ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ធំ ចំនួន៣៦០កន្លែងសម្រាប់វគ្គសិក្សាថ្មី។ អាហារូករណ៍ផ្ដល់ជូនការសិក្សាចំនួន១២មុខជំនាញទៅកាន់យុវជន យុវនារីដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលសិក្សាដោយឥតគិតថ្លៃ។
ជំនាញដែលវិទ្យាស្ថានផ្ដល់ជូនសិក្សារួមមាន ការដំឡើងសរសៃដែក៣០នាក់, ការដំឡើងពុម្ព៣០នាក់, ការងារការ៉ូ៣០នាក់, ការដំឡើងបណ្ដាញអគ្គិសនីក្នុងអគារ៣០នាក់, ការផ្សារអគ្គិសនី(ផ្សារដែក) ៣០នាក់, ការថែទាំ និងជួសជុលរថយន្ត៣០នាក់, ការជួសជុលទោចក្រយានយន្ត៣០នាក់, សេវាកម្មបរិក្ខាត្រជាក់ក្នុងគេហដ្ឋាន៣០នាក់, សេវាកម្មកុំព្យូទ័រ៣០នាក់, សេវាកម្មសម្អាងកាយ៣០នាក់, ការដាំ ថែទាំ និងប្រមូលផលស្វាយចន្ទី៣០នាក់ និងជំនាញការកែច្នៃបន្លៃ និងផ្លែឈើ៣០នាក់។ គួរបញ្ជាក់ថា វគ្គសិក្សានឹងផ្ដល់ជូនការសិក្សាចំនួន៣វេនដោយ វេនចន្ទ-សុក្រ(ព្រឹក-ល្ងាច) សិក្សារយៈពេល៤ខែ វេនចន្ទ-សុក្រ(យប់) សិក្សារយៈពេល៨ខែ និងវេនសៅរ៍-អាទិត្យ(ព្រឹក-ល្ងាច)សិក្សារយៈពេល៨ខែ។
លក្ខខណ្ឌក្នុងការជ្រើសរើសបេក្ខជន ៖ ជាយុវជន យុវនារីដែលមកពីគ្រួសារក្រីក្រមានបណ្ណក្រ១ និងក្រ២ និងបណ្ណសំគាល់គ្រួសារងាយរងហានិភ័យ។ ជាមួយគ្នានេះ យុវជនមកពីគ្រួសារដែលមានសមាជិកមានបណ្ណសំគាល់មានពិការភាព និងបណ្ណមូលនិធិសមធម៌សុខាភិបាល និងជាយុវជនដែលឧទ្ទេសនាមដោយរដ្ឋបាលរាជធានី ខេត្ត ក្រុង ស្រុក ខណ្ឌ។
សម្រាប់ព័ត៌មានលម្អិតអំពីការចុះឈ្មោះសិក្សាអាចចូលទៅកាន់ https://t.me/tvetpiktkampongthom2024 ឬអាចទំនាក់នងទៅកាន់ ០១២ ៩២៦ ២៣២, ០១២ ៣២៩ ៩៣៩, ០១២ ២៥៩ ៦៤៩, ០១៥ ៦៦៦ ១៥៥, ០១២ ៦៣១ ៤០០, ០១១ ៨៨៤ ៣៨៦, ០៩៦ ៩៤៣២ ៧៩៦, និង ០៦៦ ៨៥៤ ៥៩៥។
ចាប់ផ្ដើមទទួលពាក្យចាប់ពីថ្ងៃផ្សាយដំណឹងនេះតទៅ៕
