ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Western Australia សម្រាប់ឆ្នាំសិក្សា២០២៥-២០២៦។ អាហារូបករណ៍សិក្សាជាប្រភេទអាហារូបករណ៍ ពេញលេញសម្រាប់និស្សិតអន្តរជាតិ ដែលជាបេក្ខជនជ័យលាភីអាហារូបករណ៍។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។
លក្ខខណ្ឌបេក្ខជន ៖ ជាបេក្ខជនមកពីគ្រប់សញ្ជាតិសាសន៍ មានជំនាញភាសាអង់គ្លេស និងមានសញ្ញាបត្របញ្ជាក់ភាសា (IELTS, TOEFL) សម្រាប់កម្មវីធីមួយចំនួនត្រូវការកម្មវិធីបញ្ជាក់ការសិក្សា ឬចូលរួមដូចជាថ្នាក់បណ្ឌិតជាដើម។ បេក្ខជនដែលស្នើពាក្យថ្នាក់បរិញ្ញាបត្រ ត្រូវបញ្ចប់ថ្នាក់មធ្យមសិក្សាទុតិយភូមិ សម្រាប់បេក្ខជនស្នើថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្រថ្នាក់បរិញ្ញាបត្រ សម្រាប់បេក្ខជនស្នើពាក្យថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រជានខ្ពស់ ឬមានតម្លៃស្មើ។
បេក្ខជនត្រូវភ្ជាប់ឯកសារចាំបាច់រួមមាន ច្បាប់ចម្លង នៃប្រតិចារិកសិក្សា, សញ្ញាបត្របញ្ជាក់ភាសាអង់គ្លេស TOEFL ឬ IELTS, ប្រវត្តិរូបសង្ខេប (បង្ហាញពីបទពិសោធន៍សិក្សា និងវិជ្ជាជីវៈរបស់បេក្ខជន), សេចក្ដីថ្លែងការណ៍ (និយាយពីគោលបំណង និងមូលហេតុដែលចង់ទៅសិក្សានៅ UWA), សំណើរស្រាវជ្រាវសម្រាប់ថ្នាក់បណ្ឌិត និងឯកសារយោង ឬលិខិតអនុសាសន៍ចំនួន២ច្បាប់។
បេក្ខជនជ័យលាភី នឹងទទួលបានការគាំទ្រពីភាគីអាហារូបករណ៍ដូចជា ៖ ថ្លៃសិក្សាពេញលេញ, កន្លែងស្នាក់នៅ, ការចំណាយលើការរស់នៅ និងថ្លៃធ្វើដំណើរ។ លើសពីនេះ បេក្ខជនទទួលបានឱកាសតម្រង់ទិស សេវាកម្មប្រឹក្សា ការទំនាក់ទំនងជាមួយនិស្សិតអន្តរជាតិទាំងក្នុងការរស់នៅ និងសិក្សា។
បេក្ខជនដែលមានចំណាប់អារម្មណ៍ក្នុងការដាក់ពាក្យ អាចចូលទៅកាន់ https://www.uwa.edu.au/study/GLOBAL-EXCELLENCE-SCHOLARSHIP ។
ចាប់ទទួលពាក្យពីថ្ងៃផ្សាយដំណឹងនេះ ហើយសម្រាប់ថ្ងៃផុតកំណត់នៃការទទួលពាក្យនឹងមានភាពប្រែប្រួលទៅតាមជំនាញ៕
