ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យខេមតិច ប្រកាសប្រឡងជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រចំនួន២០០កន្លែងសម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនសម្រាប់សិក្សាជំនាញជាច្រើនក្នុងវិស័យបច្ចេកវិទ្យា។
ជំនាញដែលអាហារូបករណ៍ផ្ដល់ជូនសម្រាប់ថ្នាក់បរិញ្ញាបត្ររួមមាន ៖ បញ្ញាធុរកិច្ច (Business Intelligence), ស្ថាបត្យកម្ម (Architecture), ការរចនាផ្នែកខាងក្នុង (Interior Design), វិស្វកម្មរ៉ូបូតិច (Robotics and automation), សន្តិសុខតាមប្រព័ន្ធអ៊ីនធឺណែត (Cyber Security), វិទ្យាសាស្ត្រទិន្នន័យ និងបញ្ញាសិប្បនិមិ្មត ( Data Science & AI), វិស្វកម្មសូហ្វវែរ (Software Engineering)។
អត្ថប្រយោជន៍ និងមូលដ្ឋានគ្រឹះសិក្សាដែលនិស្សិតនឹងទទួលបានក្នុងការសិក្សារួមមាន ៖ ដឹងពីចំណង់ចំណូលចិត្តរបស់ខ្លួនឯង អាចស្វែងយល់ពីចំណុចខ្លាំង និងសមត្ថភាពរបស់ខ្លួនឯង សិក្សាស្រាវជ្រាវអំពីបច្ចេកវិទ្យា សិក្សានៅសាកលវិទ្យាល័យនៃសតវត្សទី២១ និងការសិក្សាជាភាសាអង់គ្លេស ឱកាសផ្លាស់ប្ដូរការសិក្សានៅក្រៅប្រទេស ឱកាសចុះកម្មសិក្សាជាមួយក្រុមហ៊ុនដែលជាដៃគូរសហកាណ៍ធំ។
ការប្រឡងជ្រើសរើស និស្សិតនឹងប្រព្រឹត្តិលើវិញ្ញាសារ គណិតវិទ្យា៩០នាទី ភាសាអង់គ្លេស៦០នាទី និងការសម្ភាសន៍១៥នាទី។ បេក្ខជន បេក្ខនារីដែលមានចំណាប់អារម្មណ៍លើការដាក់ពាក្យ អាចបំពេញពាក្យតាម Online : shorturl.at/xzLST ។ ចាប់ទទួលចុះឈ្មោះពីថ្ងៃផ្សាយដំណឹងរហូតដល់ថ្ងៃទី៣០ ខែកញ្ញា ឆ្នាំ២០២៥។
សម្រាប់ព័ត៌មានបន្ថែមអាចទំនាក់ទំនងទៅកាន់ 078 21 21 81 ឬ 086 21 21 81 ៕
