ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ត្បូងឃ្មុំ – នាពិធីសម្ពោធដាក់ឱ្យប្រើប្រាស់មន្ទីរពេទ្យបង្អែកស្រុកក្រូចឆ្មារ ខេត្តត្បូងឃ្មុំ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានណែនាំឱ្យគ្រប់សាលារៀនទាំងអស់ គួរតម្រូវឱ្យសិស្សានុសិស្សគោរពទង់ជាតិ ច្រៀងចម្រៀងបទនគររាជដោយផ្ទាល់ និងមិនគួរចាក់ចម្រៀងនោះទេ ។ តាមប្រសាសន៍សម្តេចចម្រៀងបទ “នគររាជ” សម្រាប់គោរពទង់ជាតិ និពន្ធដោយសម្តេចព្រះសង្ឃរាជ ជួន ណាត មានអត្ថន័យខ្លាំងណាស់សម្រាប់កម្ពុជា ។
សម្តេចតេជោ ហ៊ុន សែន
“បើសិនជាគ្រប់សាលាទាំងអស់ ចាប់ផ្តើមឱ្យកូនសិស្សគោរពទង់ជាតិ រួចហើយគឺឱ្យច្រៀងផ្ទាល់ ទាហានប្រជុំជួរក៏ត្រូវឱ្យធ្វើដូចគ្នា ដើម្បីយើងលំហាត់ឡើងវិញ នេះគឺជារឿងដែលយើងគួរធ្វើ ហើយចម្រៀងរបស់យើងមានអត្ថន័យខ្លាំងណាស់ សម្តេចព្រះសង្ឃរាជ ជួន ណាត ដែលព្រះអង្គតាក់តែង”
សូមជម្រាបថា ចម្រៀងជាតិបទនគររាជ និពន្ធដោយសម្ដេចព្រះមហាសុមេធាធិបតី ព្រះសង្ឃរាជ ជួន ណាត ។ ចម្រៀងជាតិបទនគររាជបានតាក់តែងឡើងជាពាក្យកាព្យនៅថ្ងៃ ១២រោច ខែអាសាឍ ឆ្នាំម្សាញ់ ត្រីស័ក ព.ស. ២៤៨៤ ត្រូវនឹងថ្ងៃទី២០ ខែកក្កដា ឆ្នាំ១៩៤១ ។
ចម្រៀងជាតិបទនគររាជ មានបីវគ្គសំខាន់ៗដែលមានអត្ថន័យរួម គឺសរសើរពីវិរភាពនិងព្រះបារមីព្រះមហាក្សត្រ, សរសើរពីភាពប៉ិនប្រសប់កសាងរចនាតុបតែងប្រាសាទតំណាងឱ្យអនុភាពនៃជាតិខ្មែរ, និងសរសើរតម្លៃលើព្រះពុទ្ធសាសនានៅក្នុងសង្គមខ្មែរ ។ ក្រសួងអប់រំ យុវជន និងកីឡា បានដាក់បញ្ចូលចម្រៀងជាតិបទនគររាជនៅក្នុងសៀវភៅសិក្សាសង្គមថ្នាក់ទី៣ មេរៀនទី៤ ដើម្បីបង្រៀនដល់សិស្សានុសិស្ស ៕
