ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈបណ្តាញសង្គមនារសៀលថ្ងៃនេះ (២៣ វិច្ឆិកា) សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានធ្វើការអបអរសាទរជាមួយក្មួយៗទាំងអស់ដែលទទួលបានលទ្ធផលល្អប្រសើរ ក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៣នេះ។
ជាមួយនឹងការអបរដល់បេក្ខជនដែលទទួលបានលទ្ធផលល្អប្រសើរ សម្តេចធិបតី ក៏បានលើកទឹកចិត្តដល់បេក្ខជនដែលទទួលបានលទ្ធផលមិនគាប់ប្រសើរ ដោយកុំបាក់ទឹកចិត្ត ហើយត្រូវខិតខំប្រឹងប្រែងរៀនសូត្របន្ថែមទៀត ដើម្បីប្រែក្លាយលទ្ធផលឱ្យបានគាប់ប្រសើរក្នុងការប្រឡងឆ្នាំក្រោយ ឬអាចចាប់យកឱកាសក្នុងការសិក្សាជំនាញវិជ្ជាជីវៈ ឬកម្រិតនៃការសិក្សាបន្ទាប់ ដើម្បីបន្តអភិវឌ្ឍចំណេះដឹង និងជំនាញ សម្រាប់ចាប់យកអាជីពច្បាស់លាស់ ដើម្បីកសាងអនាគតដ៏ភ្លឺស្វាង។
បើតាមការប្រកាសរបស់ក្រសួងអប់រំ យុវជន និងកីឡា ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ឆ្នាំសិក្សា២០២២-២០២៣ មានបេក្ខជនជាប់សរុបចំនួន ៩៨ ៤៦០នាក់ ក្នុងនោះ បេក្ខជនដែលជាប់និទ្ទេស A មានចំនួន ១៦៧៣នាក់, និទ្ទេស B ចំនួន ៦៩៦៤នាក់, និទ្ទេស C ចំនួន ១៨៣០៨នាក់, និទ្ទេស D ចំនួន ៣៤២៤៦នាក់ និង និទ្ទេស E ចំនួន ៣៧២៦៩នាក់៕
