ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មនុស្សមួយចំនួនអាចនឹងគិតថា ស្រ្តេសមិនមែនជាបញ្ហាអ្វីធំដុំនោះទេ ប៉ុន្តែស្រ្តេសបណ្តាលឱ្យប៉ះពាល់ទាំងសុខភាពផ្លូវចិត្ត និងផ្លូវកាយ។ ស្រ្តេសបង្កឱ្យអារម្មណ៍ភិតភ័យ មានអាការថប់បារម្ភ និងបាត់បង់ក្ដីសង្ឃឹម ។ ជារឿយៗ ស្រ្តេសកើតមាននៅពេលមានការផ្លាស់ប្តូរទៅរកភាពវិជ្ជមានអ្វីមួយ មិនថាការងារ ឬការសិក្សា។ តាមរយៈគេហទំព័រ BodyNetwork បានបង្ហាញគន្លឹះ៣ដើម្បីកាត់បន្ថយស្រ្តេសដោយខ្លួនឯង។
១. ទុកពេលសម្រាប់ខ្លួនឯង ៖ ទុកចន្លោះដើម្បីផ្តោតលើសុខុមាលភាពក្នុងការរស់នៅ ឬការសម្រាកដើម្បីស្រូបយកថាមពលត្រឡប់មកវិញ។ ភាពវិជ្ជមាននៃការនៅម្នាក់ឯង គឺក្នុងការឆ្លុះបញ្ចាំងដើម្បីកាត់បន្ថយភាពតានតឹង និងការប្រមូលអារម្មណ៍ឱ្យមានលំនឹង។
២. បង្កើតទម្លាប់ពេលព្រឹក ៖ ការបង្កើតទម្លាប់នៅពេលព្រឹកអាចកាត់បន្ថយភាពតានតឹង និងបង្កើនភាពស្រស់ស្រាយក្នុងការចាប់ផ្តើមថ្ងៃថ្មី រួមទាំងមានពេលច្រើនក្នុងការធ្វើផែនការសម្រាប់ថ្ងៃបន្ទាប់ ក៏ដូចជាការកាត់បន្ថយភាពតានតឹង និងជះឥទ្ធិពលវិជ្ជមានក្នុងរយៈពេលវែង។
៣. ក្រោកពីដំណេកមុនពេលថ្ងៃរះ ៖ ក្រោកពីដំណេកលឿនជាងអ្នកដទៃ ឬភ្ញាក់មុនថ្ងៃរះ ជាការទទួលបានឱកាសមួយយ៉ាងស្ងប់សុខ និងជាពេលវេលាល្អក្នុងការស្វែងរកខ្លួនឯង ក៏ដូចជាការចាត់ចែងចំពោះកិច្ចការអាទិភាព។
៤. ការសរសេរកំណត់ហេតុនៅពេលព្រឹក ៖ ការសរសេរកំណត់ត្រានៅពេលព្រឹកព្រលឹម ជំរុញដល់ការបំផុសគំនិតថ្មីៗ និងកាត់បន្ថយអាការព្រួយបារម្ភជ្រុល ប្រសិនបើអនុវត្តន៍បានទៀងទាត់អាចជួយកាត់បន្ថយភាពច្របូកច្របល់ និងការស្វែងយល់ពីសក្តានុពលផ្ទាល់ខ្លួន៕
