ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធីអាហារូបករណ៍ PSU-TUYF បានប្រកាសផ្ដល់អាហារូបករណ៍ថ្នាក់បរិញ្ញាបត្រសិក្សាជំនាញគណិតវិទ្យា និងវិទ្យាសាស្ត្រកុំព្យូទ័រដល់និស្សិតកម្ពុជាសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនមួយកន្លែងសម្រាប់សិក្សានៅប្រទេសថៃដោយមានភ្ជាប់ជាមួយការគាំទ្រការសិក្សា និងរស់នៅក្នុងកំឡុងពេលសិក្សា ។
ឯកសារចាំបាច់ដែលបេក្ខជនដាក់ពាក្យអាហារូបករណ៍រួមមាន សញ្ញាបត្រមធ្យមសិក្សាទុតិយភូមិថតចម្លង លិខិតឆ្លងដែនថតចម្លង អត្តសញ្ញាណប័ណ្ណថតចម្លង លិខិតបញ្ជាក់ការសិក្សា ឬពានរង្វាន់ផ្សេងៗ ។ ជាមួយគ្នានេះ លិខិតបញ្ជាក់ការសិក្សាទាំងអស់ត្រូវបកប្រែជាភាសាអង់គ្លេស ។
បេក្ខជនដែលទទួលបានអាហារូបករណ៍នឹងទទួលបានការគាំទ្រពីអាហារូបករណ៍ដូចជា ថ្លៃសិក្សា៨០០០បាតក្នុងមួយឆ្នាំ ប្រាក់ប្រចាំខែ៦០០០បាតក្នុងមួយខែ ការធានារ៉ាប់រងសុខភាព ថ្លៃទិដ្ឋាការ ថ្លៃរៀនគ្រឹះភាសាថៃ ថ្លៃធ្វើដំណើរពីប្រទេសកំណើត ដោយមិនរួមបញ្ចូលជាមួយថ្លៃស្នាក់នៅ ។
បេក្ខជនដែលមានចំណាប់អារម្មណ៍ក្នុងការដាក់ពាក្យស្នើសុំអាហារូបករណ៍សូមចូលទៅកាន់តំណភ្ជាប់ https://forms.office.com/r/6GQtqraXq6?origin=QRCode ។ សម្រាប់ព័ត៌មានបន្ថែមសូមទំនាក់ទំនងទៅកាន់ mareekee.m@psu.ac.th ។
ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី៨ ខែមីនា ឆ្នាំ២០២៣ ៕
