាភេសជ្ជៈដែលគ្មានជាតិអាល់កុល និងភេសជ្ជៈដែលមានជាតិអាល់កុលនោះ។ តាមការបញ្ជាក់របស់ ចាន់កញ្ញា បារីស្តារប្រចាំភោជនីយដ្ឋានមួយ មានតួនាទីក្នុងរៀបចំធ្វើភេសជ្ជៈផ្សេងៗដែលភ្ញៀវត្រូវការ មិនថាកាហ្វេ ភេសជ្ជៈធ្វើពីផ្លែឈើ ឬភេសជ្ជៈផ្សេងៗទៀត ដូចជាស្រាក្រឡុកជាដើម។
តើជំនាញមួយនេះពិបាកសិក្សាដែរឬយ៉ាងណា ?
ឆ្លើយតបនឹងសំណួរខាងលើនេះ ចាន់កញ្ញា និយាយដោយស្នាមញញឹមថា ជំនាញបារីស្តារនេះ វាមិនមានអ្វីពិបាកនៅក្នុងការរៀននោះទេ តែអ្វីដែលសំខាន់នោះ គឺ យើងចង់បានជំនាញនេះ ឬក៏អត់ តែសម្រាប់នាងផ្ទាល់ដែលស្រឡាញ់ជំនាញនេះ នាងគិតថា ជំនាញបារីស្តារ មានភាពងាយស្រួលក្នុងការរៀន ហើយបើនិយាយពីកម្រិតវប្បធម៌ ឬចំណេះដឹងជាមូលដ្ឋានវិញនោះ គឺមិនសូវជាត្រូវការប៉ុន្មានទេ គ្រាន់តែចេះអានអក្សរ និងការចងចាំខ្លះៗប៉ុណ្ណោះ។
-កញ្ញា ឡុង ចាន់កញ្ញា
“សរុបមកវិញ ជំនាញប៉ារីស្តារនេះ អ្នកណាក៏អាចរៀនបានដែរ ឱ្យតែមានចិត្តស្រឡាញ់ ចង់រៀន ចង់មានជំនាញ”
សម្រាប់ទីផ្សារការងារលើជំនាញនេះវិញ កញ្ញា ចាន់កញ្ញា និយាយបានថា វាពិតជាទូលំទូលាយណាស់ ។ នាងបានលើកជាឧទាហរណ៍ថា ប្រសិនបើយើងធ្វើដំណើរតាមផ្លូវក្នុងរាជធានីភ្នំពេញ យើងប្រាកដជាឃើញថា នៅកន្លែងណាក៏មានហាងកាហ្វេដែរ គ្រាន់តែតូច ឬធំប៉ុណ្ណោះ។ ហាងកាហ្វេកើនឡើង ដោយសារតែប្រជាពលរដ្ឋយើងភាគច្រើនហាក់ផ្លាស់ប្តូរទម្លាប់ក្នុងនោះបើនិយាយពីអ្នកធ្វើការវិញ គឺជិត ៨០ភាគរយទៅហើយដែលពួកគាត់ចេះញ៉ាំកាហ្វេ មិនថាពេលព្រឹក ថ្ងៃត្រង់ ហើយអ្នកខ្លះក៏ញ៉ាំពេលរសៀលថែមទៀត។
បើយោងតាមការសិក្សាគេបានរកឃើញថា កាហ្វេបានដើរតួយ៉ាងសំខាន់នៅក្នុងជីវភាពប្រចាំថ្ងៃរបស់មនុស្សនាពេលបច្ចុប្បន្ននេះ។ កាហ្វេត្រូវបានគេចាត់ទុកថា ជាភេសជ្ជៈមួយប្រភេទដែលផ្តល់ថាមពល និងជួយដាស់ស្មារតីឱ្យផ្ដោតអារម្មណ៍ ជាមួយកិច្ចការអ្វីមួយឱ្យបានល្អបំផុត ។ ទន្ទឹមគ្នានេះ កាហ្វេក៏ជាផ្នែកមួយនៅក្នុងការបង្កើតចំណង់មិត្តភាពថ្មីៗ បង្កើតក្ដីស្រឡាញ់ និងបង្កើនភាពស្និតស្នាលឱ្យមានភាពស្អិតរមួតផងដែរ។
យ៉ាងណាក៏ដោយ កញ្ញា ឡុង ចាន់កញ្ញា យល់ឃើញថា យុវជនដែលមិនទាន់មានជំនាញ ហើយពិបាកក្នុងការរកការងារធ្វើ អាចស្វែងរកសាលាដើម្បីរៀនជំនាញបារីស្តារនេះ ហើយបើចេះជំនាញមួយនេះ វានឹងធ្វើឱ្យជីវិតរបស់យើងមានភាពងាយស្រួល ដោយអាចនឹងប្រកបអាជីវកម្មខ្លួនឯងក៏បាន ឬក៏អាចធ្វើការនៅតាមភោជនីយដ្ឋានក៏បាន តែសម្រាប់រូបនាងផ្ទាល់ ទៅថ្ងៃអនាគតខាងមុខនេះ នាងមានក្តីស្រមៃចង់បើកហាងកាហ្វេតូចមួយ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលឆែក ប្រកាសផ្ដល់អាហារូបករណ៍ថ្នាក់អនុបណ្ឌិត និងបណ្ឌិត ដល់និស្សិតកម្ពុជា សម្រាប់ឆ្នាំសិក្សា ២០២៧–២០២៨
ព័ត៌មានអាហារូបករណ៍, ព្រឹត្តិការណ៍
• 25/08/2026
រដ្ឋាភិបាលនៃសាធារណរដ្ឋឆែក បានប្រកាសពីការបើកទទួលពាក្យស្នើសុំអាហារូបករណ៍ជាផ្លូវការសម្រាប់ឆ្នាំសិក្សា ២០២៧–២០២៨ ដល់និស្សិតកម្ពុជាដែលមានបំណងបន្តការសិក្សាថ្នាក់ឧត្តមសិក្សា...
ឆ្នាំសិក្សា២០២៥-២០២៦ វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍១០០% ថ្នាក់បរិញ្ញាបត្ររង ១២០កន្លែង និងថ្នាក់សញ្ញាបត្របច្ចេកទេស ១៤០០កន្លែង
ព័ត៌មានអាហារូបករណ៍, ព្រឹត្តិការណ៍
• 10/09/2025
សម្រាប់ឆ្នាំសិក្សាថ្មី ២០២៥-២០២៦ វិទ្យាស្ថានជាតិវិជ្ជាជីវៈបាត់ដំបង បានប្រកាសជ្រើសរើសសិស្សនិស្សិតឱ្យចូលសិក្សា ដោយផ្តល់អាហារូបករណ៍ ១០០% សម្រាប់ថ្នាក់សញ្ញាបត្រជាន់ខ្ពស់បច្ចេកទេស ឬបរិញ្ញាបត្ររងចំនួន១២០នាក់ ខណៈថ្នាក់សញ្ញាបត្របច្ចេកទេស...
អាហារូបករណ៍ថ្នាក់ឧត្ដមសិក្សាពីកម្មវិធី Malaysia International Scholarship ឆ្នាំ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 11/06/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ Malaysia International Scholarship(MIS)ឆ្នាំ២០២៤-២០២៥.....
អាហារូបករណ៍ថ្នាក់អនុបណ្ឌិត និងបណ្ឌិត ពីកម្មវិធី Australia Awards ប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 19/04/2023
កម្មវិធីអាហារូបករណ៍ «Australia Awards Scholarships Intake 2024» របស់រដ្ឋាភិបាលអូស្រ្តាលី សម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចាប់ផ្តើមដំណើរការចុះឈ្មោះ...
ឱកាសសិក្សាជំនាញកក់សំបុត្រយន្តហោះ ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 17/02/2025
ដើម្បីចូលរួមពង្រឹងគុណភាពសេវាកម្ម និងការអភិវឌ្ឍសមត្ថភាព និងជំនាញថ្មីដល់យុវជន សិស្ស និស្សិត និងអ្នកបម្រើការក្នុងឧស្សាហកម្មទេសចរណ៍ ជាពិសេសជំនាញកក់សំបុត្រយន្តហោះ ក្រសួងទេសចរណ៍ បានប្រកាសដល់អ្នកបម្រើការក្នុងវិស័យ...
ក្រសួងទេសចរណ៍ជ្រើសរើសគ្រូជំនាញសម្រាប់សាលាវិជ្ជាជីវៈទេសចរណ៍ចំនួន១០នាក់ ទៅសិក្សានៅប្រទេសបារាំង
ព័ត៌មានអាហារូបករណ៍, ព្រឹត្តិការណ៍
• 20/02/2024
ក្រសួងទេសចរណ៍ប្រកាសជ្រើសរើសគ្រូបណ្ដុះបណ្ដាលជំនាញសម្រាប់សាលាវិជ្ជាជីវៈទេសចរណ៍ចំនួន១០រូប ដើម្បីចូលរួមវគ្គបណ្ដុះបណ្ដាលគ្រូជំនាញនៅ...
វិទ្យាស្ថានពហុបច្ចេកទេសខេត្តបន្ទាយមានជ័យ ផ្ដល់អាហារូបករណ៍ថ្នាក់សញ្ញាបត្របច្ចេកទេសចំនួន៦០០កន្លែង
ព័ត៌មានអាហារូបករណ៍, ព្រឹត្តិការណ៍
• 06/11/2024
នៅក្នុងឆ្នាំសិក្សា២០២៤-២០២៥ វិទ្យាស្ថានពហុបច្ចេកទេសខេត្តបន្ទាយមានជ័យ បានប្រកាសជ្រើសរើសសិស្ស-និស្សិតចំនួន៦០០នាក់ សម្រាប់ទទួលអាហារូបករណ៍សិក្សាទៅលើមុខជំនាញជាច្រើនដែលកំពុងមានតម្រូវការ...
វិទ្យាស្ថានពហុបច្ចេកទេសភូមិភាគតេជោសែនបាត់ដំបង ផ្តល់អាហារូបករណ៍ ១០០% កម្រិតសញ្ញាបត្រជាន់ខ្ពស់បច្ចេកទេស ចំនួន១០៥កន្លែង
ព័ត៌មានអាហារូបករណ៍, ព្រឹត្តិការណ៍
• 07/10/2025
វិទ្យាស្ថានពហុបច្ចេកទេសភូមិភាគតេជោសែនបាត់ដំបង បានប្រកាសផ្តល់អាហារូបករណ៍ ១០០% សរុបចំនួន ១០៥កន្លែង សម្រាប់ការសិក្សាកម្រិតសញ្ញាបត្រជាន់ខ្ពស់បច្ចេកទេស សិក្សារយៈពេល ២ឆ្នាំដោយឥតគិតថ្លៃ។
គន្លឹះចំនួន៧ ក្នុងការសម្ភាសន៍បានជោគជ័យសម្រាប់អាហារូបករណ៍ Chevening
ព័ត៌មានអាហារូបករណ៍, ព្រឹត្តិការណ៍
• 15/08/2025
ដំណាក់កាលនីមួយៗនៃការដាក់ពាក្យអាហារូបករណ៍ Chevening ជាការសន្សំពិន្ទុដើម្បីឱ្យខ្លួនឯងមានអាទិភាពជាប់ជាបេក្ខភាពអាហារូបករណ៍ ជាពិសេសនៅក្នុងវគ្គសម្ភាសន៍។ ខាងក្រោមនេះ ជាគន្លឹះចំនួន៧ដែលអាចជួយឱ្យបេក្ខជន បេក្ខនារី...
កម្មវិធីពិសេសរបស់ AMS EDUCATION
ព័ត៌មានសង្ខេប
