ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសភូមិភាគឦសាន បានប្រកាសជ្រើសរើសយុវជនចំនួន២៤០នាក់ ចូលរៀនជំនាញបច្ចេកទេស និងវិជ្ជាជីវៈ ១ សិក្សាក្នុងរយៈពេល៤ខែ ក្នុងកម្មវិធី១.៥លាននាក់ ។
ជំនាញដែលត្រូវផ្តល់ជូនរួមមាន ៖ ការដំឡើងបណ្តាញអគ្គិសនីក្នុងអគារ (៣០នាក់), សេវាកម្មបរិក្ខាត្រជាក់ក្នុងគេហដ្ឋាន (៣០នាក់), ការផ្សារអគ្គិសនី (៣០នាក់), ការងារកំបោរ (៣០នាក់), សេវាកម្មកុំព្យូទ័រ (៣០នាក់), ការថែទាំ និងជួសជុលរថយន្ត (៣០នាក់), សេវាកម្មសម្អាងកាយ (៣០នាក់) និងជំនាញថែទាំ ជួសជុលទោចក្រយានយន្ត (៣០នាក់)។
លក្ខខណ្ឌនៃការចុះឈ្មោះ ៖ យុវជនមកពីគ្រួសារក្រីក្រ និងយុវជនមកពីគ្រួសារងាយរងហានិភ័យ (ទទួលបានប្រាក់ឧបត្ថម្ភចំនួន ២៨ម៉ឺនរៀល), យុវជនមកពីគ្រួសារដែលសមាជិក មានប័ណ្ណសម្គាល់មានពិការភាព បណ្ណសមធម៌សុខាភិបាល និងបណ្ណ ប.ស.ស ពណ៌លឿង, យុវជនដែលឧទ្ទេសនាមដោយ រដ្ឋបាលរាជធានី ខេត្ត ក្រុង ស្រុក ខណ្ឌ ឃុំ សង្កាត់។
ការទទួលពាក្យចាប់ពីថ្ងៃផ្សាយដំណឹងនេះតទៅ ។ សម្រាប់ព័ត៌មានបន្ថែមសូមទំនាក់ទំនងទៅកាន់វិទ្យាស្ថានដែលមានអាសយដ្ឋាន ភូមិអូរឬស្សី២ សង្កាត់អូឬស្សី ក្រុងក្រចេះ ខេត្តក្រចេះ ឬតាមលេខទូរស័ព្ទ 088 389 9991 / 097 752 3346៕
