ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសភូមិភាគតេជោសែនសៀមរាបប្រកាសជ្រើសរើសសិស្សានុសិស្សឱ្យចូលសិក្សាជំនាញវិជ្ជាជីវៈ ចំនួន ១៧៥០កន្លែងសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនសម្រាប់ការសិក្សា សញ្ញាបត្រជាន់ខ្ពស់បច្ចេកទេស និងសញ្ញាបត្របច្ចេកទេស និងវិជ្ជាជីវៈ១។
ជំនាញដែលអាហារូបករណ៍ផ្ដល់ជូនសម្រាប់ការសិក្សាសញ្ញាបត្រជាន់ខ្ពស់បច្ចេកទេស ៖ ជំនាញវិស្វកម្មអគ្គិសនី៩០កន្លែង, ជំនាញវិស្វកម្មសំណង់ស៊ីវិល៩០កន្លែង ជំនាញសេវាកម្មបរិក្ខាត្រជាក់៨០កន្លែង, ជំនាញវិទ្យាសាស្ត្រកុំព្យូទ័រ១៦០កន្លែង, ជំនាញភាសាអង់គ្លេសសម្រាប់អាជីវកម្ម២០កន្លែង, ជំនាញទេសចរណ៍ និងបដិសណ្ឋារកិច្ច ២០កន្លែង, ជំនាញទីផ្សារ២៥កន្លែង, ជំនាញគណនេយ្យ និងហិរញ្ញវត្ថុ ២៥កន្លែង, ជំនាញផលិតកម្ម និងបសុព្យាបាល ២០កន្លែង និង ជំនាញក្សេត្រសាស្ត្រ ២០កន្លែង។ ដោយឡែកសម្រាប់ការសិក្សាសញ្ញាបត្របច្ចេកទេស និងវិជ្ជាជីវៈ១ រួមមាន ជំនាញដំឡើងបណ្ដាញអគ្គិសនី ២១០កន្លែង, ជំនាញដំឡើង និងថែទាំកាមេរ៉ាសុវត្ថិភាព ៦០កន្លែង, ជំនាញដំឡើងបណ្ដាញបំពង់ទឹក ៣០កន្លែង, ជំនាញសេវាកម្មបរិក្ខាត្រជាក់ក្នុងគេហដ្ឋាន ២១០កន្លែង, ជំនាញសេវាកម្មសម្អាងកាយ ៩០កន្លែង, ជំនាញកាត់សក់បុរស ៦០កន្លែង, ជំនាញធ្វើម្ហូបខ្មែរ ៩០កន្លែង, ជំនាញការរចនាក្រាហ្វិកដោយកុំព្យូទ័រ ១៨០កន្លែង, ជំនាញសេវាកម្មកុំព្យូទ័រ ៦០កន្លែង, ជំនាញដំឡើង និងថែទាំបណ្ដាញកុំព្យូទ័រ ៩០កន្លែង, ជំនាញធុរៈកិច្ចភេសជ្ជៈ ៦០កន្លែង និងជំនាញសេវាកម្មម្ហូបអាហារ និងភេសជ្ជៈ ៦០កន្លែង។
លក្ខខណ្ឌនៃការចុះឈ្មោះចូលរៀន ៖ បេក្ខជនទាំងអស់ជាយុវជន-យុវនារីដែលមកពីគ្រួសារក្រីក្រ និងគ្រួសារងាយរងហានិភ័យ, មានអត្តសញ្ញាណប័ណ្ណសញ្ជាតិខ្មែរ ឬសំបុត្រកំណើត មានបណ្ណសមធម៌ក្រ១ ក្រ២ ឬបណ្ណសម្គាល់ពិការភាព ជាបេក្ខជនមកពីគ្រួសារដែលមានសមាជិកមាន “បណ្ណមូលនិធិសមធម៌សុខាភិបាល” ពណ៌លឿង ឬជាបេក្ខជនដែលបានឧទ្ទេសនាមដោយ “រដ្ឋបាលរាជធានីខេត្ត ក្រុង ស្រុក ខណ្ឌ” និងមានអាយុចាប់ពី១៥ឆ្នាំ ដល់៤៥ឆ្នាំ។
បេក្ខជនអាហារូបករណ៍នឹងទទួលបានការសិក្សាដោយឥតគិតថ្លៃ ទទួលបានប្រាក់ឧបត្ថម្ភប្រចាំខែចំនួន២៨ម៉ឺនរៀលក្នុង១ខែ (រយៈពេល៤ខែ) ផ្ដល់ប្រឹក្សាយោបល់ពីការជ្រើសរើសជំនាញ និងទីផ្សារការងារ មានឱកាសចុះកម្មសិក្សានៅតាមសហគ្រាសគ្រឹះស្ថានឧស្សាហកម្ម និងក្រុមហ៊ុនឯកជន។ ជាមួយគ្នានេះ ក្រោយបញ្ចប់ការសិក្សាបេក្ខជននឹងទទួលបានសញ្ញាបត្របច្ចេកទេស និងវិជ្ជាជីវៈ១ (C1) និងឱកាសបន្តការសិក្សា និងមានជំនាញមួយពិតប្រាកដដែលមានតម្រូវការទីផ្សារ និងឱកាសការងារធ្វើសមរម្យ និងចំណូលសមរម្យទៀងទាត់។បេក្ខជនដែលមានចំណាប់អារម្មណ៍ក្នុងការដាក់ពាក្យ អាចចុះឈ្មោះតាមរយៈ www.tvet.gov.kh ។
សម្រាប់ព័ត៌មានបន្ថែមអំពីអាហារូបករណ៍អាចទំនាក់ទំនងទៅកាន់ ០៨៩ ៤៨ ៣៦ ២៣ / ០៩៧ ៧០០ ៧៧ ៩៤ ។ ជាមួយគ្នានេះបេក្ខជនអាចទៅកាន់គ្រឹះស្ថានសិក្សាផ្ទាល់ដែលមានអាសយដ្ឋាន ភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប៕
