ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍រដ្ឋាភិបាលប៊ែលហ្សិក ប្រកាសជ្រើសរើសនិស្សិតអន្តរជាតិសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងវគ្គបណ្ដុះបណ្ដាលផ្សេងៗ នៅសាកលវិទ្យាល័យជាច្រើនក្នុងប្រទេសប៊ែលហ្សិកសម្រាប់ឆ្នាំសិក្សា២០២៥-២០២៦។
លក្ខខណ្ឌនៃការជ្រើសរើស ៖ ជានិស្សិតអន្តរជាតិមកពីគ្រប់សញ្ជាតិសាសន៍ (ករណីពិសេសសម្រាប់ប្រជាជនមកពីប្រទេសដែលកំពុងអភិវឌ្ឍន៍), ជាបេក្ខជនដែលបានបញ្ចប់ការសិក្សាថ្នាក់វិទ្យាល័យ សម្រាប់បេក្ខជនស្នើថ្នាក់បរិញ្ញាបត្រ និងជាបេក្ខជនបានបញ្ចប់ថ្នាក់បរិញ្ញាបត្រសម្រាប់ការស្នើថ្នាក់បរិញ្ញាបត្រជាន់ខ្ពស់។ បេក្ខជនត្រូវមានជំនាញភាសា ទៅតាមកម្មវិធីសិក្សាដូចជា ភាសាបារាំង ហូឡង់ ឬអង់គ្លេស ។ ជាមួយគ្នានេះ បេក្ខជនត្រូវបង្ហាញពីការលើកទឹកចិត្ត និងស្មារតីក្នុងការរួមចំណែកដល់ការអភិវឌ្ឍន៍ប្រទេសកំណើតក្រោយបញ្ចប់ការសិក្សា។
ឯកសារចាំបាច់ដែលបេក្ខជន ត្រូវភ្ជាប់សម្រាប់អាហារូបករណ៍រួមមាន ៖ ប្រតិចារិកសិក្សា និងសញ្ញាបត្រ (ដែលបញ្ជាក់ខាងលើ), លិខិតលើកទឹកចិត្តដែលនិយាយពីគោលដៅ និងមូលហេតុដែលបេក្ខជនជ្រើសរើសអាហារូបករណ៍, ប្រវត្តិរូបបេក្ខជន (មានភ្ជាប់បទពិសោធន៍ការងារ ឬការងារស្ម័គ្រចិត្ត) វិញ្ញាបនបត្របញ្ជាក់ភាសា និង លិខិតអនុសាសន៍ចំនួន២ ពីគ្រូ ឬអ្នកជំនាញក្នុងវិស័យរបស់បេក្ខជន។
ដើម្បីធ្វើការដាក់ពាក្យ បេក្ខជន បេក្ខនារី អាចចូលទៅជ្រើសរើសមុខវិជ្ជាសិក្សាថ្នាក់បរិញ្ញាបត្រ ឬបរិញ្ញាបត្រជាន់ខ្ពស់តាមរយៈគេហទំព័រ https://form.ares-ac.be/international_trainings_2025_2026#no-back ។ សម្រាប់ព័ត៌មានលម្អិត បេក្ខជន បេក្ខនារី អាចចូលទៅកាន់តំណភ្ជាប់ https://gdacy.com/belgium-government-ares-scholarship/ ។
ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី១៥ ខែតុលា ឆ្នាំ២០២៥៕
