ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាឱកាសសម្រាប់សិស្សនិស្សិតដែលកំពុងស្វែងរកអាហារូបករណ៍សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យលីមកុកវីង ពេលនេះ គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តាមរយៈសម្តេចមហាបវរធិបតី ហ៊ុន ម៉ាណែត បានប្រកាសផ្តល់អាហារូបករណ៍ចំនួន១០កន្លែង សម្រាប់ឆ្នាំសិក្សា២០២៣-២០២៤។
ជំនាញដែលត្រូវផ្តល់ជូនរួមមាន ៖ (ថ្នាក់បរិញ្ញាបត្រ) ស្ថាបត្យកម្ម សំណង់ស៊ីវិល ច្នៃម៉ូដសម្លៀកបំពាក់ ការរចនា ពាណិជ្ជកម្មអន្តរជាតិ សហគ្រិនភាព វិស្វកម្មសូហ្វវ៉ែរ ព័ត៌មានវិទ្យាធុរកិច្ច, (ថ្នាក់បរិញ្ញាបត្រជាន់ខ្ពស់) គ្រប់គ្រងធនធានមនុស្ស ស្ថាបត្យកម្ម។
លក្ខខណ្ឌសម្រាប់បេក្ខជនដាក់ពាក្យស្នើសុំ ៖
ក. សម្រាប់ថ្នាក់បរិញ្ញាបត្រ ៖ បេក្ខជនទូទាំងប្រទេសដែលបានប្រឡងជាប់សញ្ញាបត្រមធ្យមសិក្សាទុតិយភូមិឆ្នាំសិក្សា២០២២-២០២៣, ពុំមែនជាសិស្ស/និស្សិតដែលបានចុះឈ្មោះចូលសិក្សា ឬកំពុងសិក្សាថ្នាក់បរិញ្ញាបត្រនៅសាកលវិទ្យាល័យលីមកុកវីង។
ខ. សម្រាប់ថ្នាក់បរិញ្ញាបត្រជាន់ខ្ពស់ ៖ បេក្ខជនទូទាំងប្រទេសដែលបានប្រឡងជាប់សញ្ញាបត្រមធ្យមសិក្សាទុតិយភូមិ, មានសញ្ញាបត្របរិញ្ញាបត្រ ឬសញ្ញាបត្រសមមូល, មានសមត្ថភាពភាសាអង់គ្លេសកម្រិត Upper Intermediate, ពុំមែនជាសិស្ស/និស្សិតដែលបានចុះឈ្មោះចូលសិក្សា ឬកំពុងសិក្សាថ្នាក់បរិញ្ញាបត្រជាន់ខ្ពស់នៅសាកលវិទ្យាល័យលីមកុកវីង។
លក្ខខណ្ឌរួម ៖ មានឆន្ទៈពិតប្រាកដក្នុងការបន្តការសិក្សា ខិតខំរៀនសូត្រ, គោរពតាមការណែនាំ និងព្រមទទួលយកលក្ខខណ្ឌដែលមានចែងរបស់គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត និងសាកលវិទ្យាល័យលីមកុកវីង។
សម្រាប់សិស្សនិស្សិតដែលមានចំណាប់អារម្មណ៍ អាចមកដាក់ពាក្យដើម្បីប្រឡង នៅការិយាល័យអាហារូបករណ៍ ផ្ទះលេខ៤ ផ្លូវ៥២២ សង្កាត់បឹងកក់១ ខណ្ឌទួលគោក រាជធានីភ្នំពេញ ចាប់ពីថ្ងៃទី១១ ខែធ្នូ ដល់ថ្ងៃទី២៩ ខែធ្នូ ឆ្នាំ២០២៣ រៀងរាល់ថ្ងៃពីម៉ោង៨ព្រឹក ដល់៥ល្ងាច៕
