ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការរក្សារាងកាយឱ្យមានចលនា ឬរក្សាភាពសកម្មឱ្យទៀងទាត់ប្រចាំថ្ងៃ រួមចំណែកយ៉ាងសំខាន់សម្រាប់សុខភាពផ្លូវចិត្ត និងផ្លូវកាយ ក៏ដូចជាសុខមាភាពក្នុងការរស់នៅប្រចាំថ្ងៃ ។ ដូច្នេះ តើសកម្មភាពអ្វីខ្លះ ដែលយើងគួរធ្វើ ឬត្រូវធ្វើ ក្នុងរយៈពេលមួយថ្ងៃៗ ដើម្បីរក្សាសុខភាព ឱ្យស្របតាមតម្រូវការនៃរាងកាយទៅតាមអាយុកាលនីមួយៗ ?
យ៉ាងណាចំពោះយុវជនវិញ ការធ្វើលំហាត់ប្រានបានទៀងទាត់ ជាកត្តាជួយកាត់បន្ថយ ជំងឺមហារីក រក្សាសម្ពាធឈាម កាត់បន្ថយការកើតជំងឺទឹកនោមផ្អែម កាត់បន្ថយសភាពឡើងទម្ងន់ រក្សាសាច់ដុំ ពង្រឹងឆ្អឹងឱ្យរឹងមាំ បង្កើនឱកាសធ្វើទំនាក់ទំនងថ្មីៗ ដែលជារួមគឺពង្រឹងសុខភាពផ្លូវចិត្ត និងកាយ។ ទន្ទឹមគ្នានោះមានការផ្តល់ជាយោបល់បន្ថែមថា មនុស្សពេញវ័យគួរតែបង្កើតឱ្យមានចលនាជាប្រចាំថ្ងៃ។
ប៉ុន្តែបើនិយាយអំពីសកម្មភាពប្រចាំសប្តាហ៍គេវាសវែងដូចជា គិតក្នុងរយៈពេលចាប់ពី ពីរម៉ោងកន្លះ ទៅប្រាំម៉ោងគឺនៅក្នុងកម្រិតមួយមធ្យមនៅឡើយ ចំពោះសកម្មភាពដែលអាចធ្វើបានក្នុងកម្រិតនេះរួមមាន ការដើរក្នុងល្បឿនមួយដែលលឿនៗ ការហែលទឹក កាត់ស្មៅ និងវាយកូនហ្គោលជាដើម។ ជាជំហានបន្ទាប់គឺ ការធ្វើសកម្មភាពក្នុងកម្រិតមួយខ្ពស់ជាមធ្យមក្នុងចន្លោះរយៈពេលចាប់ពី មួយម៉ោងកន្លះ ទៅពីរម៉ោងកន្លះ តាមរយៈសកម្មភាពដូចជា រត់ លោត ជិះកង់ ទាត់បាល់ និងសកម្មភាពជាច្រើនទៀតត្រូវការប្រើប្រាស់ចលនា។
ដើម្បីកសាងទម្លាប់ខ្លួនឯង ឱ្យមានភាពសកម្មបានទៀងទាត់ គេមិនចាំបាច់ទាល់តែមានគូសរចនាសម្ព័ន្ធ ឬរបៀបវារៈជាផ្លូវការពេកនោះទេ លោកអ្នកគ្រាន់តែ ចាប់ផ្តើម ដោយការជ្រើសយកសកម្មភាពសាមញ្ញៗ ហើយរុញបញ្ចូលទៅក្នុងទម្លាប់ប្រចាំថ្ងៃ គឺជាការជំរុញដល់ការផ្លាស់ប្តូរយ៉ាងសំខាន់៕
