ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការសិក្សាមួយរបស់ធនាគារកូរ៉េខាងត្បូង (BOK) បានបង្ហាញថា វត្តមានបញ្ញាសិប្បនិម្មិត Artificial intelligence (AI) នឹងជំនួសការងាររបស់មនុស្សប្រមាណជាង ៤លាននាក់ ឬស្មើនឹង ១៤% នៃការងារនៅក្នុងប្រទេសកូរ៉េតែម្តង នៅរវាង ២០ឆ្នាំខាងមុខ ។ ការរីកចម្រើនរបស់បញ្ញាសិប្បនិម្មិត (AI) កំពុងក្លាយជាកង្វល់សកលមួយដែលភាគីពាក់ព័ន្ធចាត់ទុកថា អាចនឹងរំខានដល់សកម្មភាពបំពេញការងាររបស់មនុស្ស ការប្រកួតប្រជែងក្នុងទីផ្សារការងារ និងធ្វើឱ្យប្រជាជនប្រឈមនឹងបាត់បង់ប្រាក់ចំណូលផងដែរ ។ ការព្រួយបារម្ភនេះដោយសារតែ AI ប្រើបំពាក់លើមនុស្សនិមិ្មត ឬបច្ចេកវិទ្យាផ្សេងៗមានការរីកចម្រើនលឿនរហ័ស ។
លទ្ធផលសិក្សាបានបង្ហាញទៀតថា អ្នកដែលមានប្រាក់ចំណូលខ្ពស់ពីការងារអាចប្រឈមខ្ពស់ហានិភ័យ ដែលជំនួសដោយវត្តមានបញ្ញាសិប្បនិម្មិត AI ដូចជា ការវិភាគលើទិន្នន័យ ការងារមន្ទីរពិសោធន៍ មេធាវី គណនេយ្យករ អ្នកជំនាញគ្រប់គ្រងអចលនៈទ្រព្យ សេវាកម្មបដិសណ្ឋារកិច្ច ចុងភៅ ការបង្រៀន និងការសម្តែងសិល្បៈផ្សេងៗជាដើម ។
បច្ចុប្បន្នកូរ៉េខាងត្បូងកំពុងក្លាយជាប្រទេសប្រើប្រាស់មនុស្សនិមិ្មតច្រើនក្នុងសេវាកម្ម ច្រវ៉ាក់ផលិតកម្ម និងឧស្សាហកម្មផ្សេងៗ ប្រហាក់ប្រហែលនឹងប្រទេសជប៉ុន ។ ទន្ទឹមគ្នានេះ មនុស្សនិមិ្មតនឹងក្លាយជាកម្លាំងពលកម្មថ្មីជួយដល់សេដ្ឋកិច្ចកូរ៉េខាងត្បូង ហើយជួយឱ្យប្រទេសនេះរីកចម្រើនសង្គមនិងសេដ្ឋកិច្ចកាន់តែខ្លំាងទៅថ្ងៃអនាគត ។ ទោះយ៉ាងណាក៏ដោយរហូតមកដល់ពេលនេះ កូរ៉េខាងត្បូងមិនទាន់ក្លាយជាប្រទេសប្រើប្រាស់បញ្ញាសិប្បនិម្មិតកម្រិតខ្ពស់ឡើយ ។
គួរបញ្ជាក់ថា ផ្អែកតាមរបាយការណ៍ Goldman Sachs បានសិក្សានៅឆ្នាំ២០២៣ បានបង្ហាញថា ការងារប្រមាណជាង ៣០០លានការងារនឹងជំនួសដោយបញ្ញាសិប្បនិម្មិត ដូចជាការប្រើប្រាស់ OpenAI’s និង ChatGPT ជាដើម ។ គេអាចប៉ានប្រមាណបានថា បច្ចេកវិទ្យាក្នុងបញ្ញាសិប្បនិម្មិតនឹងចូលរួមក្នុងកំណើនសេដ្ឋកិច្ចសកលរង្វង់ ៧% ជារៀងរាល់ឆ្នាំ ។ ការសិក្សាធនាគារកូរ៉េខាងត្បូង (BOK) បានបញ្ជាក់ថា បញ្ញាសិប្បនិម្មិតនឹងចូលរួមកាន់តែខ្លាំងនៅក្នុងការលើកកម្ពស់ការអប់រំ STEM ព្រមទាំងពង្រឹងវិស័យការអប់រំឱ្យកាន់តែប្រសើរឡើង៕
