ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រោមថវិកាគម្រោងទ្រទ្រង់គ្រឹះស្ថានជំហាន១ ឆ្នាំ២០២៣ វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើសសិស្សសិក្សាជំនាញបច្ចេកទេសដោយឥតគិតថ្លៃចំនួន ៤៥នាក់។
ជំនាញដែលអាហារូបករណ៍ផ្ដល់ជូនមានដូចជា ជួសជុលកុំព្យូទ័រ ចំនួន៣០កន្លែង និងជំនាញការរចនាក្រាហ្វិចដោយកុំព្យូទ័រ ចំនួន១៥កន្លែង ។ ការសិក្សាមានរយៈពេល៤ខែ ដោយសិក្សាពីថ្ងៃច័ន្ទ ដល់សុក្រ ។
លក្ខខណ្ឌសម្រាប់ជ្រើសរើស បេក្ខជនជាក្មេងកំព្រា ស្ត្រីមេម៉ាយ ជនពិការ ជនមាតុភូមិនិវត្តន៍ ជនទីទាល់ក្រ យោធិនរំសាយ និងសិស្សបោះបង់ការសិក្សាជាដើម ។
បេក្ខជនដែលមានចំណាប់អារម្មណ៍ក្នុងការសិក្សាខាងលើសូមអញ្ចើញទៅចុះឈ្មោះនៅវិទ្យាស្ថានពហុបច្ចេកទេសខេត្តកំពង់ឆ្នាំងរៀងរាល់ម៉ោងធ្វើការ ។ វិទ្យាស្ថានមានអាសយដ្ឋាននៅ ភូមិទួលក្រឡាញ់ សង្កាត់កំពង់ឆ្នាំ ក្រុងកំពង់ឆ្នាំង (ជាប់មន្ទីរអប់រំ យុវជន និងកីឡាខេត្តកំពង់ឆ្នាំង) ។
សម្រាប់ព័ត៌មានបន្ថែមអាចទំនាក់ទំនងទៅកាន់លេខ ០១២ ៤៧៤ ៣៤១ / ០១០ ៥៤៦ ១៧៧ / ០១០ ៣៩៨ ៤៥៥ ។ ចាប់ទទួលពាក្យចុះឈ្មោះពីថ្ងៃផ្សាយដំណឹងនេះរហូតដល់ថ្ងៃទី២៩ ខែឧសភា ឆ្នាំ២០២៣ ៕
