ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រោមកម្មវិធីអាហារូបករណ៍ Stipendium Hungaricum Programme របស់រដ្ឋាភិបាល នៃប្រទេសហុងគ្រី នឹងផ្តល់អាហារូបករណ៍ចំនួន ៣០កន្លែងដល់និស្សិតកម្ពុជា ដើម្បីបន្តការសិក្សានៅតាមសាកលវិទ្យាល័យនានាក្នុងប្រទេសហុងគ្រី សម្រាប់ឆ្នាំសិក្សា២០២៥-២០២៦ ។
បើតាមសេចក្តីជូនដំណឹងរបស់ក្រសួងអប់រំ យុវជន និងកីឡា សម្រាប់អាហារូបករណ៍នេះ រដ្ឋាភិបាលហុងគ្រីនឹងរ៉ាប់រងថ្លៃសិក្សា ផ្តល់ប្រាក់អាហារូបករណ៍ប្រចាំខែសម្រាប់ផ្គត់ផ្គង់ការរស់នៅ ផ្តល់កន្លែងស្នាក់នៅ រ៉ាប់រងសេវាសុខភាព និងអត្ថប្រយោជន៍ផ្សេងៗទៀត។ ដោយឡែកសំបុត្រយន្តហោះពេលចេញទៅសិក្សានៅប្រទេសហុងគ្រី (តែម្តងគត់) ជាបន្ទុករបស់រាជរដ្ឋាភិបាលកម្ពុជា។
អាហារូបករណ៍ត្រូវបែងចែកជា ៤ប្រភេទ គឺ ១.អាហារូបករណ៍សម្រាប់ថ្នាក់បណ្ឌិត (PhD/DLA) ចំនួន ៤កន្លែង លើមុខជំនាញណាក៏បាន និងសិក្សាជាភាសាហុងគ្រី ឬអង់គ្លេស។ ២.ថ្នាក់បរិញ្ញាបត្រជាន់ខ្ពស់ (MA/MSc) ចំនួន ៧កន្លែង លើមុខជំនាញ Agricultural Science, Arts and Humanity, Social Science, Computer Science and Information Technology, Legal Science, Economic Science, Engineering Science, Medical and Health Science, Sport Science, Natural Science, Arts, Art Education, Political Science and Public Governance។ ៣.អាហារូបករណ៍ចំនួន ៧កន្លែង សម្រាប់ការសិក្សាពេញមួយចប់ដល់កម្រិតថ្នាក់ម៉ាស្ទ័រ លើមុខជំនាញ Agricultural Science, Engineering Science, Medical and Health Science, Teacher Trainig and Arts។ ៤.ថ្នាក់ឧត្តមសិក្សា (BA/BSc) ចំនួន ១២កន្លែង លើមុខជំនាញ Agricultural Science, Arts and Humanities, Social Science, Computer Science and Information Technology, Legal Science, Economic Science, Engineering Science, Health Science, Political Science and Public Governance, Sport Science, Natural Science, Arts and Art Education។
បេក្ខជនដែលមានបំណងចូលរួមក្នុងកម្មវិធីអាហារូបករណ៍ ត្រូវដាក់ពាក្យតាមរយៈគេហទំព័រ apply.stipendiumhungaricum.hu ឬ www.stipendiumhungaricum.hu ឱ្យបានត្រឹមថ្ងៃទី១៥ ខែមករា ឆ្នាំ២០២៥។ ទន្ទឹមនឹងនេះ បេក្ខជន ក៏តម្រូវឱ្យមកចុះឈ្មោះនៅនាយកដ្ឋានសហប្រតិបត្តិការអន្តរជាតិ និងកិច្ចការអាស៊ាន អគារលេខ៨០ មហាវិថីព្រះនរោត្តម (ស្ថិតក្នុងទីស្តីការក្រសួងអប់រំ យុវជន និងកីឡា) ចាប់ពីថ្ងៃផ្សាយដំណឹងនេះ រហូតដល់ថ្ងៃទី២៤ ខែមករា ឆ្នាំ២០២៥ វេលាម៉ោង៤រសៀល។ ពាក្យសុំចុះឈ្មោះ បេក្ខជនអាចទាញយកបាន តាមរយៈតំណភ្ជាប់ https://qr.me-qr.com/mobile/pdf/18502270 ។ បរិច្ឆេទឈប់ទទួលពាក្យតាមអនឡាញ ១៥ មករា ២០២៥ ។
សម្រាប់ព័ត៌មានទាក់ទង និងលក្ខខណ្ឌ នៃការចូលរួមជាបេក្ខភាព និងការបំពេញសំណុំឯកសារផ្សេងៗ សូមចូលទៅកាន់គេហទំព័រខាងលើ ឬអាចទាក់ទងទៅកាន់ទូរស័ព្ទលេខ ០១២ ៣២៨ ៨០៦ និង ០៩៥ ៦២៤ ៨៩៥ រៀងរាល់ម៉ោងធ្វើការ៕
