ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ឱកាសសិក្សាអាហារូបករណ៍ថ្នាក់ភាសាចិនរយៈពេល១ឆ្នាំនៅសាធារណរដ្ឋប្រជាមានិតចិនពីសមាគមន៍សិស្ស-និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត(អ.ម.ត) ឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនសាធារណជនសិក្សាចំនួន៥កន្លែង នៅសាកលវិទ្យាល័យជីវជាំង ។
លក្ខខណ្ឌជ្រើសរើស សាធារណជនត្រូវមានសញ្ជាតិខ្មែរ មានកាយសម្បទាល្អ អាយុចាប់ពី១៨ឆ្នាំ ដល់ ៣៥ឆ្នាំ (សម្រាប់អ្នកជាគ្រូបង្រៀនភាសាចិនអាចពន្យារដល់៤៥ឆ្នាំ) មានសញ្ញាបត្រមធ្យមសិក្សាទុតិយភូមិឡើងទៅ មានកម្រិតភាសាចិន HSK3 (ចាប់ពី២១០ពិន្ទុ) និង HSKK កម្រិតបឋមឡើងទៅ និងជាសិស្ស-បេក្ខជនដែលមិនធ្លាប់ទទួលបានអាហារូបករណ៍ប្រភេទនេះ ។
ឯកសារចាំបាច់ក្នុងការដាក់ពាក្យរួមមាន សញ្ញាបត្រមធ្យមសិក្សាទុតិយភូមិ ឬសញ្ញាបត្រឧត្ដមសិក្សា ព្រមទាំងព្រឹត្តិបត្រពិន្ទុ (បកប្រែជាភាសាអង់គ្លេស) វិញ្ញាបនបត្រ HSK និង HSKK, រូបថត ៤x៦, លិខិតឆ្លងដែន, សំណេរជាភាសាចិនក្រោមប្រធានបទ «មូលហេតុដែលចង់ទៅសិក្សានៅប្រទេសចិន» ជា file Word ចំនួន ៦០០-៧០០ពាក្យ ។ សម្រាប់គ្រូភាសាចិនត្រូវមានលិខិតបញ្ជាក់ការងារ និងលិខិតឧទ្ទេសនាមពីស្ថាប័ន ។ បេក្ខជនដែលមានអាយុក្រោម១៨ឆ្នាំត្រូវមានឯកសារបញ្ជាក់ត្រឹមត្រូវនិងមានអ្នកធានា, សៀវភៅគ្រួសារ ឬសៀវភៅស្នាក់នៅ, ហត្ថលេខាជាភាសាអង់គ្លេស និងភាសាចិន ។
គួរបញ្ជាក់ដែរថា ឯកសារ ឬលិខិតផ្សេងៗបន្ថែមតាមការកំណត់របស់សាកលវិទ្យាល័យនឹងបញ្ជាក់ជូនតាមក្រោយ ហើយឯកសារស្នើសុំខាងលើត្រូវ scan ជាអេឡិចត្រូនិច ។ បេក្ខជនដែលទទួលបានជ័យលាភីអាហារូបករណ៍នឹងទទួលបានការគាំទ្រក្នុងអំឡុងពេលសិក្សាដូចជា ថ្លៃសិក្សា ថ្លៃស្នាក់នៅ និងប្រាក់ឧបត្ថម្ភប្រចាំខែ រយៈពេល១១ខែ ។
បេក្ខជនដែលមានចំណាប់អារម្មណ៍ក្នុងការដាក់ពាក្យសូមរួសរាន់ទៅទទួល និងដាក់ពាក្យសុំចុះឈ្មោះចូលរួមដំណើរការជ្រើសរើសចាប់ពីថ្ងៃផ្សាយដំណឹងនៅទីស្នាក់ការសមាគម អ.ម.ត ដែលមានអាសយដ្ឋាននៅផ្ទះលេខ០៤ ផ្លូវ៥២២ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ចាប់ពីម៉ោង៨:៣០នាទីព្រឹក ដល់ម៉ោង៥:០០ល្ងាច រៀងរាល់ថ្ងៃ ។
សម្រាប់ព័ត៌មានបន្ថែមអាចទំនាក់ទំនងទៅកាន់ក្រុមការងារអាហារូបករណ៍តាមរយៈលេខទូរស័ព្ទ ០៦១ ២៨១ ៣៣៣ ។ ផុតកំណត់ទទួលពាក្យថ្ងៃទី១០ ខែ កក្កដា ឆ្នាំ២០២៣ ៕
