ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធី ICESCO Young Professionals នៃ អង្គការអប់រំ វិទ្យាសាស្ត្រ និងវប្បធម៌ឥស្លាមពិភពលោក (The Islamic World Educational, Scientific and Cultural Organization) ប្រកាសជ្រើសរើសនិស្សិតសិក្សាអាហារូបករណ៍ថ្នាក់ឧត្ដមសិក្សា លើជំនាញបណ្ដុះបណ្ដាលវិជ្ជាជីវៈរយៈពេល២៤ខែ នៅប្រទេសម៉ារ៉ុក។
កម្មវិធីសិក្សានឹងបណ្ដុះបណ្ដាលដល់យុវជនវ័យក្មេងនៅក្នុងចក្ខុវិស័យ និងទិសដៅយុទ្ធសាស្ត្រដើម្បីពង្រឹងសមត្ថភាព និងអភិវឌ្ឍភាពជាអ្នកដឹកនាំ និងជំនាញវិជ្ជាជីវៈ ដើម្បីកសាងយុវជនឱ្យមានទំនួលខុសត្រូវ និងវិជ្ជាជីវៈ និងធ្វើឱ្យប្រសើរឡើងនូវវិស័យអប់រំ វិទ្យាសាស្ត្រ និងវប្បធម៌។
លក្ខខណ្ឌនៃការដាក់ពាក្យក្នុងកម្មវិធី ICESCO Young Professionals ៖ ជាសាសនិកឥស្លាម មានអាយុតិចជាង៣៥ឆ្នាំ (គិតចាប់ពីថ្ងៃចាប់ផ្ដើមសុំពាក្យ) មានសញ្ញាបត្រថ្នាក់បរិញ្ញាបត្រ បរិញ្ញាបត្រជាន់ខ្ពស់ ឬសញ្ញាបត្រដែលមានតម្លៃស្មើ និងត្រូវមានជំនាញភាសាអង់គ្លេស ឬភាសាបារាំង ឬភាសាអារ៉ាប់។ ជាមួយគ្នានេះ បេក្ខជនត្រូវភ្ជាប់ជាមួយឯកសារពាក្យសុំរួមមាន CV ជាភាសាអង់គ្លេស បារាំង ឬអារ៉ាប់ ច្បាប់ចម្លងសញ្ញាបត្រសិក្សា និងប្រតិបត្តិពិន្ទុ ច្បាប់ចម្លងអត្តសញ្ញាណបណ្ណ ឬលិខិតឆ្លងដែន ច្បាប់ចម្លងសំបុត្របញ្ជាក់កំណើត។ សម្រាប់បេក្ខជនដែលបានស្នើពាក្យអាហារូបករណ៍នឹងត្រូវបានធ្វើតេស្តសរសេរ និងសម្ភាសន៍តាម Online ។
បេក្ខជនដែលមានបំណងក្នុងការដាក់ពាក្យអាចចូលតាមរយៈ https://icesco.org/cm1c ឬផ្ញើព័ត៌មានផ្សេងៗទៅកាន់ Email: rh@icesco.org ចាប់ពីថ្ងៃផ្សាយដំណឹងរហូតដល់ថ្ងៃទី៣០ ខែមករា ឆ្នាំ២០២៥។ សម្រាប់ព័ត៌មានបន្ថែមអាចចូលទៅកាន់ https://icesco.org/en/2024/12/24/applications-open-for-the-24-month-second-edition-of-icescos-young-professionals-programme/ ៕
