ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – លោក មឿន ឈានណារិទ្ធ ជាអ្នកសារព័ត៌មាន និងជាគ្រូបង្រៀនផ្នែកសារព័ត៌មាននៅសាកលវិទ្យាល័យកម្ពុជា ជាអ្នកសារព័ត៌មានម្នាក់ក្នុងចំណោមអ្នកសារព័ត៌មាន ១៤នាក់ដែលក្រសួងព័ត៌មាន បានជ្រើសរើសផ្តល់ពានរង្វាន់លើកទឹកចិត្តអ្នកសារព័ត៌មានប្រាំសម័យកាល ចាប់ពីទសវត្សរ៍៧០ រហូតដល់ទស្សវត្សឆ្នាំ២០១០ ។ អ្នកសារព័ត៌មានអាជីពរូបនេះ បានចាត់ទុកការផ្ទេរចំណេះដឹងដល់អ្នកសារព័ត៌មានជានិមិត្តរូបជីវិតដែលលោកកំពុងបំពេញក្នុងបុព្វហេតុសារព័ត៌មាន ។
មានប្រសាសន៍ក្នុងនាមជាគ្រូបង្រៀនផ្នែកសារព័ត៌មាន លោក មឿន ឈានណារិទ្ធ បានឱ្យដឹងថា រយៈពេល ៣០ឆ្នាំក្នុងអាជីពព័ត៌មាន លោកបានផ្ទេរចំណេះដឹងសិស្សសារព័ត៌មានចន្លោះពី ២ពាន់នាក់ ទៅ ៣ពាន់នាក់ ។ ការផ្តល់ចំណេះដឹងទាំងនោះ ផ្តោតទៅលើចំណេះដឹងមូលដ្ឋានគ្រឹះសារព័ត៌មាន ក្រមសីលធម៌និងវិជ្ជាជីវៈសារព័ត៌មាន ការផលិតអត្ថបទស៊ីជម្រៅ និងអត្ថបទស្សនៈសារព័ត៌មានជាដើម ។
លោក មឿន ឈានណារិទ្ធ បានឱ្យដឹងទៀតថា ការផ្ទេរចំណេះដឹងដល់អ្នកសារព័ត៌មាន អាចចូលរួមចំណែកអភិវឌ្ឍសមត្ថភាពអ្នកសារព័ត៌មាននៅកម្ពុជាឱ្យក្លាយខ្លួនជាអ្នកសារព័ត៌មានឆ្នើម ព្រមទាំងមានក្រមសីលធម៌និងវិជ្ជាជីវៈក្នុងពេលបំពេញការងារ ។
លោក មឿន ឈានណារិទ្ធ
“ខ្ញុំគិតថារយៈពេល ៣០ឆ្នាំនៃការបំពេញវិជ្ជាជីវៈផ្នែកសារព័ត៌មាននេះ គឺជាបទពិសោធន៍ដ៏យូរអង្វែង ខ្ញុំពេញចិត្តនឹងបទពិសោធន៍របស់ខ្ញុំ ហើយជាពិសេស ខ្ញុំពិតសប្បាយចិត្តដែលបានទទួលពានរង្វាន់ លើកទឹកចិត្តអ្នកសារព័ត៌មានប្រាំសម័យកាល ចាប់ពីទសវត្សរ៍៧០ រហូតដល់ទស្សវត្សឆ្នាំ២០១០”
លោក មឿន ឈានណារិទ្ធ មានប្រសាសន៍បន្តថា មូលហេតុដែលលោកចាប់អាជីពជាអ្នកសារព័ត៌មាន ដោយសារការងារនេះលោកអាចរៀនសូត្រចំណេះដឹងថ្មីពីមនុស្សជាច្រើន រៀនពីបទពិសោធន៍អ្នកមានចំណេះដឹង ជាពិសេសចង់ជួយដល់ប្រជាពលរដ្ឋឱ្យបានដឹងពីចំណេះដឹងថ្មីៗ អំពីបញ្ហាសង្គម ផ្តល់ដំណឹងដល់សាធារណជន ពីព្រោះព័ត៌មានអាចជួយឱ្យប្រជាពលរដ្ឋសម្រេចចិត្តក្នុងជីវិតប្រចាំថ្ងៃឱ្យកាន់តែប្រសើរ ។ លោកបន្តថា អាជីពជាអ្នកសារព័ត៌មានអាចទៅតំបន់ផ្សេងៗជាច្រើន ជុំវិញពិភពលោក អាចជួបមនុស្សថ្មីៗពីមនុស្សសាមញ្ញ រហូតដល់ថ្នាក់ដឹកនាំធំៗ។
លោក មឿន ឈានណារិទ្ធ
“ខ្ញុំពេញចិត្តនឹងអាជីពជាអ្នកសារព័ត៌មាន អាចមានឱកាសធ្វើដំណើរទៅក្រៅប្រទេស ហើយដើម្បីមានឱកាសបែបនេះបានលុះត្រាតែយើងអនុវត្តអាជីពវិជ្ជាជីវៈអ្នកសារព័ត៌មានឱ្យបានល្អប្រសើរស្របតាមក្រមសីលធម៌វិជ្ជាជីវៈ ជាពិសេស អភិវឌ្ឍចំណេះដឹងភាសាអង់គ្លេសរបស់ខ្លួនយើងឱ្យខ្លាំង”
អ្នកសារព័ត៌មានសារព័ត៌មាឆ្នើមទស្សវត្សរ៍ឆ្នាំ៩០ រូបនេះ បានចែករំលែកបទពិសោធន៍បន្តថា គ្រូបណ្ដុះបណ្ដាលសារព័ត៌មានបានល្អ ទាល់តែមានសមត្ថភាពបំពេញការងារផ្នែកសារព័ត៌មានទន្ទឹមគ្នា មានបទពិសោធន៍ការងារជាក់ស្ដែង ដើម្បីពន្យល់ដល់សិក្ខាកាម និងអ្នកសារព័ត៌មានដទៃទៀតអំពីបច្ចេកទេសយកព័ត៌មាន និងរបៀបជម្នះឧបសគ្គផ្សេងៗ។
ទន្ទឹមគ្នានេះដែរ លោក មឿន ឈានណារិទ្ធ បញ្ជាក់បន្ថែមថា ដំបូងឡើយបញ្ហាប្រឈមរបស់លោកក្នុងការចាប់យកអាជីពជាអ្នកសារព័ត៌មាន ទី១. ផ្នែកហិរញ្ញវត្ថុ ទី២. ការបដិសេធការសម្ភាសន៍ និងទី៣. មធ្យោបាយយកព័ត៌មាននៅពេលនោះនៅមានភាពខ្វះខាត ដោយសារសេវាទូរស័ព្ទថ្លៃ តម្រូវឱ្យធ្វើដំណើរទៅជួបសម្ភាសន៍ផ្ទាល់។
លោក មឿន ឈានណារិទ្ធ
“ចាប់យកអាជីពជាអ្នកសារព័ត៌មាន យើងមិនរំពឹងថានឹងអាចក្លាយជាអ្នកមាននោះទេ អ្នកសារព័ត៌មានគ្រាន់តែជួយឱ្យយើងអាចប្រកបរបរវិជ្ជាជីវៈ សម្រាប់ចិញ្ជឹមជីវិតដោយសេចក្ដីថ្លៃថ្នូរ”
សូមជម្រាបថា លោក មឿន ឈានណារិទ្ធ បានទទួលពានរង្វាន់លើកទឹកចិត្តអ្នកសារព័ត៌មានប្រាំសម័យកាល ចាប់ពីទសវត្សរ៍៧០ រហូតដល់ទស្សវត្សឆ្នាំ២០១០ កាលពីថ្ងៃទី២៤ ខែមីនា ឆ្នាំ ២០២២។ ពិធីប្រគល់ពានរង្វាន់លើកទឹកចិត្តអ្នកសារព័ត៌មានប្រាំសម័យកាលនេះ ជាគំនិតផ្ដួចផ្ដើមរបស់ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន គោលបំណងទឹកចិត្តក្នុងកិច្ចខិតខំប្រឹងប្រែងលើការផ្សព្វផ្សាយព័ត៌មាន និងលើកកម្ពស់វិស័យសារព័ត៌មាននៅក្នុងប្រទេសកម្ពុជា។
ក្រៅពីជាអ្នកសារព័ត៌មានអាជីពលោក មឿន ឈានណារិទ្ធ មានតួនាទីជានាយកវិទ្យាស្ថានកម្ពុជាសម្រាប់ការសិក្សាផ្នែកសារព័ត៌មាន ក្រុមប្រឹក្សាភិបាលនៃស្ថាប័នផ្សេងៗ ទីប្រឹក្សារបស់ក្រសួងព័ត៌មាន និងជាសមាជិកគណៈកម្មការតាមដាន វាយតម្លៃក្រមសីលធម៌វិជ្ជាជីវៈរបស់អ្នកសារព័ត៌មានផងដែរ។
ក្នុងនាមជាគ្រូបង្រៀនសារព័ត៌មាន លោក មឿន ឈានណារិទ្ធ មានប្រសាសន៍លើកទឹកចិត្តដល់អ្នកសារព័ត៌មានទាំងអស់ ត្រវខិតខំបំពេញការងារឱ្យបានល្អប្រសើរ ដើម្បីចែករំលែកចំណេះដឹង និងព័ត៌មានជូនដល់សាធារណៈជន។ ជាពិសេសលោកលើកទឹកចិត្តដល់អ្នកសារព័ត៌មានអនឡាញដែលទើបតែបង្កើតថ្មីៗ គួរព្យាយាមអភិវឌ្ឍខ្លួនឯងដោយស្វែងរកវគ្គបណ្ដុះបណ្ដាលជំនាញ និងវិជ្ជាជីវៈសារព័ត៌មាន ដើម្បីជួយការបំពេញការងារកាន់តែមានប្រសិទ្ធភាព និងស្របតាមក្រមសីលធម៌វិជ្ជាជីវៈ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វគ្គបណ្តុះបណ្តាលខ្លីតាមប្រព័ន្ធអនឡាញ “Good Governance” របស់ប្រទេសនូវែលសេឡង់ ដល់មន្រ្តីកម្ពុជា ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 22/12/2025
រដ្ឋាភិបាលនូវែលសេឡង់ នឹងរៀបចំវគ្គបណ្តុះបណ្តាលរយៈពេលខ្លី ក្រោមប្រធានបទ "Good Governance" តាមប្រព័ន្ធអនឡាញ រយៈពេលសិក្សាចាប់ពីថ្ងៃទី១ ដល់ថ្ងៃទី៣០ ខែមេសា ឆ្នាំ២០២៦ ដល់មន្រ្តីរាជការកម្ពុជា។
អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ចំនួន២០កន្លែងសម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 29/09/2025
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន២០កន្លែង នៅវិទ្យាស្ថានជាតិកសិកម្មព្រែកលៀបសម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាក្រោមកម្មវិធីអាហារូបករណ៍អភិសន្តិបណ្ឌិត ស សុខា ពីការគាំទ្ររបស់ឯកឧត្ដមអភិសន្តិបណ្ឌិត...
អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ជំនាញវិស្វកម្មនុយក្លេអ៊ែរពីរដ្ឋាភិបាលចិន
ព័ត៌មានអាហារូបករណ៍, ព្រឹត្តិការណ៍
• 25/04/2025
កម្មវិធីអាហារូបករណ៍រដ្ឋាភិបាលចិនប្រភេទ B ឬ CSC Type B បើកជ្រើសរើស សិស្ស និស្សិតសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យវិស្វកម្ម Habin សម្រាប់ឆ្នាំសិក្សា២០២៥។ អាហារូបករណ៍ផ្តល់ជូន សិស្ស...
អតីតពលករវិលត្រឡប់មកពីប្រទេសថៃ, វិទ្យាស្ថានពហុបច្ចេកទេសភូមិភាគតេជោសែនសៀមរាប ផ្តល់អាហារូបករណ៍ជិត៣ពាន់កន្លែង សិក្សាជំនាញឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 12/05/2026
ជាឱកាសសម្រាប់បងប្អូនអតីតពលករវិលត្រឡប់មកពីប្រទេសថៃ ពេលនេះវិទ្យាស្ថានពហុបច្ចេកទេសភូមិភាគតេជោសែនសៀមរាប ដែលជាគ្រឹះស្ថានសាធារណៈស្ថិតនៅក្រោមក្រសួងការងារ និងបណ្តុះបណ្តាលវិជ្ជាជីវៈ...
អាហារូបករណ៍ថ្នាក់បរិញ្ញាបត្រជាន់ខ្ពស់សិក្សានៅសាកលវិទ្យាល័យ Khon Kaen ប្រទេសថៃ ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 06/12/2023
ស្ថានទូតនៃព្រះរាជាណាចក្រកម្ពុជា ប្រចាំព្រះរាជាណាចក្រថៃឡង់ដ៍ ប្រកាសដល់និស្សិត និងសាធារណជនថា សាកលវិទ្យាល័យ Khon Kaen នៃព្រះរាជាណាចក្រថៃឡង់ដ៍ កំពុងធ្វើការជ្រើសរើសនិស្សិតអាហារូបករណ៍...
អាហារូបករណ៍សិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តព្រៃវែង ចំនួន៤២០កន្លែង
ព័ត៌មានអាហារូបករណ៍, ព្រឹត្តិការណ៍
• 07/03/2024
ឱកាសអាហារូបករណ៍សិក្សាជំនាញវិជ្ជាជីវៈចំនួន៤២០កន្លែងនៅវិទ្យាស្ថានពហុបច្ចេកទេសខេត្តព្រៃវែង សម្រាប់ជំហានទី២។ វិទ្យាស្ថានផ្ដល់ជូនវគ្គសិក្សាដល់យុវជន យុវនារីដែលមកពីគ្រួសារក្រីក្រ គ្រួសារ...
ឱកាសសិក្សាអាហារូបករណ៍ចំនួន២០កន្លែងនៅសាកលវិទ្យាល័យក្រចេះឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 07/11/2024
ឱកាសទទួលបានការសិក្សាថ្នាក់បរិញ្ញាបត្រចំនួន២០កន្លែងនៅសាកលវិទ្យាល័យក្រចេះ សម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាពីគម្រោង...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Prince of Songkla ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 29/04/2025
មហាវិទ្យាល័យវិទ្យាសាស្ត្រ នៃសាកលវិទ្យាល័យ Prince of Songkla ប្រកាសជ្រើសរើសនិស្សិតនិស្សិតបរទេសក្នុងការសិក្សាតាមរយៈអាហារូបករណ៍ថ្នាក់ឧត្ដមសិក្សាឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...
ឱកាសសិក្សាអាហារូបករណ៍ជំនាញវិជ្ជាជីវៈនៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី
ព័ត៌មានអាហារូបករណ៍, ព្រឹត្តិការណ៍
• 19/11/2024
មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរីប្រកាសផ្ដល់អាហារូបករណ៍សិក្សាជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន២៤០កន្លែង។
កម្មវិធីពិសេសរបស់ AMS EDUCATION
ព័ត៌មានសង្ខេប
