ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រសួងអប់រំ យុវជន និងកីឡា បានជូនដំណឹងថា នៅក្នុងឆ្នាំ២០២៣នេះ កម្មវិធីអាហារូបករណ៍ “Brunei Darussaiam Scholarship on Enhancing Professional Communication Skills for ASEAN 2023” រដ្ឋាភិបាលព្រុយណេ បានផ្តល់អាហារូបករណ៍មួយចំនួនដល់បេក្ខជនមកពីបណ្តាប្រទេសសមាជិកអាស៊ាន រួមទាំងប្រទេសកម្ពុជាផងដែរ។
អាហារូបករណ៍នេះ មានពីរកម្មវិធីធំៗ គឺ Professional Communications in English និង Intensive English Proficiency Course ដែលរៀបចំឡើងនៅមជ្ឈមណ្ឌល UBD-FPT Global Centre នៅទីក្រុងដាណាង ប្រទេសវៀតណាម តាមកាលបរិច្ឆេទដូចខាងក្រោម ៖
- វគ្គទី១ ចាប់ពីថ្ងៃទី០៨ ខែឧសភា ដល់ថ្ងៃទី២៣ ខែមិថុនា ឆ្នាំ២០២៣
- វគ្គទី២ ចាប់ពីថ្ងៃទី០៧ ខែសីហា ដល់ថ្ងៃទី២២ ខែកញ្ញា ឆ្នាំ២០២៣
- វគ្គទី៣ ចាប់ពីថ្ងៃទី១៦ ខែតុលា ដល់ថ្ងៃទី០១ ខែធ្នូ ឆ្នាំ២០២៣។
ភាគីអាហារូបករណ៍នឹងរ៉ាប់រងថ្លៃសិក្សា ថ្លៃសំបុត្រយន្តហោះទៅមក ប្រាក់ឧបត្ថម្ភប្រចាំថ្ងៃ ការស្នាក់នៅ និងការធានារ៉ាប់រងសុខភាព រួមទាំង Covid-19 ក្នុងអំឡុងពេល ៧សប្តាហ៍ នៃកម្មវិធីអាហារូបករណ៍នេះ។
បេក្ខជនដែលមានចំណាប់អារម្មណ៍ចំពោះកម្មវិធីបណ្តុះបណ្តាលខាងលនេះ សូមចូលអានព័ត៌មាន និងបំពេញពាក្យស្នើសុំអាហារូបករណ៍តាមរយៈគេហទំព័រ ៖ https://apply.ubd.edu.bn/orbeon/uis-welcome/ ។ បន្ទាប់ពីបានបំពេញបែបបទរួចហើយ បេក្ខជនត្រូវថតចម្លងពាក្យសុំអាហារូបករណ៍ រួមទាំងឯកសារគាំទ្រនានា រួចផ្ញើទៅកាន់អ៊ីមែល ៖ [email protected] ឱ្យបានមុនថ្ងៃទី០១ ខែមីនា ឆ្នាំ២០២៣។ សម្រាប់ព័ត៌មានបន្ថែម បេក្ខជនអាចសាកសួរតាមរយៈអ៊ីមែល ៖ [email protected]៕
