ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យភូមិន្ទភ្នំពេញ បានប្រកាសដំណឹងអំពីការជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យប៉េកាំង (Beijing Normal Universty) នាសាខា Zhuhai នៃសាធារណរដ្ឋប្រជាមានិតចិន ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សាបរិញ្ញាបត្រជាន់ខ្ពស់គ្រប់គ្រងពាណិជ្ជកម្ម និងថ្នាក់បរិញ្ញាបត្រជាន់ខ្ពស់រដ្ឋបាលសាធារណៈ។
លក្ខខណ្ឌនៃការជ្រើសរើស ៖ ជានិស្សិតឆ្នាំទី៤ នៃឆ្នាំសិក្សា២០២៤-២០២៥ នៃសាកលវិទ្យាល័យភូមិន្ទភ្នំពេញ មានអាយុក្រោម៥០ឆ្នាំ ជានិស្សិតដែលបានបញ្ចប់ថ្នាក់បរិញ្ញាបត្រ ឬមានសញ្ញាបត្រខ្ពស់ជាងនេះ, មានប្រតិបត្តិពិន្ទុ CGPA ៣.០ឡើងទៅ មានចំណេះដឹងភាសាអង់គ្លេស និងមានបទពិសោធន៍ការងារមួយឆ្នាំក្នុងផ្នែក គ្រប់គ្រងពាណិជ្ជកម្ម និង រដ្ឋបាលសាធារណៈ។
បេក្ខជនដែលមានបំណងស្នើពាក្យអាហារូបករណ៍ត្រូវភ្ជាប់លិខិតដូចជា ច្បាប់ចម្លងនៃសញ្ញាបត្របញ្ជាក់ជានិស្សិតឆ្នាំទី៤ នៃសាកលវិទ្យាល័យភូមិន្ទភ្នំពេញ ពីការិយាល័យសិក្សា (Studies Office), ប្រតិចារិកសិក្សា (មានបញ្ជាក់) លិខិតអនុសាសន៍ចំនួនពីរ, ច្បាប់ចម្លងនៃសញ្ញាបត្របញ្ជាក់ភាសាអង់គ្លេស, ច្បាប់ចម្លងនៃលិខិតឆ្លងដែននៅទំព័រព័ត៌មានផ្ទាល់ខ្លួន និងលិខិតបញ្ជាក់មិនធ្លាប់ប្រព្រឹត្តបទឧក្រឹដ្ឋ។
បេក្ខជនជ័យលាភីអាហារូបករណ៍ នឹងទទួលបានអាហារូបករណ៍ពេញលេញ ឬតាមផ្នែកដែលអាស្រ័យទៅតាមលក្ខណៈវិនិច្ឆ័យរបស់បេក្ខជន។ សម្រាប់អាហារូបករណ៍ពេញលេញ បេក្ខជននឹងទទួលបានការគាំទ្រលើថ្លៃសិក្សាចំនួន២ឆ្នាំពេញ ការធានារ៉ាប់រងសុខភាព ប្រាក់ឧបត្ថម្ភប្រចាំខែ និងកន្លែងស្នាក់នៅផងដែរ។ សម្រាប់បេក្ខជនដែលទទួលបានអាហារូបករណ៍ដោយផ្នែក នឹងទទួលបានការគាំទ្រលើថ្លៃសិក្សាចំនួនពីរឆ្នាំពេញ ការធានារ៉ាប់រងសុខភាព ប្រាក់ឧបត្ថម្ភប្រចាំខែ និងប្រាក់ឧបត្ថម្ភមួយផ្នែកសម្រាប់កន្លែងស្នាក់នៅ។ សម្រាប់សំបុត្រយន្តហោះធ្វើដំណើរ ជាបន្ទុករបស់សាម៉ីខ្លួនទាំងពីរប្រភេទអាហារូករណ៍។
សម្រាប់ព័ត៌មានបន្ថែម និស្សិតអាចទៅកាន់ ការិយាល័យទំនាក់ទំនងអន្តរជាតិ ដែលមានអាសយដ្ឋាននៅបន្ទប់២១៩A នៃសាកលវិទ្យាល័យភូមិន្ទភ្នំពេញ។ ការដាក់ពាក្យសូមធ្វើឱ្យបានមុនថ្ងៃទី២៨ ខែកុម្ភៈ ឆ្នាំ២០២៥៕
