ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ប្រកាសជ្រើសរើសនិស្សិតដែលកំពុងសិក្សានៅ RULE ទៅផ្លាស់ប្ដូរសិក្សារយៈពេលខ្លីនៅសាកលវិទ្យាល័យ Nanyang Technological University នៃប្រទេសសឹង្ហបុរី និងប្រទេសវៀតណាម។
កម្មវិធីផ្លាស់ប្ដូរការសិក្សានឹងចាប់ផ្ដើមនៅសាកលវិទ្យាល័យ Nanyang Technological University ចាប់ពីថ្ងៃទី២៦ ខែមិថុនា ដល់ថ្ងៃទី១៥ ខែកក្កដា ឆ្នាំ២០២៤ រួចបន្តទៅសិក្សានៅប្រទេសវៀតណាមចាប់ពីថ្ងៃទី១៥ ដល់ថ្ងៃទី១៧ ខែកក្កដា ឆ្នាំ២០២៤។ បេក្ខជននឹងទទួលបានអត្ថប្រយោជន៍ពីអាហារូបករណ៍ចំនួន SGD5,300 សម្រាប់ថ្លៃសិក្សា និងស្នាក់នៅ និង SGD1,500 សម្រាប់ថ្លៃសំបុត្រយន្តហោះ និងការចំណាយក្នុងពេលសិក្សា។
លក្ខខណ្ឌនៃការជ្រើសរើស ជានិស្សិតដែលកំពុងសិក្សាថ្នាក់បរិញ្ញាបត្រគ្រប់ដេប៉ាតឺម៉ង់ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ចាប់ពីឆ្នាំទី0២ឡើងទៅ មានពិន្ទុសិក្សា GPA ៣.០ ឡើងទៅ មានចំណេះដឹងភាសាអង់គ្លេសដែលអាចប្រើប្រាស់សម្រាប់ទំនាក់ទំនងផ្លូវការ និងមានបទពិសោធន៍ចូលរួមការងារសង្គម និងភាពជាអ្នកដឹកនាំ។
និស្សិតដែលមានចំណាប់អារម្មណ៍ក្នុងការដាក់ពាក្យត្រូវភ្ជាប់ជីវប្រវត្តិសង្ខេប (Cover Letter & CV) ព្រឹត្តិបត្តពិន្ទុដែលមានបញ្ជាក់ពិន្ទុរាល់ឆមាស (ច្បាប់ដើម) សេចក្ដីចម្លងលិខិតឆ្លងដែន (Copy color ផ្នែកព័ត៌មានផ្ទាល់ខ្លួន) សរសេរអត្ថបទ២០០ពាក្យ (សរសេរពីមូលហេតុដែលអ្នកសាកសមជ្រើសរើសសម្រាប់កម្មវិធីនេះ) ឯកសារបញ្ជាក់ភាសាអង់គ្លេស IELTS ៦.០ ឬ TOEFL ៥៧០ ឬ PTE Academic ៥៥(បើមាន)។ ឯកសារបញ្ជាក់ពីការចូលរួមការងារសង្គម និងបទពិសោធន៍ភាពជាអ្នកដឹកនាំ (បើមាន) និងឯកសារបញ្ជាក់ពីសុខភាព (ក្រោយជាប់ការជ្រើសរើស)។
ដើម្បីធ្វើការដាក់ពាក្យ និស្សិតតម្រូវភ្ជាប់ជាមួយឯកសារខាងលើទៅកាន់ការិយាល័យទំនាក់ទំនងអន្តរជាតិរៀងរាល់ម៉ោងធ្វើការចាប់ពីថ្ងៃផ្សាយដំណឹងរហូតដល់ថ្ងៃទី១២ ខែកុម្ភៈ ឆ្នាំ២០២៣។ ជាមួយគ្នានេះ និស្សិតដែលមិនទាន់មានឯកសារបញ្ជាក់ពីកម្រិតភាសាអង់គ្លេស សូមធ្វើការចុះឈ្មោះប្រឡងតេស្តភាសាតាមរយៈ https://get-qr.com/L0XqCv ឱ្យបានមុនថ្ងៃទី០៦ ខែកុម្ភៈ ឆ្នាំ២០២៤៕
