ក្រសួងការងារប្រកាស​ផ្តល់អាហារូបករណ៍ TVET ជាង​២ម៉ឺន​៤ពាន់កន្លែង

ភ្នំពេញ – ក្រសួងការងារ និង​បណ្តុះបណ្តាល​វិជ្ជាជីវៈបាន​ឱ្យដឹងថា សម្រាប់ឆ្នាំ​សិក្សា​២០២២-២០២៣ ខាងមុខនេះ ក្រសួង​នឹង​ជ្រើសរើស​បេក្ខជន​ចមនួន ២៤២៣៨នាក់ ឱ្យ​ទទួល​អាហារូបករណ៍​ចូលរៀន​កម្រិត​សញ្ញាបត្របច្ចេកទេស និង​វិជ្ជាជីវៈ ១(C1), ២(C2) និង ៣(C3) កម្រិត​សញ្ញាបត្រ​ជាន់ខ្ពស់ បរិញ្ញាបត្រ​រង បច្ចេកទេស/​ឯកទេស និង​កម្រិត​បរិញ្ញាបត្រ​បច្ចេកវិទ្យា/ឯកទេស/សញ្ញាបត្រ​វិស្វករ ទៅ​តាម​ចំនួន​ជំនាញ /មុខរបរ និង​គ្រឹះស្ថាន​អប់រំ​បណ្តុះបណ្តាល​បច្ចេកទេស និង​វិជ្ជាជីវៈ។

បើតាម​ការ​បញ្ជាក់របស់ក្រសួងការងារ អាហារូបករណ៍​នឹង​ត្រូវ​ផ្តល់នៅ​តាមវិទ្យាស្ថាន និង​មជ្ឈមណ្ឌល​បណ្តុះបណ្តាលវិជ្ជាជីវៈរហូត​ទៅ​ដល់​៤២ នៅ​ក្នុង​រាជធានី ក៏​ដូចជា​ខេត្ត​នានា ​ទៅ​លើជំនាញជា​ច្រើន​ដូចជា តម្លើងបណ្តាញ​អគ្គិសនី​ក្នុង​អគារ, ប្រព័ន្ធចង្វាក់ផលិតកម្ម​ស្វ័យ​ប្រវត្តិ, ទូរគមនាគមន៍ (អេឡិចត្រូនិក), ការថែទាំ និងជួសជុលរថយន្ត, ព័ត៌មានវិទ្យា, ជាងកំបោរ, ស្ថាបត្យកម្ម, គ្រប់គ្រង, គណនេយ្យ ព្រមទាំងជំនាញផ្សេងៗ​ជាច្រើនទៀត។

សម្រាប់​លក្ខខណ្ឌ​ចុះឈ្មោះ​សុំអាហារុបករណ៍ ចំពោះកម្រិតសញ្ញាបត្រ​បច្ចេកទេស និង​វិជ្ជាជីវៈ​១ បេក្ខជន​ត្រូវ​រៀន​ចប់​មធ្យមសិក្សា​បឋមភូមិ (ថ្នាក់ទី៩) ឬ​បាន​បញ្ចប់​ស្ពានចម្លង​បន្ត​ជំនាញ​ថ្នាក់ទី៨ និង​ទី៩ ឬកម្រិតសមមូល។

ចំពោះកម្រិតសញ្ញាបត្របច្ចេកទេស និង​វិជ្ជាជីវៈ២ បេក្ខជនត្រូវ​មានសញ្ញាបត្រ​បច្ចេកទេស និង​វិជ្ជាជីវៈ១, សម្រាប់កម្រិតសញ្ញាបត្រ​បច្ចេកទេស និង​វិជ្ជាជីវៈ៣ បេក្ខជន​ត្រូវមាន​សញ្ញាបត្រ​បច្ចេកទេស និង​វិជ្ជាជីវៈ២។

កម្រិតសញ្ញាបត្រជាន់ខ្ពស់/បរិញ្ញាបត្ររង បច្ចេកទេស/ឯកទេស បេក្ខជន​ត្រូវ​រៀនចប់មធ្យមសិក្សា​ទុតិយភូមិ (ប្រឡងធ្លាក់) ឬសញ្ញាបត្រ​បច្ចេកទេស​ និង​វិជ្ជាជីវៈ៣ ឬសញ្ញាបត្រ​មានតម្លៃ​ស្មើ។ សម្រាប់​លក្ខខណ្ឌ​នៃការជ្រើសរើស ត្រូវ​កំណត់​ដោយ​ឡែក​តាម​គ្រឹះស្ថាន​សិក្សា​នីមួយៗ។

ដោយ​ឡែក​ចំពោះកម្រិតសញ្ញាបត្រជាន់ខ្ពស់/បរិញ្ញាបត្ររង បច្ចេកទេស/ឯកទេស និងកម្រិត​បរិញ្ញាបត្របច្ចេកវិទ្យា/ឯកទេសសញ្ញាបត្រ​វិស្វករ លក្ខខណ្ឌ​នៃការជ្រើសរើស​ផ្អែក​ទៅ​តាម​និទ្ទេស​ប្រឡង​សញ្ញាបត្រមធ្យមសិក្សា​ទុតិយភូមិ និទ្ទេសតាមមុខវិជ្ជា និង​និទ្ទេស​មុខ​ជំនាញ​ដែលពាក់ព័ន្ធ។

បេក្ខជន​ជានារី ក្រីក្រ តំបន់ដាច់ស្រយាល និង​ជនជាតិភាគតិច និងជនពិការត្រូវ​បានចាត់ទុកជា​អាទិភាព​ក្នុង​ការ​ទទួល​អាហារូបករណ៍៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ថ្នាក់ឧត្ដមសិក្សាពីកម្មវិធី ICESCO Young Professionals នៅប្រទេសម៉ារ៉ុក

ព័ត៌មានអាហារូបករណ៍, ព្រឹត្តិការណ៍

• 15/01/2025

កម្មវិធី ICESCO Young Professionals នៃ អង្គការអប់រំ វិទ្យាសាស្ត្រ និងវប្បធម៌ឥស្លាមពិភពលោក (The Islamic World Educational, Scientific and Cultural Organization) ប្រកាសជ្រើសរើសនិស្សិតសិក្សាអាហារូបករណ៍ថ្នាក់ឧត្ដមសិក្សា...

អាហារូបករណ៍ថ្នាក់បរិញ្ញាបត្រ២២កន្លែង នៅ​វិទ្យាស្ថានភាសាបរទេស និង​វិទ្យាស្ថានសិក្សា​អន្តរជាតិ និងគោលនយោបាយសាធារណៈ

ព័ត៌មានអាហារូបករណ៍, ព្រឹត្តិការណ៍

• 19/12/2023

គណៈកម្មាធិការអាហារូបករណ៍​សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន ប្រកាស​ពីការផ្តល់​អាហារូបករណ៍​ចំនួន ២២កន្លែង សម្រាប់ការសិក្សា​កម្រិតថ្នាក់បរិញ្ញាបត្រ​នៅ​វិទ្យាស្ថាន​ភាសាបរទេស...

វិទ្យាស្ថាន​ពហុបច្ចេកទេស​ភូមិ​ភាគ​តេជោសែនតាកែវ ផ្តល់អាហារូបករណ៍​សិក្សា​ជំនាញវិជ្ជាជីវៈ១ ឥតគិតថ្លៃចំនួន៨៤០កន្លែង

ព័ត៌មានអាហារូបករណ៍, ព្រឹត្តិការណ៍

• 30/04/2024

វិទ្យាស្ថានពហុបច្ចេកទេស​ភូមិ​ភាគ​តេជោសែនតាកែវ បានប្រកាស​ផ្តល់អាហារូបករណ៍​ ក្នុងការ​សិក្សា​ជំនាញសំខាន់ៗ​ចំនួន៧​ដែល​កំពុង​មានតម្រូវ​ការ​ទីផ្សារ សម្រាប់យុវជនដែល​កំពុងស្វែង​រក​ជំនាញ​ប្រចាំជីវិត...

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់១៥កន្លែងនៅសាកលវិទ្យាល័យ Kasetsart University នៃប្រទេសថៃឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 10/05/2023

ស្ថានទូតនៃព្រះរាជាណាចក្រកម្ពុជាប្រចាំប្រទេសថៃឡង់ដ៍ បាន​ប្រកាស​ដល់សាធារណជន និងនិស្សិតកម្ពុជាថា សាកលវិទ្យាល័យ Kasetsart University...

សាកលវិទ្យាល័យ Mae Fah Lung ប្រទេសថៃ ផ្តល់អាហារូបករណ៍ថ្នាក់បរិញ្ញាបត្រ​សម្រាប់ឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 22/03/2023

ភ្នំពេញ - សាកលវិទ្យាល័យ Mae Fah Lung នៃប្រទេសថៃ បានប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន២កន្លែងសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូន...

អាហារូបករណ៍ថ្នាក់បរិញ្ញាបត្រជាន់ខ្ពស់ និង​ថ្នាក់បណ្ឌិត​នៅសាធារណរដ្ឋប្រជាមានិតចិន ក្រោម​កម្មវិធី MOFCOM

ព័ត៌មានអាហារូបករណ៍, ព្រឹត្តិការណ៍

• 06/05/2024

សម្រាប់ឆ្នាំ​២០២៤នេះ ​កម្មវិធីអាហារូបករណ៍ MOFCOM នៃសាធារណរដ្ឋប្រជាមានិតចិន បានផ្តល់អាហារូបករណ៍​ជាច្រើន​កន្លែង​សម្រាប់​ថ្នាក់បរិញ្ញាបត្រ​ជាន់ខ្ពស់ សិក្សា​រយៈពេល១-២ឆ្នាំ និង​ថ្នាក់បណ្ឌិត សិក្សា​រយៈពេល៣ឆ្នាំ...

អាហារូបករណ៍ថ្នាក់បរិញ្ញាបត្រជាន់ខ្ពស់ពីមជ្ឈមណ្ឌលសហប្រតិបត្តិការអន្តរជាតិកូរ៉េ សម្រាប់មន្រ្តីក្រសួងយុត្តិធម៌

ព័ត៌មានអាហារូបករណ៍, ព្រឹត្តិការណ៍

• 18/11/2025

ក្រសួងយុត្តិធម៌ កំពុងប្រកាសជ្រើសរើសមន្រ្តីចំណុះក្រសួង​ចំនួន ៥នាក់ ឱ្យ​ទទួលអាហារូបករណ៍ថ្នាក់បរិញ្ញាបត្រជាន់ខ្ពស់ ទៅ​សិក្សា​នៅ​ប្រទេសកូរ៉េ ក្រោម​កម្មវិធីរបស់មជ្ឈមណ្ឌលសហប្រតិបត្តិការអន្តរជាតិកូរ៉េ (KOICA) ឆ្នាំសិក្សា២០២៦។

ឱកាសសម្រាប់និស្សិតកម្ពុជាជំនាញវិចិត្រសិល្បៈទៅផ្លាស់ប្តូរបទពិសោធន៍សិក្សានៅ Korea National University of Heritage

ព័ត៌មានអាហារូបករណ៍, ព្រឹត្តិការណ៍

• 14/10/2026

ជា​ឱកាសសម្រាប់និស្សិតកម្ពុជា​ដែលកំពុងសិក្សាចាប់ពីឆ្នាំទី២ រហូត ដល់ឆ្នាំទី៤ នៃមហាវិទ្យាល័យបុរាណវិទ្យា មហាវិទ្យាល័យស្ថាបត្យកម្មនិងនគរូបនីយវិទ្យា និងមហាវិទ្យាល័យ