ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តព្រៃវែង ប្រកាសផ្តល់អាហារូបករណ៍១០០ភាគរយ ដល់សិស្ស និស្សិតរៀនជំនាញបច្ចេកទេស និងវិជ្ជាជីវៈ សម្រាប់ឆ្នាំសិក្សា២០២៣-២០២៤ ចំនួន ៧៤០នាក់។
ក្នុងនោះសម្រាប់សញ្ញាបត្រជាន់ខ្ពស់បច្ចេកទេស ចំនួន១៤០កន្លែង មានជំនាញដូចជា ៖ វិស្វរកម្មអគ្គិសនី ២០នាក់, វិស្វរកម្មបរិក្ខារត្រជាក់ ២០នាក់, វិស្វរកម្មសំណង់ស៊ីវិល ២០នាក់, វិទ្យាសាស្រ្តកុំព្យូទ័រ ២០នាក់, វិស្វរកម្មលោហៈ ២០នាក់, វិស្វរកម្មមេកានិចរថយន្ត ២០នាក់ និង គណនេយ្យ ២០នាក់។
លក្ខខណ្ឌជ្រើសរើស ៖ ជាប់ ឬធ្លាក់សញ្ញាបត្រមធ្យមសិក្សាទុតិយភូមិ (ថ្នាក់ទី១២) ។ ស្រ្តី ជនពិការ និងជនក្រីក្រ ត្រូវបានលើកទឹកចិត្តក្នុងការដាក់ពាក្យចូលរៀនតាមជំនាញនីមួយៗ។
ដោយឡែកសម្រាប់ជំនាញសិក្សារយៈពេល៤ខែ ចំនួន៦០០កន្លែង ដែលមានជំនាញដូចជា ៖ ការងារកំបោរ ៩០នាក់, ការដំឡើងបណ្តាញបំពង់ទឹកក្នុងអគារ ៦០នាក់, ការដំឡើងបណ្តាញអគ្គិសនីក្នុងអគារ ៣០នាក់, ការដំឡើងពុម្ព ៣០នាក់, ការដំឡើងសរសៃដែក ៣០នាក់, ការថែទាំ និងជួសជុលបរិក្ខារប្រើប្រាស់អគ្គិសនីក្នុងគេហដ្ឋាន ៦០នាក់,ការផ្សារអគ្គិសនី ៩០នាក់, ការថែទាំ និងជួសជុលម៉ាស៊ីនត្រជាក់រថយន្ត ៣០នាក់, ការថែទាំ និងជួសជុលអគ្គិសនីរថយន្ត ៣០នាក់, ការថែទាំ និងជួសជុលរថយន្ត ៩០នាក់ និង សេវាកម្មបរិក្ខារត្រជាក់ក្នុងគេហដ្ឋាន ៦០នាក់។ សម្រាប់វេនសិក្សា មានពីថ្ងៃចន្ទ ដល់ថ្ងៃសុក្រ (ព្រឹក ល្ងាច) និងវេន ថ្ងៃសៅរ៍-អាទិត្យ (ព្រឹក ល្ងាច)។
កាលបរិច្ឆេទទទួលពាក្យ ចាប់ពីថ្ងៃផ្សាយដំណឹងនេះតទៅ ហើយកាលបរិច្ឆេទចូលរៀន ថ្ងៃទី០១ ខែធ្នូ ឆ្នាំ២០២៣។ សិក្ខាកាមទាំងអស់នឹងទទួលបានប្រាក់ឧបត្ថម្ភចំនួន ២៨០ ០០០រៀល ក្នុងមួយខែដោយរៀនពេញម៉ោង។
ដូច្នេះសម្រាប់សិស្ស និស្សិត ដែលមានបំណងចង់សិក្សាជំនាញបច្ចេកទេស និងវិជ្ជាជីវៈ ខាងលើ សូមទំនាក់ទំនងទៅកាន់វិទ្យាស្ថានពហុបច្ចេកទេសខេត្តព្រៃវែង ដែលមានទីតាំងនៅខាងត្បូងមន្ទីរអប់រំ យុវជន និងកីឡាខេត្ត (អតីតសាលាបំពេញវិជ្ជារៀបរយខេត្ត) រៀងរាល់ម៉ោងធ្វើការ៕
