ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សកម្មភាពមួយចំនួនដែលមិនធ្លាប់ចាប់អារម្មណ៍ ក៏អាចក្លាយជាចំណែករុញច្រានឱ្យធ្លាក់ចុះផ្នែកសុខភាពផ្លូវចិត្ត និងសុភមង្គលបានដែរ។ ដោយសកម្មភាពត្រួសៗទាំងនោះមានដូចជា នៅកន្លែងងងឹតច្រើនពេក ប្រើប្រាស់ភេសជ្ជៈដែលមានជាតិកាហ្វេអ៊ីនច្រើនពេក ក្រោកភ្លាមចាប់កាន់ទូរស័ព្ទភ្លាម ប្រើសម្លេងខ្លាំងពេកពេលស្តាប់កាស ផ្តាច់ខ្លួនពីសង្គមជាដើម។ តាមរយៈគេហទំព័រ Yourtango បានលម្អិតបន្ថែមនូវខាងក្រោម អំពីហេតុផលដែលនាំឱ្យសុខភាពខួរក្បាលធ្លាក់ចុះ។
១. ប្រើភាសាអវិជ្ជមានទៅកាន់ខ្លួនឯង ៖ ការនិយាយអវិជ្ជមាន មកកាន់ខ្លួនឯង ឬទៅកាន់អ្នកដទៃ ស្តាប់មួយភ្លែតហាក់ដូចជា មិនមែនជារឿងធំដំនោះទេ ប៉ុន្តែបើតាមអ្នកចិត្តសាស្រ្ត ការនិយាយមិនល្អ ដូចជាបង្អាប់ខ្លួនឯង បន្ទោសខ្លួនឯង សុទ្ធសឹងតែជាការរួមចំណែកនាំឱ្យប៉ះពាល់ទៅដល់សុខភាពផ្លូវចិត្ត។ អាការដែលកើតមានក្រោយនិយាយភាសាអវិជ្ជមានទៅកាន់ខ្លួនឯង គេអាចកត់សម្គាល់តាមរយៈការកើនមានអារម្មណ៍តានតឹង ការថប់បារម្ភ និងជំងឺធ្លាក់ទឹកចិត្តជាដើម ដែលចំណុចទាំងនេះ បានប៉ះពាល់ទៅកាន់សុខភាពខួរក្បាល។ យ៉ាងណាក៏ដោយ ប្រសិនបើសង្កេតឃើញថា ខ្លួនឯងមានទម្លាប់សន្ទនាបែបបន្ទោសគ្នា ឬបង្អាប់នូវពាក្យមិនល្អជាញឹកញាប់ គួរបង្កើតគោលដៅក្នុងការកាត់បន្ថយ ឬកាត់ផ្តាច់ទាំងស្រុងតែម្តង។
២. ដាក់ខ្លួនឱ្យនៅទីតាំងងងឹត ៖ ការចំណាយពេលច្រើនក្នុងភាពងងឹត អាចបណ្តាលឱ្យរាងកាយបន្ថយការផលិតអរម៉ូនសេរ៉ូតូនីន ដែលនាំឱ្យរាងកាយកើតមាននូវសញ្ញាមួយចំនួនដូចជា ស្រ្តេស ឈឺក្បាលញឹកញាប់ ឧស្សាហ៍រាគ និងទល់លាមក ឆាប់ខឹង និងឆេវឆាវជាដើម ដែលចំណុចទាំងនេះ មិនត្រឹមតែប៉ះពាល់ដល់សុខភាពខួរក្បាលប៉ុណ្ណោះទេ ប៉ុន្តែប៉ះពាល់ដល់សុខភាពរាងកាយ ឬសុខភាពស្បែកផងដែរ។ ដូច្នេះការផ្តល់ឱកាសឱ្យខ្លួនឯងទទួលបាននូវពន្លឺព្រះអាទិត្យគ្រប់គ្រាន់ស្របតាមតម្រូវការនៃរាងកាយ បានរួមចំណែកដល់ការបន្ថយអាការតានតឹង ក៏ដូចជាភាពធូរស្រាលចំពោះសុខភាពផ្លូវចិត្ត។
៣. ប្រើភេសជ្ជៈកាហ្វេអ៊ីនច្រើនជ្រុល ៖ ជាតិកាហ្វេអ៊ីន មិនអាក្រក់ទាំងស្រុងនោះទេ ប៉ុន្តែបើទទួលទានលើសកំណត់វាក៏ពុំបានផ្តល់នូវអត្ថប្រយោជន៍ទៅកាន់រាងកាយដែរ។ ការទទួលទានញឹកញាប់ពេក តួយ៉ាងដូចជា ពិសាការហ្វេលើសពី ពីរពែង ឬ៤០០ មីលីក្រាមក្នុងមួយថ្ងៃ គឺអាចជំរុញឱ្យរាងកាយរងនូវបទពិសោធន៍ថប់បារម្ភ ញ័រៗខ្លួនជាដើម ដែលនេះ ជាសញ្ញាបង្ហាញអំពីភាពលើសចំនួននៃការទទួលទាន។
៤. ក្រោកពីគេងភ្លាម កាន់ទូរស័ព្ទចុចភ្លាម ៖ បច្ចុប្បន្នការរស់នៅរបស់មនុស្ស បានផ្សារភ្ជាប់នឹងការប្រើប្រាស់អេក្រង់ច្រើនម៉ោងរួចស្រេចទៅហើយ ដូច្នេះពេលព្រឹកក្រោកពីដំណេកភ្លាម គួរតែជាពេលវេលាក្នុងការធ្វើសកម្មភាពទាំងឡាយណា ដែលជំរុញបាននូវថាមពល ដូចជាពិសាទឹក ហាត់ប្រាណ និងសមាធិជាដើម។ ពេលព្រឹកពុំគួរជាពេលវេលាដែលត្រូវចុចបិទម៉ោងរោទិ៍ ហើយបន្តនៅពីមុខអេក្រង់យូរពេកនោះទេ៕
