ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សកម្មភាពថែទាំចំពោះខ្លួនឯង មានច្រើនរូបភាពដូចជា គិតអំពីរបបអាហារ អនាម័យ លំហាត់ប្រាណ ការទទួលបានពន្លឺនិងខ្យល់បរិសុទ្ធបានគ្រប់គ្រាន់ និងទម្លាប់ប្រចាំថ្ងៃជាច្រើនទៀត។ តាមរយៈគេហទំព័រ womanandhome បានបង្ហាញសកម្មភាពប្រាំចំណុចដែលយុវជនអាចអនុវត្តបានក្នុងការថែទាំខ្លួនឯង។
១. ផ្តល់ឱ្យខ្លួនឯងនូវអាហារល្អ ៖ គិតអំពីការថែទាំខ្លួន របបអាហារប្រចាំថ្ងៃ ជាចំណែកដែលមិនអាចខ្វះបាន, ដោយគ្រាន់តែមាន អាហារគ្រប់គ្រាន់បីពេលសម្រាប់បរិភោគនៅមិនទាន់ឆ្លើយតបនោះទេ ប៉ុន្តែត្រូវជ្រើសអាហារដែលមានជីវជាតិ និងស្របទៅតាមពេលវេលានីមួយៗ ថា តើពេលព្រឹក រាងកាយរបស់អ្នកមានតម្រូវការបរិមាណអាហារប៉ុន្មាន ឬមានអ្វីខ្លះ? ហើយពេលថ្ងៃ និងពេលល្ងាច គឺមានតម្រូវការខុសៗគ្នាទៅតាមស្ថានភាព និងកម្លាំងដែលមនុស្សប្រើប្រាស់ ។ ហើយរាងកាយរបស់មនុស្សម្នាក់ៗ ទៀតសោធមានតម្រូវការខុសៗគ្នា ដូច្នេះដើម្បីឱ្យការទទួលទានមានប្រសិទ្ធភាព ការប្រឹក្សាជាមួយអ្នកជំនាញរឹងរឹតតែផ្តល់ការគាំទ្រមួយដែលមានភាពត្រឹមត្រូវ។
២. ការសម្អាត ៖ សម្អាតកន្លែងរស់នៅ ឬក៏តុធ្វើការ ទូកញ្ចក់ គឺជាចំណែកមួយនៃការព្យាបាលស្ថានភាពផ្លូវចិត្ត ការសម្អាតដែលមានភាពរហ័ស និងល្អស្អាត ផ្តល់ភាពស្រស់ស្រាយ របៀបរៀបរយ និងសម្រួលដល់ការបញ្ចប់កិច្ចការបានលឿន។
៣. គេងមួយភ្លែត ៖ ការគេងចន្លោះម៉ោងបាយ ជាការបង្ហាញអំពីការស្រឡាញ់ខ្លួនឯង ការថែទាំខ្លួន ដោយហេតុថា ការគេងសម្រាក មួយភ្លែតៗ នៅពេលថ្ងៃ អភិវឌ្ឍន៍អារម្មណ៍ និងជាការសម្រាកមួយដែលប្រើពេលតិច តែមានប្រសិទ្ធភាព។
៤. សកម្មភាពបង្កើនគំនិងច្នៃប្រតិដ្ឋ ៖ ភាពថ្ងៃប្រតិដ្ឋ គឺជាពិភពមួយ ជួយសម្រាលភាពតានតឹង គេអាចបង្កើនភាពច្នៃប្រតិដ្ឋតាមរយៈ ការចូលរៀនសិល្បៈ មិនថា តាមរយៈអនឡាញនិងទៅថ្នាក់ផ្ទាល់។ មួយវិញទៀត ការច្នៃវត្ថុក្នុងផ្ទះឱ្យមើលទៅក្នុងរូបភាពខុសប្លែកពីមុន ក៏ជាកត្តាបង្កើនបាននូវគំនិតច្នៃប្រតិដ្ឋបន្ថែម។
៥. បង្ហាញភាពជាខ្លួនឯង ៖ កាត់បន្ថយការបប្រើប្រាស់រូបភាពដែលប្រើកម្មវិធីឌីជីថល ទៅកែប្រែរូបដែលខុសពីធម្មតាពេក ដោយការប្រើប្រាស់រូបភាពធម្មជាតិ ថតរូបពិតនៃខ្លួនឯង មិនយូរមិនឆាប់អ្នកនឹងចាប់ផ្តើមមានផាសុកភាពជាមួយពណ៌សម្បុរដែលមានពីធម្មជាតិ រួមទាំងជាការបង្កើនទំនុកចិត្តជាមួយខ្លួនឯង៕
