ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជីវិតជានិស្សិតសាកលវិទ្យាល័យមិនមែនជារឿងងាយស្រួលឡើយសម្រាប់និស្សិតដែលមិនសូវមានជីវភាពធូរធារ ហើយត្រូវឡើងមកបន្តការសិក្សានៅទីក្រុង។ ដូច្នេះការចេះសន្សំសំចៃថវិកា និងមានចំណេះដឹងក្នុងការចាយវាយប្រចាំថ្ងៃគឺជារឿងចាំបាច់ និងសំខាន់។
ខាងក្រោមនេះ ជាគន្លឹះមួយចំនួនដែលជួយនិស្សិតសាកលវិទ្យាល័យអាចសន្សំចំចៃថវិកា ៖
ទី១. គ្រប់គ្រងកញ្ចប់ថវិកា៖ ការសិក្សានៅសាកលវិទ្យាល័យនិស្សិតត្រូវដឹងអំពីកញ្ចប់ថវិកាចាំខែដែលខ្លួនមាន, ទន្ទឹមគ្នានេះ អ្នកអាចគ្រប់គ្រង ឬកំណត់ថវិកាទាំងនោះទៅតាមខ្ទង់ចំណាយសំខាន់ៗប្រចាំថៃ្ង។ ត្រូវចាំថា រាល់ការចំណាយទាល់តែជាតម្រូវការ មិនមែនគ្រាន់តែជាការចង់បាននោះទេ។
ទី២. ប្រើប្រាស់កម្មវិធីកត់ត្រាចំណាយ (App)៖ ការប្រើប្រាស់កម្មវិធីកត់ត្រាចំណាយ អាចជួយឱ្យអ្នកដឹងច្បាស់អំពីប្រភពចំណាយ។ ទន្ទឹមគ្នានេះ អ្នកអាចគណនារាល់ការចំណាយទាំងអស់ ។ ប្រសិនរកឃើញថា ក្នុងខែណាមួយមានការចំណាយច្រើន អ្នកក៏អាចចាប់ផ្ដើមកាត់បន្ថយលើការចំណាយនៅខែបន្ទាប់ចំពោះអ្វីដែលមិនចាំបាច់។
ទី៣. ទិញទំនិញនៅផ្សារដែលមានតម្លៃទាប ៖ ការជ្រើសរើសទិញទំនិញដោយភាពវៃឆ្លាត គឺអ្នកអាចទៅទិញនៅផ្សារណាដែលមានតម្លៃទាប ប៉ុន្តែគុណភាពល្អដដែល។ ទន្ទឹមគ្នានេះ ការចេះធ្វើម្ហូបដោយខ្លួនឯង ជាការល្អដែលជួយសន្សំសំចៃថវិកា និងមិនចំណាយទីញអាហារស្រាប់រាល់ថ្ងៃ ប៉ុន្តែមិនសូវមានសុវត្ថិភាព។ លើសពីនេះ អ្នកអាចទិញទំនិញ ក្នុងឱកាសមានការបញ្ជុះតម្លៃសម្រាប់និស្សិតក៏ជាការល្អប្រសើរ។
ទី៤. ទិញសៀវភៅមួយទឹក (Second Hand)៖ ការទិញសៀវភៅមួយទឹក ក៏អាចជួយកាត់បន្ថយការចំណាយរបស់និស្សិតបាន ៥០%ទៅ៧០% ដែលអាចផ្ដល់ទាំងចំណេះដឹង ហើយចំណាយតិច។ ទន្ទឹមគ្នានេះ អ្នកអាចជ្រើសរើសទិញសៀវភៅនៅលើអនឡាញ ឬជាប្រភេទ E-Book រាល់ពេលមានការបញ្ចុះតម្លៃជាដើម៕
