ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ទីភ្នាក់ងារវិនិយោគ និងពាណិជ្ជកម្មបរទេសរបស់ប្រទេសរ៉ូម៉ានី ARICE ( THE ROMANIAN AGENCY FOR INVESTMENT AND FOREIGN TRADE ) បានប្រកាសជ្រើសរើសនិស្សិតបរទេស រួមទាំងកម្ពុជាសម្រាប់អាហារូបករណ៍ ៤០កន្លែង ដើម្បីទៅបន្តការសិក្សានៅប្រទេសរូម៉ានី ក្នុងឆ្នាំសិក្សា២០២៦-២០២៧។
អាហារូបករណ៍ទាំង ៤០ កន្លែង ដែល ARICE នឹងផ្ដល់ឱ្យ មានថ្នាក់បរិញ្ញាបត្រ (Bachelor’s Degree), ថ្នាក់បរិញ្ញាបត្រជាន់ខ្ពស់ (Master’s Degree), ថ្នាក់បណ្ឌិត (PhD Degree) ,កម្មវិធីក្រោយបរិញ្ញាបត្រ/Residency ផ្នែកវេជ្ជសាស្ត្របន្ទាន់ (Emergency Medicine) និងជំងឺបេះដូង (Cardiology)។
ហេតុអ្វីនិស្សិតគួរជ្រើសរើសសិក្សានៅរូម៉ានី?
- ការអប់រំមានគុណភាពតាមស្តង់ដារអឺរ៉ុប
- មានជម្រើសមុខវិជ្ជាច្រើនក្នុងវិស័យផ្សេងៗ
• បរិយាកាសមានសុវត្ថិភាព ស្វាគមន៍ និងសមស្របសម្រាប់និស្សិត - អាចស្វែងយល់ពីប្រទេសស្រស់ស្អាតដែលមានវប្បធម៌ និងប្រវត្តិសាស្ត្រសម្បូរបែបនៅទ្វីបអឺរ៉ុប
បេក្ខជនទាំងពីរភេទដែលមានចំណាប់អារម្មណ៍ចង់ដាក់ពាក្យ សូមរួសរាន់ដាក់ពាក្យចាប់ពីថ្ងៃទី១១ ខែឧសភា ឆ្នាំ ២០២៦ នេះតទៅ រហូតដល់ថ្ងៃទី១២ ខែមិថុនា ឆ្នាំ ២០២៦ វេលាម៉ោង ២:០០ រសៀល (ម៉ោងប្រទេសរូម៉ានី) តាមរយៈអ៊ីមែល burse2026@arice.gov.ro។
សម្រាប់ការដាក់ពាក្យនេះ បេក្ខជនត្រូវផ្ញើឯកសារជាទម្រង់ PDF តែប៉ុណ្ណោះ តាមអ៊ីមែលខាងលើ ចំណែកឯកសារដើមនឹងត្រូវបង្ហាញនៅស្ថាប័នអប់រំដែលពាក់ព័ន្ធ សម្រាប់តែបេក្ខជនដែលជាប់ជម្រើសប៉ុណ្ណោះ។
គណៈកម្មការជ្រើសរើសរបស់ ARICE នឹងធ្វើការពិនិត្យ និងវាយតម្លៃលើឯកសារដាក់ស្នើ ហើយលទ្ធផលជម្រើសដំណាក់កាលដំបូង នឹងត្រូវប្រកាសមុនថ្ងៃទី១៥ ខែកញ្ញា ឆ្នាំ ២០២៦ នៅលើគេហទំព័រ https://arice.gov.ro/1/burse-2026/។
ដោយឡែក ការសម្រេចចុងក្រោយក្នុងការផ្ដល់អាហារូបករណ៍ នឹងធ្វើឡើង ដោយផ្អែកលើលក្ខខណ្ឌ និងនីតិវិធីផ្លូវការរបស់ក្រសួង។
លទ្ធផលចុងក្រោយនឹងត្រូវប្រកាសលើគេហទំព័រ ARICE និងជូនដំណឹងតាមអ៊ីមែលទៅកាន់បេក្ខជនដែលជាប់ជម្រើស។ សម្រាប់ព័ត៌មានលម្អិត និងនីតិវិធីដាក់ពាក្យ សូមចូលទៅកាន់៖ https://arice.gov.ro/1/burse-2026/ ៕
