ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសភូមិភាគតេជោសែនតាកែវ បានប្រកាសផ្តល់អាហារូបករណ៍ ក្នុងការសិក្សាជំនាញដែលកំពុងមានតម្រូវការទីផ្សារ សម្រាប់យុវជនដែលកំពុងស្វែងរកជំនាញប្រចាំជីវិត ដោយឥតគិតថ្លៃចំនួន៨៤០កន្លែង ក្នុងកម្មវិធី ១,៥លាននាក់ ជំហានទី២។
ជំនាញដែលផ្តល់ជូននោះរួមមាន ៖ ការងារកំបោរ ១២០នាក់, ការដំឡើងបណ្តាញអគ្គិសនីក្នុងអគារ ១២០នាក់, ការថែទាំ និងជួសជុលរថយន្ត ១២០នាក់, ការថែទាំ និងជួសជុលម៉ាស៊ីនត្រជាក់រថយន្ត ១២០នាក់, ការថែទាំ និងជួសជុលអគ្គិសនីរថយន្ត ១២០នាក់, សេវាកម្មបរិក្ខារត្រជាក់ក្នុងគេហដ្ឋាន ១២០នាក់, សេវាកម្មសម្អាងកាយ ៦០នាក់ និងការរចនាក្រាហ្វិកដោយកុំព្យូទ័រ ៦០នាក់។
សម្រាប់ក្រុមគោលដៅដែលត្រូវជ្រើសរើស ៖ យុវជនមកពីគ្រួសារក្រីក្រ និងគ្រួសារងាយរងហានិភ័យទូទាំងប្រទេស (ចូលរៀនដោយមិនបង់ថ្លៃ និងទទួលបានប្រាក់ឧបត្ថម្ភក្នុងអំឡុងពេលបណ្តុះបណ្តាល), បុគ្គលនៃសេដ្ឋកិច្ចក្រៅប្រព័ន្ធ និងក្នុងប្រព័ន្ធ (ចូលរៀនដោយមិនបង់ថ្លៃ)។
អត្ថប្រយោជន៍ដែលទទួលបាន ៖ សិក្សាដោយមិនបង់ថ្លៃ, ប្រាក់ឧបត្ថម្ភប្រចាំខែ ២៨ម៉ឺនរៀល, ផ្តល់ប្រឹក្សាយោបល់ពីការជ្រើសរើសជំនាញ និងព័ត៌មានទីផ្សារការងារ, កន្លែងចុះកម្មសិក្សានៅតាមសហគ្រាស គ្រឹះស្ថាន ឧស្សាហកម្ម និងក្រុមហ៊ុនឯកជន, សញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា, ជំនាញមួយពិតប្រាកដដែលទីផ្សារការងារកំពុងត្រូវការ, ឱកាសការងារសមរម្យ និងចំណូលទៀងទាត់។
កាលបរិច្ឆេទទទួលពាក្យ ចាប់ពីថ្ងៃជូនដំណឹងនេះតទៅ ហើយកាលបរិច្ឆេទចូលរៀននៅថ្ងៃទី០២ ខែឧសភា ឆ្នាំ២០២៤។
សម្រាប់ព័ត៌មានបន្ថែម សូមទាក់ទងទៅកាន់វិទ្យាស្ថានដែលមានអាសយដ្ឋាន ភូមិ៣ សង្កាត់រកាក្នុង ក្រុងដូនកែវ ខេត្តតាកែវ ឬតាមទូរស័ព្ទលេខ 011 959 798៕
