ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធី Konrad Adenauer Stiftung ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់សិក្សានៅប្រទេសអាល្លឺម៉ង់សម្រាប់ឆ្នាំសិក្សា២០២៣ ។ អាហារូបករណ៍ផ្ដល់ឱកាសសិក្សានៅសាកលវិទ្យាល័យផ្សេងៗជាច្រើននៅក្នុងប្រទេសអាល្លឺម៉ង់ ។
ជំនាញដែលអាហារូបរកណ៍ផ្ដល់ឱ្យមាន វិទ្យាសាស្រ្តសង្គម, សេដ្ឋកិច្ចសង្គម, ប្រវត្តិសាស្ត្រ, សារព័ត៌មាន ឬជំនាញពាក់ព័ន្ធផ្សេងទៀត ។ បេក្ខជនដែលទទួលបានអាហារូបករណ៍នឹងទទួលបានការគាំទ្រដូចជា ប្រាក់ចំណាយប្រចាំខែ ការចំណាយលើការសិក្សា កន្លែងស្នាក់នៅ ការធានារ៉ាប់រងសុខភាព ឱកាសសិក្សានិងរស់នៅប្រទេសអាល្លឺម៉ង់ ។
លក្ខខណ្ឌដែលបេក្ខជនអាចស្នើពាក្យអាហារូបករណ៍បានរួមមាន គ្រប់សញ្ជាតិសាសន៍ បានបញ្ចប់ថ្នាក់បរិញ្ញាបត្រ ជាបុគ្គលដែលមានសុខភាពល្អ, មានចំណេះដឹងផ្នែកនយោបាយនិងសង្គម, ធ្លាប់បានចូលរួមវគ្គបណ្ដុះបណ្ដាលទាក់ទងទៅនឹងជំនាញដែលផ្តល់ឱ្យខាងលើ មានប្រវត្តិការសិក្សាល្អ និងមានអាយុមិនលើស៣៥ឆ្នាំ ។
បេក្ខជនដែលចាប់អារម្មណ៍ក្នុងការដាក់ពាក្យត្រូវភ្ជាប់ជាមួយឯកសារចាំបាច់មួយចំនួនដូចជា រូបថតទំហំលិខិតឆ្លងដែនចំនួនពីរ, លិខិតឆ្លងដែនមានសុពលភាព, លិខិតបញ្ជាក់សុខភាព, ប្រវត្តិរូបសង្ខេប, លិខិតលើកទឹកចិត្ត(រួមបញ្ចូលការពិពណ៌នាអំពីកម្មវិធីសិក្សាដែលមានបំណង ខ្លឹមសារ គោលបំណង និងហេតុផលសម្រាប់ការជ្រើសរើសកម្មវិធីនេះ) ធ្លាប់មានសកម្មភាពចូលរួមរបស់ Konrad-Adenauer-Foundation ។
លើសពីនេះ ត្រូវមានច្បាប់ចម្លងនៃសញ្ញាបត្រមធ្យមសិក្សា និងសញ្ញាបត្របរិញ្ញាបត្រ, លិខិតណែនាំពីរច្បាប់(ពីលោកគ្រូ អ្នកគ្រូ ឬសាស្ត្រាចារ្យ) សំបុត្រចូលរៀនពីសាកលវិទ្យាល័យអាល្លឺម៉ង់, សញ្ញាបត្រប្រតិចារិក និងសំណេរក្នុងការឆ្លុះបញ្ចាំងអំពីគម្រោងការងាររបស់បេក្ខជន និងចេះប្រើប្រាស់ភាសាអង់គ្លេស ឬភាសាអាល្លឺម៉ង់បានល្អ ។
សម្រាប់ព័ត៌មានលម្អិតអាចចូលទៅកាន់ https://tinyurl.com/2bsjzj5x ។ ផុតកំណត់ទទួលពាក្យពីថ្ងៃទី០១ ខែកក្កដា ឆ្នាំ២០២៣ ៕
