ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Melbourne ប្រទេសអូស្រ្តាលី ពីកម្មវិធី Melbourne Graduate Research ។ អាហារូបករណ៍ផ្ដល់ជូនសម្រាប់សិស្ស និស្សិតអន្តរជាតិគ្រប់សញ្ជាតិសម្រាប់ការសិក្សាថ្នាក់បរិញ្ញាបត្រជាន់ខ្ពស់២ឆ្នាំ ទៅ៣ឆ្នាំកន្លះ និង៤ឆ្នាំសម្រាប់ថ្នាក់បណ្ឌិត។
ជំនាញដែលអាហារូបករណ៍ផ្ដល់ជូនរួមមាន សិល្បៈ មនុស្សសាស្ត្រ និងវិទ្យាសាស្ត្រសង្គម កសិកម្ម ស្ថាបត្យកម្ម សំណង់ (ការធ្វើផែនការ និងការរចនា) Business, Economics, Engineering, Education, Environment, Food Science, Health, Computer Science, Information Technology, Law, Visual and performing arts, Veterinary, Music និង Science។
លក្ខខណ្ឌជ្រើសរើស ៖ បេក្ខជន ជានិស្សិតអន្តរជាតិគ្រប់សញ្ជាតិសាសន៍ ជាបេក្ខជនដែលបានស្នើសុំបន្តការសិក្សាទៅកាន់សាកលវិទ្យាល័យ Melbourne ត្រូវមានសញ្ញាបត្រថ្នាក់បរិញ្ញបត្រសម្រាប់ថ្នាក់បរិញ្ញាបត្រជាន់ខ្ពស់ និងសញ្ញាបត្របរិញ្ញាបត្រជាន់ខ្ពស់សម្រាប់ថ្នាក់បណ្ឌិត។ ជាមួយគ្នានេះ បេក្ខជនត្រូវមានប្រវត្តិសិក្សាល្អ មានសុខភាពល្អទាំងកម្លាំងកាយ និងស្មារតី និងជំនាញភាសាអង់គ្លេសបានជ្រៅជ្រះ។
អត្ថប្រយោជន៍ដែលអាហារូបករណ៍ផ្ដល់ជូនសម្រាប់បេក្ខជនទទួលបានរួមមាន ៖ ការសិក្សាឥតគិតថ្លៃពេញលេញដែលមានចាប់ពី ១៣៥,០០០ដុល្លារអាមេរិក, ការសិក្សាដែលមានរយៈពេលចាប់ពី២ឆ្នាំឡើងទៅ ប្រាក់ឧបត្ថម្ភបន្ថែម ពីរពាន់ ឬបីពាន់ដុល្លារសម្រាប់សិស្សនិស្សិតដែលផ្លាស់ប្ដូរកន្លែងស្នាក់នៅ និងពីក្រៅប្រទេសអូស្ត្រាលី និងថ្លៃទិដ្ឋាការសម្រាប់និស្សិត។
ដើម្បីធ្វើការដាក់ពាក្យស្នើសុំអាហារូបករណ៍ បេក្ខជនអាចចូលទៅកាន់ https://scholarships.unimelb.edu.au/awards/graduate-research-scholarships ។ សម្រាប់ព័ត៌មានបន្ថែម និងលម្អិតអាចចូលទៅកាន់ https://scholarships.unimelb.edu.au/awards/graduate-research-scholarships#eligibility ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី៣១ ខែតុលា ឆ្នាំ២០២៤៕
