គណៈកម្មាធិការអាហារូបករណ៍សិស្ស-និស្សិតក្រីក្រសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតប្រកាសផ្ដល់អាហារូបករណ៍សិក្សានៅសាកលវិទ្យាល័យអាមេរិកកាំងភ្នំពេញថ្នាក់បរិញ្ញាបត្រសម្រាប់ឆ្នាំសិក្សា២០២៣-២០២៤ ចំនួន១០០កន្លែង។

អាហារូបករណ៍ផ្ដល់ជូនការសិក្សាជំនាញបច្ចេកវិទ្យាឌីជីថល (Single Degree) ជំនាញបច្ចេកវិទ្យាទូរគមនាគមន៍និងព័ត៌មាន( Information and Communications Technology) ជំនាញសន្តិសុខសាយប័រ(Cybersecurity) ជំនាញការអភិវឌ្ឍសុសវែរ(Software Development) និងជំនាញហេដ្ឋារចនាសម្ព័ន្ធឌីជីថល(Digital Infrastructure)។

លក្ខខណ្ឌសម្រាប់បេក្ខជនដាក់ពាក្យស្នើសុំចូលរួមប្រឡង ជាបេក្ខជនដែលបានប្រឡងជាប់សញ្ញាបត្រមធ្យមសិក្សាទុតិយភូមិឆ្នាំសិក្សា២០២២-២០២៣ ដោយទទួលបាននិទ្ទេស A, B ឬ C ពុំមែនជាសិស្សនិស្សិតដែលបានចុះឈ្មោះចូលសិក្សា ឬកំពុងសិក្សានៅសាកលវិទ្យាល័យអាមេរិកាំងភ្នំពេញ មានឆន្ទៈពិតប្រាកដក្នុងការបន្តការសិក្សាខិតខំរៀនសូត្រ។ ជាមួយគ្នានេះសិស្សត្រូវគោរពតាមការណែនាំ និងព្រមទទួលយកលក្ខខណ្ឌដែលមានចែងរបស់ គណៈកម្មាធិការអាហារូបករណ៍សិស្ស-និស្សិតក្រីក្រសម្ដេចអគ្គមហាសេនាបតីតេជោ ហ៊ុន សែន និងសម្ដេចគតិព្រឹទ្ធបណ្ឌិត និងសាកលវិទ្យាល័យអាមេរិកាំងភ្នំពេញ។

លក្ខខណ្ឌនៃការជ្រើសរើសនិងទទួលពាក្យត្រូវបានបែងចែកជាបីដំណាក់កាលដោយដំណាក់កាលទីមួយបេក្ខជនត្រូវដាក់ពាក្យស្នើសុំប្រឡងតាមរយៈ https://drive.google.com/file/d/1E6XwP9WOgysU5pA2SSmWpdfriWaiZ55U/view?usp=drivesdk ដំណាក់កាលទីពីរ បេក្ខជនត្រូវបំពេញឯកសារចុះឈ្មោះ និងភ្ជាប់ជូនឯកសារពាក់ព័ន្ធផ្សេងៗទៀតតាមរយៈអ៊ីមែល និងតាមការណែនាំរបស់សកលវិទ្យាល័យ។ សម្រាប់ដំណាក់កាលទីបីបេក្ខជនត្រូវឆ្លងកាត់ការប្រឡងដូចជា សិស្សនិទេស A ត្រូវប្រឡងមុខវិជ្ជាភាសាអង់គ្លេសរយៈពេល៣ម៉ោង។ សម្រាប់សិស្សនិទ្ទេស B និង C ត្រូវប្រឡងភាសាអង់គ្លេសរយៈ៣ម៉ោង គណិតវិទ្យា (ជាភាសាខ្មែរ) រយៈពេលមួយម៉ោង និងរូបវិទ្យា (ជាភាសាខ្មែរ) រយៈពេលមួយម៉ោង។ ជាមួយគ្នានេះ គណៈកម្មាធិការអាហារូបករណ៍នឹងធ្វើការលើកលែងលើការប្រឡងភាសាអង់គ្លេសចំពោះសិស្សដែលមាន និងភ្ជាប់ជាមួយឯកសារមានសុពលភាពបញ្ជាក់ភាសាអង់គ្លេស IELTS ចាប់ពី ៦.០ឡើងទៅ ឬ TOEFL ចាប់ពី ៧៩ឡើង។

បេក្ខជនអាចទៅដាក់ពាក្យស្នើសុំប្រឡងនៅសាកលវិទ្យាល័យអាមេរិកកាំងភ្នំពេញ ដែលមានអាសយដ្ឋាន អគារលេខ២៧៨H ផ្លូវ២០១R ភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ។

ពាក្យនឹងបើកទទួលពីថ្ងៃទី១១ ខែធ្នូ ឆ្នាំ២០២៣  ដល់ថ្ងៃទី២២ ខែធ្នូ ឆ្នាំ២០២៣ រៀងរាល់ថ្ងៃច័ន្ទ-សុក្រ ចាប់ពីម៉ោង៨ព្រឹក-៥ល្ងាច និង ថ្ងៃសៅរ៍ចាប់ពីម៉ោង៨ព្រឹក ដល់១២ថ្ងៃត្រង់៕